Leviticus 3:1 - Labrador Inuttitut Heritage Bible

¹ Tunergutingalo tunergutaukpat ᴋujaliutiksamik; tunikpago tuktuvangnit, angutelônêt, arnarlônêt, tunijaksarivâ ᴋanoêtoᴋangitok Nâlekab sângane.

Leviticus 3:1 Iomraidhean Croise

I Kronika 21:26

Davidiblo tagvane Altare sanava Nalekamut, tunijilunelo tunergutinik ôtaksanik, ᴋujalijutiksaniglo. Nalegarlo nipliarvigingmago tussarpa ikkomakut ᴋilangmit tunergutiksaliub ôtaksanik Altaringata ᴋângane.

Exodus 20:24

Ivjomik tunerguserviliortuksauvotit uvamnut, tâpsomalo ᴋângane tunergusertuksauvotit tunergutinik ôtaksanik, tunergutiniglo ᴋujalijutiksanik, saugaᴋotingnit tuktuvaᴋotingnillo; inine tamaine atimnik taisiviorᴋojamne tagvane tikitsomavagit saimauseromavagillo.

Exodus 24:5

Tiliklerporlo angutinik inôsuktunik Israêlikunit, tâpkoalo tunerguserput tunergutiksanik ôtaksanik tunergutiksaniglo ᴋujalijutiksanik tuktuvangnik Nâlekamut.

Exodus 29:28

Aroniblo erningitalo ningeksiarijaksarivait Israêlikunit maligaksakut soraijuitokut; tunergutaungmat isautijaujok ᴋongmut: Tunergutaujuksauvorlo isautijaujok ᴋongmut Israêlikunit, tunergutinginit ᴋujalijutinit tunergusertaujunit, llâ, tunergut isautijaujok ᴋongmut Nâlekamut.

Salomob Okâl 7:14

Tunergutiksanik ᴋujalitiksanik najorteᴋarpunga, uvlome angerutikka akkililaukpakka.

Hesekiel 43:27

Uvlullo tâpkoa nâgêrpatta, uvlut 8ingane kingornganelo ajoᴋertuijut tunergutise ôtaksat tunergutigijaksarivait tunerguservingme, tunergutiselo ulapirᴋsartaujutiksat; uvangalo ilalioromavapse, oᴋarpoᴋ Nâlegaᴋ Nâlegaujoᴋ.

Hesekiel 45:15

Sauᴋanillo katimgajunit 200nit atauseᴋ tunijaksauvoᴋ Israêlib naᴋsanginit imeᴋatsiartunit, tagva tunergutiksaᴋ nerᴋiksaᴋ, tunergutiksarlo ôtaksaᴋ, tunergutiksarlo ulapᴋosertaujutiksaᴋ, ulapᴋosertauᴋovlugit, oᴋarpoᴋ Nâlegaᴋ Nâlegaujoᴋ.

Leviticus 1:10

Tunergutiksangalo ôtaksak sauganit tuktungajunillônêt pikpat: tunergutigijaksarivâ angusâlok ᴋanoêtoᴋangitok.

Leviticus 1:3

Tunergutiksak ôtaksaukpat tuktuvangnit, tunergusertuksauvok angusâlormik ᴋanoêtoᴋangitomik: tunergutigijaksarivâ ilagêktut tupingata upkoangata sângane, ᴋuviagijauᴋovlugo Nâlekamut.

Leviticus 17:5

Israêlib ᴋitorngangit ᴋaitsiᴋovlugit tunergutiksamingnik, tunergutigijamingnik mânetuinak silame, Nâlekamut, ilagêktut tupingata upkoanganut, ajoᴋertuijomut, tunergutigilugillo tunergutiksautilugit ᴋujaliutiksamik Nâlekamut.

Leviticus 3:6

Tunergutingalo tunergutiokpat ᴋujaliutiksamik Nâlekamut sauganit, angutelônêt, arnarlônêt ᴋanoêtoᴋangitok tunijaksarivâ.

Leviticus 9:18

Toᴋotsivoktauk tuktuvangmik saugarmiglo angusâlormik, tunergutiksângnik ᴋujaliutiksângnik inuit pivlugit; Aroniblo erningita auk tunivât tâpsomunga, tâpsomalo serᴋerautigivâ tunerguserviub avatânut,

Leviticus 9:4

Tuktuvangmiglo saugarmiglo angusâlornik tunergutiksângnik ᴋujaliutiksângnik, tunergutauᴋovlugik Nâlekab sângane; tunergutiksamiglo sanaugamik orᴋsumut akusimajomik; uvlome Nâlekab sakᴋervigilârmase.

