Leviticus 26:4 - Labrador Inuttitut Heritage Bible

⁴ Silaluᴋojijomavunga naliuningane, nunalo sakᴋêjuksauvok perortuminik, napârtullo perorsêvingmêtut sakᴋertitsilârput paungamingnik.

Leviticus 26:4 Iomraidhean Croise

I Atannit 17:1

Elialo Tisbitemiok Gileademiut illangat oᴋarpok Ahabemut: Sorlo mikseᴋârtomik Nâlegak Israelitit Gûdingat, sângiartara inôngmat, jârine tamakkonane mitsungniangilarlonêt, sillalungniangilarlonêt, kisiane uvanga oᴋaruma.

Hiobe 5:10

Sillalungmik tunnijijok nunamut, imermiglo tilliklertok perorsêvingnut;

Imgerut 104:13

Igvit ᴋakᴋat immertipâttit igloᴋotingnit pângat; perortunnillo pingortitarnit nuna namaksititauvok.

Imgerut 67:6

Nuna perortuminik saᴋᴋêvok. Gûdib Gûdipta saimartilittigut.

Imgerut 67:7

Gûdib saimartilittigut, nunablo issungita illunatik sivôragijaksarivât.

Imgerut 68:9

Sillalungnermik nakkoksinartomik kovisilaukpotit Gûde, kingormgutijallo nukkingerotisimalauktut nukkiksalaukpâttit.

Imgerut 85:12

Ilâ Nâlekab ajungitomik tunnitsiviginiarpâtigut; tagva nunavut tunijiniarpok perortuminik.

Imgerut 85:13

Idluarnek arvertarniarpok tâpsoma kênangata sângane, tutininelo pitiniarpait apᴋosinermut.

Jesaiase 30:23

Tagva sillalungmik pititsijomârpoᴋ karngasûtinut karngasortarnut perorsêvingmut nerᴋiksaᴋartitsivlunelo perorsêviub perortunginik nekoᴋsinartunik ânanâniglo; taipsomane nergjuteᴋotitit nerrinasugomârput iviksukatalingme angidlartome.

Jesaiase 5:6

Nungutitsomavaralo pairijautailitillugo poagijartautailitillugolo; perortoᴋaromârpoᴋ ukpiganik perornerdluktuniglo kakkilautilingnik, nuvujallo inerteromavakka sillalugviorᴋonnago.

Jeremia 14:22

Nalojut gudingoaᴋotingita akorngane silaluktitisjungnartoᴋarᴋa? Kilaillônêt tunidjijungnarᴋât suarutanîk? Tâmnaungilatît, Nâlagaᴋ Gudivût? Taimaimat tatigijomavaptigit tamakkoa tamaita pingortinangne.

Hesekiel 36:30

Napârtublo paungangit unuksititsomârpakka, perorsêviublo perortungit, kingorngane mitautaujungnaiᴋovluse kângneᴋ pivlugo inôᴋatigêksoarnut.

Joel 2:22

Erᴋsiniarase, ilipse nergjuteojose naternarme; iviksukat sunaᴋajuitome perolermatta, napârtullo paungatâlermatta, napârtut vaineliksatalît napârtullo paungatannaktalit pitsartunermingnik saᴋᴋêlermatta.

Leviticus 25:19

Nunablo perutsiane sakᴋilârpait, akᴋeartorluselo nerrilârpose, inôvluselo tagvane terlikluse.

Leviticus 25:21

Tagva saimarsainera perᴋojomavara ilipsingnut jârit sixingane, sakᴋêlârporlo perutsianik jârinut pingasunut nâmalârtunik.

Saggaria 8:12

Ulapirksaumik karngasûteᴋartuksaungmat; napârtok vaineliksak paungatârtuksauvok, nunalo sakᴋêjuksauvok perortitaminik, ᴋilaglo mitsuksoaᴋartuksauvok; inuillo ukkua amiakungit kingormgujitilârpakka tamakkoninga tamainik.

Mattêuse 5:45

ᴋitorngaulerᴋovluse Atâtapsingnut ᴋilangmêtomut. Tâpsoma seᴋinine nuerᴋongmago ajortunullo ajungitunullo, silaloᴋojilarmelo idluartunullo idluangitunullo.

Apostelit Piniarningit 14:17

Taimaigalloarmat, ingminik nalonartilaungilak, unuktunik ajungitulivigigamitigut: silaloᴋojivlune ᴋilangmit, perorsiallo perorᴋovlugit, tunitjivigivlutalo nerᴋiksaptingnik, ᴋuviasungnermiglo ômatiptingne.

Deuteronomy 11:13

Imaitsomarporlo, perᴋojakka perᴋojijutigijakka ilipsingnut uvlome kamagitsiarupsigik, Nâlegak Gûdise nagligilugo kivgartorlugolo ômatipsingnut tamânut tarnipsingnullo tamânut,

Deuteronomy 11:14

Tagva nunapse silaluksanga tunijomavara neliuningane, silaluk sivorlek silaluglo kingorlek, katersoijungnarᴋovluse senaugaksapsingnik, vainiksapsingniglo, orᴋsuksapsingniglo.

Deuteronomy 28:12

Nâlekab ilingnut makperomârpâ ᴋematuliviᴋotine ajungitok, ᴋilak, nunavît silaluksanga tunijomavlugo neliuningane; attartortitsilârpotillo inôᴋatigêksoarnut unuktunut, attarsilulângilatille.

Jâkobusib 5:7

Tamanna pivlugo ᴋatangutikka, ᴋenuersâritse, Nâlegak tikitsiarilugo. Ahâk perorsêvilerijub perorsiat pivianartut nunamit nerriugivait, ᴋenuersârlunelo, silalutjautsiarivait uvlâkullo, unnukullo.

Takotitaunermik 11:6

Tâpkoa pitsartuneᴋarpuk ᴋilak parngnanairlugo silaloᴋonago uvlune nelautaivigijamingne, pitsartuneᴋarpuglo imek aungolertidlugo, nunalo pidlarlugo kappianartunut sunatuinarnut, pijomajarangamik.