Leviticus 26:6 - Labrador Inuttitut Heritage Bible

⁶ Ulapirksaumiglo tunitjijomavunga nunapsingne, inangalârposelo kapiasuktitaunase kimullônêt; ômajullo erᴋsinartut pêjaromavakka nunapsingnit, saviksoarlo ingergarniangilak nunapsigut.

Leviticus 26:6 Iomraidhean Croise

II Atannit 2:24

ᴋeviarporlo, takkonamigillo oᴋarnerlutigivait Nâlekab atingane. Tagva aklâk tikkilerpuk nappartunit, alliktorlugillo sorrutsit 42 git tapᴋonangat.

I Kronika 22:9

Ahâk, ernît, erniangojuksak illingnut, tamna angutaujomârpok uimajangitok; uvanga merngoêrserᴋojomagapko omigijinginit avatinganêtunit tamainit; Salomomik ateᴋartuksaungmat, uvangalo ullapirsaumik, merngoêrsernermiglo tunijijomavunga Israelitinut inôsingane tamât.

II Kronika 20:30

Taimaglo Josafatib attanniovinga innilangalaukpok, Gudiblo merngoêrsernermik tunnitsivigiva avatâne illunane.

Hiobe 11:19

Innarajarlutillo, kinamullônêllo tuppaksartauvlutit ᴋoaksârtitaunajangilatit, unuktullo sângne ᴋenunajarput.

Hiobe 5:23

Angerᴋattigêngneᴋarniarpotille ujarᴋanik naternamêtunnik, ômajullo nujuartut nuname ullapirsauteᴋarᴋattiginiarpâtit.

Imgerut 144:14

Tuktuvaᴋotivut angijomik nangmarᴋovlugit; ᴋannoêtoᴋarᴋonago, assiomajoᴋarᴋonagolonêt, ârusuktoᴋarᴋonagolonêt apᴋosiniptingne iglupta akkorngane.

Imgerut 147:14

Ullapirsauteᴋartitsivok kiglilervingne, namaksitipâtillo ᴋakᴋôjaksatsiangonerpangôjunut.

Imgerut 29:11

Nâlekab innuᴋotine pitsartuneᴋartiniarpait, Nâlekab innuᴋotine pitsartutiniarpait ullapirsaumut.

Imgerut 3:5

Inangavunga, sinniklungalo, tuppaklungalo; Nâlekab najumingmanga.

Imgerut 4:8

Innangavunga, sinniklungalo ullapirsauteᴋarlunga; igvit kissivît Nâlegak ikajoramga, inneᴋarᴋovlunga ussornarnartomik.

Imgerut 85:8

Tussaromavunga Gûdib Nâlekab oᴋauserijanganik; innuᴋotine ivsornaitoveᴋotinelo ullapirsaumik angervigingmagit, amalo sillainartomut illingajuksaungilat.

Exodus 23:29

Jâreme atauserme ᴋemâtitsomangilakka sivunernit, nuna inuerutjaudlaroarmat, ômajullo naternamêtut unuksidlaroarmata ilingnut.

Salomob Okâl 3:24

Inilaleruvit sivôraniangilatit; inanganiarlutille, sinitsiarniarlutillo.

Salomob Okâl 6:22

Pissuleraivit, tapᴋonunga tessiortauᴋovlutit; inilaleraiguvit, tapᴋonunga sapputijauᴋovlutit; tuppaleraiguvit oᴋausiksauᴋovlugit ilingnut.

Jesaiase 35:8

Tagvanelo apᴋosineᴋaromârpoᴋ apᴋutiksamik. Apᴋomik ivsornaitomik taijaujomârpoᴋ taimna. Ivsornartomut pissugviksaungilaᴋ, taipkonungale attoraksaujomârpoᴋ. Ingergajut tagvûna, sillaitut aglât tammaromângilat.

Jesaiase 35:9

Tagvane loeveᴋaromângilaᴋ, ômajomiglo kêsuktoᴋsoamik tagvûna pissuktoᴋaromângilaᴋ tagvanẽtoᴋaranelo. Uttertitaujulle pissugomârput tagvane.

Jesaiase 45:7

Kaumajomik pingortitsivunga tâᴋtoᴋarᴋojivlungalo; pilloringnermik tunidjivunga ᴋanoetoᴋarᴋojivlungalo. Uvanga Nâlegaujunga tamakkoninga tamainik piniartunga.

Jesaiase 9:7

Nâlegauvik angijorortitsomavlugo ullapirsauteᴋatsainartitsomavlugo Dâvidib iksivautanganẽpoᴋ attaniovinganelo, âᴋiksorlugo erᴋartuitsiarnermut idluarsainermullo mãnanit issoᴋangitomut. Kilangmiugasaksuit Nâlegangata illungertorninga tamattominga piniaromârpoᴋ.

Jeremia 30:10

Taimaimat, sivôraniarnak Jâko kivgara, oᴋarpoᴋ Nâlagaᴋ; kapiasudlarnak, Israêle; ahâk, ᴋelujomârpagit ungasiktomit, kinguvâksatillo nunamit aularutijauvigijamingnit; Jâkolo uteromârpoᴋ inilangatsiarniarlunalo pagvisartaulugane, ᴋoaᴋsârtitsijoᴋarnialungilarlo tâpsominga.

Jeremia 31:26

Tamannalo pingmat tupalauᴋpunga, uitarlungalo: siningnerilauᴋtaralo nakoᴋsiutigidlarpara.