Amos 5:22

Ilâ, tunerguservigigaloarupsinga tunergutipsingnik ôtaksanik tunergutiniglo nerᴋiksanik, ilalioromangilakka; kamagijomangilakkalônêt tunergutise ᴋujalitiksat nergjutit ᴋoinijut.

Mâlaki 1:14

Uivêriklertorle ôminarsile, saugaᴋotime akorngane angusalungmik piᴋartoᴋ, angermariklunelo tunergusertoᴋ ᴋanoetolingmik Nâlekamut; uvanga atanersoangogama, oᴋarpoᴋ Nâlegaᴋ Zebaot, atteralo ileranadlarpok nelojut akorngane.

Mâlaki 1:8

Tautungitorlo tunergutigigupsiuk, (oᴋarpose) maᴋojungnalungilaᴋ! Tusiaktorlônêt ᴋanimajorlônêt tunergutigigupsiuk, (oᴋarpose) naggonalungilaᴋ! Pajugutigisiuk nunab atanerusinganut; tâpsoma ᴋuviaginajarᴋâtît? Kinaunîllônêt kamaginajarᴋaûk? oᴋarpoᴋ Nâlegaᴋ Zebaot.

Numbers 15:8

Tuktuvangmiglo tunergutiksamik ôtaksamik, toᴋotaksamiglônêt angerviviksiorutiksamik, ᴋujaliutiksamiglônêt atuinaruteriguvit;

Numbers 6:14

Tunergutiksaminiglo Nâlekamut tunitjijuksauvoᴋ, saugârsungmik angutimik, atautsemik jârelingnik, ᴋanoetoᴋangitomik, tunergutiksauᴋovlugo ajortoêrutiksamik, angusalormiglo ᴋanoetoᴋangitomik, tunergutiksauᴋovlugo ᴋujaliutiksamik,

Numbers 7:17

Tunergutiksamullo ᴋujaliutiksamut ilingajut, tuktuvâk maggûk, saukat angusâluit tellimat, tuktungajut angutit tellimat, saugârsuit angutit, atautsemik jârelit, tellimat; tamadja Nasonib, Amminadab erningata, tunergutingit.

Numbers 7:59

Tunergutiksamullo ᴋujaliutiksamut ilingajut, tuktuvâk maggûk, saukat angusaluit tellimat, tuktungajut angutit tellimat, saugârsuit angutit, atautsemik jârelit, tellimat; tamadja Gamalielib, Pedasurib erningata, tunergutingit.

Deuteronomy 12:27

Tunergutigijatillo ôtaksat tunergutigijaksarivatit, nerᴋingalo aungalo, Nâlekab Gûdivît tunerguservigijangane, tunergutivîllo toᴋotaksat aungit kovijaujuksauvut Nâlekab Gûdivît tunerguservinganut, nerᴋingillo nerrijaksarivatit.

Kolossamiunut 1:20

Tâpsomûnalo ilûnaita ullapᴋosertauᴋovlugit ingminut nunametullo ᴋilangmêtullo, saningajolingme aunganut, saimarsaijomavlune nangminerminut.

Ebrêerinut 10:22

Aivigilavut tagva, ômamut mikselingmut, okpermarikluta, serparsartauvluta ômatiptigut, ᴋelarudjârtauvlutalo issumamit passijaksaujomit, ubvarsimavlutalo timiptigut imermut ivjornaitomut;

I Johannesib 1:3

Tâmna takolauᴋtavut tussalauᴋtavullo oᴋautigivavut ilipsingnut, ilipsitauᴋ illagêgutiᴋarᴋovlusi uvaptingnut; uvagullo Atâtamut Erninganullo Jêsuse Kristusemut illagêngniᴋarpogut.

Idluarsaijut 20:26

Tagva Israelib ᴋitorngangit ilûnatik, inugasaksuillo ilûnatik takpaungarput, ᴋailutiglo Gûdib iglunganut, kugviorlutiglo, uvlilutiglo tagvane Nâlekab sângane, nerrinatiglo uvlorme taipsomane, unnuk tikkilugo, tunnijilutiglo tunnergutinik ikkoalajaksanik, tunnergutiniglo ᴋujalijutiksanik Nâlekab sângane.

Idluarsaijut 21:4

Kaub aipangane inugasaksuit makkijajovut, sanalutiglo tagvane Altaremik, tunnijilutiglo tunnergutinik ôtaksanik, ᴋujalijutiksaniglo.