9 Uvangalo kamagitsiaromavapse, kinguvâᴋartitsomavapselo unuksitiluselo; angerneralo ilipsingnut atsungersoromavara.
Gûdiblo saimauserpak oᴋautivlugiglo: Kinguvâktâᴋattarlutik unuksivallialeritik, nuna nâmavlugo attaniotivigivlugolo: nâlegauleritiglo mingeritjanut imânêtunut, tingmitjanullo ᴋilaub atânêtunut, ômajunullo tamainut aulajunut nuname.
Ismaêlelo pivlugo tussarivagittauᴋ: Ahâk, pitsartutipara kinguvâksatâᴋattartitsomavaralo unuksivalliadlartitsomavlugolo. Attanernik 12nik ernertâromârpoᴋ inugasaksoangortitsomavaralo.
Tamanna pivlugo saimauseromavagit, kinguvâksatillo unuksivalliatitsomavakka uvloritjatitut ᴋilangmêtutitut, siorᴋatitullo imarbiksûb sikjanganêtutitut. Kinguvâksavillo akkerartortimik upkoaᴋsoangit pigijomârpait.
Kinguvâksatillo unuksivalliatitsomavakka ᴋilaub uvloriangititut, kinguvâksarnullo nunat tamakkoa tamaita tunijomavakka. Kinguvâksakullo inôᴋatigêksuit nunamêtut ilûnamatsiatik saimausertaujomârput,
Kinguvâksatillo nunab sanningititut unuktigijomârput, siamaromârpotillo paunga taunungalo avungalo aungallo, illikkullo kinguvâksakullo kinguvârêt nunamêtut ilûnamatsiatik saimausertaujomârput.
Gûdible ajugaᴋangitub saimauserlitit, kinguvâktârtilutillo, unuksivalliatilutillo inôᴋatigêksoangortilutit;
Oᴋarvigivlunga: Ahâk, kinguvâktârtitsomavagit unuksivalliatitsomavlutillo inugasaksoangortilutit, nunalo manna sorairtuksaungitomik perᴋutautitsomavara kinguvângnut kingunikkut.
Igville angervigivagit, umiaᴋsoarmullo ikijariaᴋarpotit igvit, ernitillo, nuliallo, ernivit nuliangillo illagivlugit.
Kivgaillo inugasaksuit annerilauktavit akkornganêpok, taimâk unuktigijôjut kititaujungnangimatta, aglagutigijaujungnangimattalo unnumut.
Nâlekable saimarvigivait napkigilaitalo, sâlugillo, angersimanine Abrahamut, Isaangmullo, Jakomullo pivlugo, asseroromalaungilaillo, ajaktorlaungilaillo kênaminit manna tikkilugo.
Tagva uvanga kiovakka, oᴋarlungalo: ᴋilaub Gûdingata sullitiniarpâtigut tamattominga; uvagullo kivgaujogut tapsomunga, parngnaileromavogut, sanajomalutalo, ilipsele ilangiutiviᴋangilase, idluarneᴋaraselonêt, erᴋaumajaksaᴋaraselonêt Jerusaleme.
ᴋitorngangillo unnuksivalliatilaukpattit uvloritsetitut ᴋilangmêtutitut, âlaukpattillo nunamut atâtagijanginut oᴋarutigilauktarnut, ittervigilugo nangmineliutilugolo pijuksaungmatta.
Pitsartutipaillo unnuksivalliadlarᴋovlugit, nergjutingillo ikkitôtilungilait;
Anerijara angerᴋattigilaukpara; Davide kivgara angermarilaukpara:
Israêlikut, kinguvâktâᴋatarlutik pivallialerput unuksivallialutiglo angijororpalliadlarlutiglo; nunalo nâmavât tâpkoa.
Gûdiblo Israêlikut takonârpait isumagivlugillo.
Angervigivakka, nunamik Kânaanemik tunitjivigijomavlugit, nunamik tujormiangovigijanganik, tujormiangovlutik nunagijanganik.
Siutise mannivlugit ᴋaititse uvamnut, tussaleritse, tarnise tagva ômajomârput, angervigijomârpapselo issoᴋangitomut illingajuksanik, saimanartunik pilliutigijamnik Dâvidemut soraijuitomik.
Uvangalo saugaᴋotima amiakungit katersoromavakka nunanit tamainit ajaktortauvigijanginit uvamnut, utertitsomalerivakkalo pairijauvigilauᴋtanginut; kinguvâktâᴋattalârpullo unuksivaliavlutiglo.
Pairᴋsijuksaniglo tâpkonunga ilijijomavunga pairᴋsilârtunik tâpkoninga; kingornganalo sivôrajungnairomârput ᴋoaᴋsârungnairlutiglo kingomajaujoᴋalulângilarlo, oᴋarpoᴋ Nâlagaᴋ.
Kaigarsugviginga akkijomavagillo, unertutjivigijomavagillo angijunik inornartuniglo, ᴋaujimangitarnik.
Angiᴋatigêngneralo ilingnut atsungersoromârpara; ᴋaujijuksaujomârpotillo uvangaugama Nâlegaᴋ;
Ahâk, ilipsingnêpunga, sâvigijomavapselo, poagijartaujomârapse karngaviolârluselo:
Maligaksauᴋojakkalo naggogigupsigik, tarnipselo idluarijakka ajaktorpatigik, piniartauᴋojakka tamaita piniaromanagit, angiᴋatigêgutigijara asserᴋilugo;
Nâpkigosungnermiglo sakᴋertitsilune angajoᴋâptingnut, angerninelo hailigiojok erᴋaumavlugo,
Nâlekablo piᴋangârtitsomârpâtit idluarᴋutaujunik, timivît paunganginik, nergjuteᴋotivît paunganginik, nunavîllo paunganginik, nuname, Nâlekab nelautsimariktomik angerutigilauᴋtangane atâtagijarnut, ilingnut tunijomavlugo.
Saimartitaulârput timivît paungangit, nunavîllo paungangit, nergjuteᴋotivîllo paungangit, tuktuvaᴋotivît unuksiningit, saugakotivîllo piarangit.
Nagliginiarpâtillo, saimarsarniarpâtillo, unuksitiniarpâtillo; timivîllo paungangit nunavîllo paungangit saimarsarniarpait, senaugaksatillo, vainiksatillo, orᴋsutillo, tuktuvaᴋotivîllo piarangit, saugakotivîllo piarangit, nuname oᴋamariklune angerutigijane atâtagijarnut tunijomavlugo ilingnut.
Testamentitut taipsotunaungitoᴋ angerutigilauᴋtaptut angajoᴋânginut, uvlorme taipsomane, aggangit tigulaurapkit aulartilugit nunamit Egiptenemit. Testamentimne soᴋosijuilaungimatta, kamagijomalaungilakkatauᴋ, Nâlegaᴋ oᴋarpoᴋ.