Hesekiel 14:15

Omajullônêt erᴋsinartut ingerarᴋonajarupkit nunakut, asseroiᴋovlugit tâpsominga ᴋemaktauᴋovlugo, apᴋusârtauᴋonago kimut ômajoaluit pitjutigivlugit;

Hesekiel 14:17

Saviksoarlônêt tikiutinajarupko nunamut tâpsomunga, oᴋarlungalo: Saviksoaᴋ, nuna ingerarvigiuk; kipisiᴋovlunga inungnik nergjutiniglo tagvangat;

Hesekiel 14:21

Imâk oᴋarmat Nâlegaᴋ Nâlegaujoᴋ: Kanoᴋ anginersautigilârᴋât akkiniarutikka sugaluluartut sittamat tiligupkit Jerusalemut: saviksoaᴋ, kângnerlo, ômajullo erᴋsinartut, nûsilingnartorlo, pêjaiᴋovlugit inungnik nergjutiniglo tagvangât?

Hesekiel 34:25

Angeᴋatigêngnermiglo ulapirᴋsautelingmik angeᴋatigijomavakka, ômajullo erᴋsinartut nunamit pêjaromavakka; terliklutiglo nunaᴋaromârput sunaᴋajuitome, siniktarlutiglo napârtolingme.

Hesekiel 34:27

Napârtorlo naternamêtoᴋ paungatâlârpoᴋ, nunalo saᴋᴋêlârpoᴋ perortuminik, inuillo nunatik nunagilârpait terliklutik; ᴋaujijuksaulârpullo uvangaugama Nâlegaᴋ, nangmautât navgorêrupko, piulilugillo kipalotitingita agganginit.

Hesekiel 5:17

Kângnerlo ômajullo erᴋsinartut tilijomavakka ilipsingnut, tâpkoalo ᴋitorngairutilârpâse; toᴋolo auglo apᴋusârlârpûk ilingnut; saviksoarlo tikiutilârpara ilingnut: uvanga Nâlegaujunga taimak oᴋarpunga.

Hosea 2:18

Uvlormelo tâpsomane tâpkoa pivlugit angiᴋatigêngnelioromârpunga naternaub nergjutinginut, ᴋilaublo ikiangata tingmianginut, nunablo pâmgortunginut; pitikselo saviksoarlo unatarnerlo pêjaromavakka nunamit, inangatitsomavakkalo terliklutik.

Hosea 2:20

Nelâgôrnermelo ilâ nuliarijomavagit: Nâlegarlo ilitarilârᴋat.

Leviticus 25:18

Taimaimat maligaksauᴋojakka piniaraksarivase, idluarijakkalo nâleklugit piniarlugillo; terlikluselo inôjuksauvose nuname.

Leviticus 25:19

Nunablo perutsiane sakᴋilârpait, akᴋeartorluselo nerrilârpose, inôvluselo tagvane terlikluse.

Leviticus 26:22

Omajuniglo nujoartunik tiliklilârpunga akunapsingnut, tâpkoalo aᴋsâromârpâse ᴋitorngapsingnik, ômajoᴋotiselo asserorlugit, ikitlitiluselo; apᴋosiniselo inuêrutijomârput.

Leviticus 26:25

Tikiutjijomârpungalo saviksoarmik ilipsingnut, akkinialârtomik angerutaujûb ningadlarninganik; katimgatitaulârposelo iglugasaksoapsingne, nusilingnartorlo tililârpara akunapsingnut; unertutijaulârposelo ômigijipse agganginut.

Leviticus 26:7

Omigijisele udlalârpase, tâpkoalo oggolârput sâpsingne saviksoakut.

Migga 4:4

Ilûnatigle atunit iksivajomârput vaineᴋautimik atâne, paungatannaᴋautimiglo atâne, sivôrasârijoᴋarniangilarlo tâpkoninga: Nâlekab Zebaotib ᴋaningata oᴋauseringmago.

Sefania 3:13

Israêlib amiakungit idluituliniangilat, saglutiksaniglo oᴋauseᴋarniangilat; oᴋarlônêt uivêriklertok naipitauniangilak ᴋaningine; nerrilârmatta innilalutiglo, ᴋaggaijoᴋarniangilarlo tâpkoninga.

Haggai 2:9

Iglûb tamattoma ânanaunitsoanga kingorliᴋ anginitsaujuksauvoᴋ sivullimit, oᴋarpoᴋ Nâlegaᴋ Zebaot: inimelo tamattomani ulapitsaumik tunitjijomârpunga.

Saggaria 9:10

ᴋamutillo unatautit pêjaromârpakka Efraimit, horsillo Jerusalemit, pitikselo sorᴋsût pêrtaujuksauvok; inôᴋatigêksuillo ulapirksaumik oᴋarvigilârpait; nâlegauvingalo imarbingmit imarbiub aipânut pijomârpok, kôksoarmillo nunaksûb isua tikidlugo.

Johannese 14:27

Ulapirsaumik ᴋemaivigivapse, ulapirsautimnik tunitjivigivapse. Tunitjivigingilapse silaksoarmiut tunijiningititut. Omatise ᴋoaksârniaratik erᴋsiniaratiglo!

Apostelit Piniarningit 12:6

Herôdesiblo sakᴋertitsomangmago, unnuame taipsomane Pêtruse sinikpok sorsuktuksâk magguk akorngangne, ᴋelaksorsimavlune ᴋelaumgujanut maggoinut; udjertortuglo magguk upkuab silatâne udjertorpâk parngnanairsimavik.

Rômiunut 5:1

Tagva okpernermut idluarsititaugapta, Gûdemut ulapirsauteᴋarpogut Nâlegaptigut Jêsuse Kristusikut.