Leviticus 26:16 - Labrador Inuttitut Heritage Bible

¹⁶ Uvangatauk imailiorvigijomavapse: kapianadlartok tikititsomavara ilipsingnut, uvinêrutinek ôlingnartorlo, ijinik asseroijok, tarnemiglo ilungôtitsijok; sulinaselo perorsijaksase karngasulârpase, ômigijipse nerᴋiksarilârmagit.

Leviticus 26:16 Iomraidhean Croise

I Atannit 8:37

Kâkalerangat, nusilinartoᴋalerangallonêt, perortullonêt ᴋakᴋojaksat ᴋernersilerangatta, piglertaujartoᴋalerangallonêt nerrijoksoarnik, omigijingitalonêt nuname ittertarvingit illumarangagit, pagvinartoᴋalerangallonêt, ᴋannimaseᴋalerangallonêt, nellianik;

Hiobe 18:11

Avatâne illûnâne erᴋsinerub ᴋoaksârtiniarpâ tagvainak, allingisârniarpâlo ablornerne ilûnaine.

Hiobe 20:25

Saviksoak kênailitaᴋangitok tunnuagut anniniarpok, saviksûblo ᴋaumalangit sungangagôrniarput, ingergadlarᴋovlugo tagvunga, ᴋoaksârnerublo ᴋollangiarlugo.

Hiobe 31:8

Tagva uvanga kângasuijuksaunajarpunga, assimalo nerrilerliuk; nutaijoktoᴋotikkalo amângejartaujuksauvut.

Imgerut 109:6

Gûdeᴋangitok angajoᴋângortiuk tâpsomunga; Sâtanaselo nangerle tâpsoma tallerpiane.

Imgerut 73:19

Ila tagvainak nungutauvut! Sutairput naggateᴋarlutiglo kappianadlartomik.

Imgerut 78:33

Tamanna pivlugo maungatuinak toᴋᴋolaukpait, sunamik anguserᴋonagit, inôtsitiglo nâvlugit kappiasugariaᴋalaukput.

Exodus 15:26

Oᴋarlunelo: Nâlekab Gûdivit nipinga nâletsiaromagungne, piniaromavlugillo tâpsoma sângane idluarijaujut, siutit manijomagungne tâpsoma perᴋojanginut, maligaksaurᴋojangillo maligomagungne, ilijivigijomangilagit ᴋanimaserit nalianiglônêt tikitilauktamnik Egiptenemiunut: Uvangaugama Nâlegak inûliklertît.

Salomob Okâl 3:33

Nâlekab ominarsiᴋojininga Gûdeᴋangitub iglunganêpok; idluartulle iglungit pitsartutiniarpait.

Jesaiase 10:4

Imâtuinaᴋ illiorungnaromârput: parngnanairsortaujut akkornganne okkungavlutik, toᴋotaujut akkorngannut kattaklutik. Tamakkoale tamaita Nâlekab ningausingata sorairutigingilait, aggangillo issamivut sulle.

Jesaiase 62:8

Nâlegaᴋ angermarikpoᴋ tallerpine taiᴋassiutivlugo, talline ajugaᴋangitoᴋ: Kingorngane ômigijitit nerrerᴋojungnairomârpakka ᴋaᴋᴋôjaksarnik, takorngartallo imerᴋojungnairomârpakka vainemik nutâmik siorniorutigijarnik.

Jesaiase 7:2

Dâvidiblo kinguvângit oᴋautjauvut imâk: Siriamiut Efraimeme tangmârput. Tagva attaniub õmatinga inuᴋotingitalo õmatingit sajukput napârtutitut aulataujutitut anoremut napârtoliksoarme.

Jeremia 12:13

Sanaugaksanik karngasoilauᴋput, kakkilautelingnigle katersoisimavut; ilungertorasualauᴋput, sulisimatsangilalle; katersortaselo kangusûtigijomârpase, Nâlakab ningaumajârninga ilungertudlartoᴋ pivlugo.

Jeremia 15:3

Tikitauᴋojomavakkalo oᴋumainartunut sittamanut, Nâlagaᴋ oᴋarpoᴋ, saviksoarmut toᴋotsijomut, ᴋingminut aliktuijunut, ᴋilaub ikkiangata tingmianginut, nunablo ômajoâlunginut, nungutsijunut asserorsaijunullo.

Jeremia 15:8

Uigarningit unuksisimavut uvamnut, ununersauvlutik imarbiub sioranginit; inôsuktut anânangat tikitautisimavara asseroijomut uvlub ᴋeterarningane; opingartautisimavara kapiasungnermut sivôranartunullo.

Jeremia 20:4

Imâk Nâlagaᴋ oᴋarmat: Ahâk, kapiasûtiksautitsomavagit ilingnullo ilanârijarnullo tamainut; tâpkoa oggojomârput ômigijimik saviksoanginut, ijîkpîllo takojomârpâk tamanna; Judalo iluêngarlugo tunijomârpara Babilonib ataningata agganginut, tâpsomalo aularutijomârpait Babilonemut, toᴋolugillo saviksoarmut.

Jeremia 5:17

Nerrijomârpullo katersortarnik perorsêvingnit, niaᴋôjarniglo, ernivît panivîllo nerᴋiksanginik; nerrijomârput saugaᴋotingnik nergjutiᴋotingniglo; nerrijomârput vaineliksaᴋotivit paunganginik paungatannaᴋotingniglo, asseroijomârpullo iglugasaksoaᴋotingnik avaluliorsimajunik tatigijarnik, saviksoarmut.

Hesekiel 24:23

Niaᴋôsersimalârposelo kamiksimalârluselo; oggualulângilase ᴋeanaselônêt; kipilârposele idluinipsingne, ârusuᴋatigêlârluselo.

Hesekiel 33:10

Igvillo, inûb erninga, Israêlib ᴋitorngangit oᴋautikit: Oᴋarpakpose imâk: Tappanivut idluinivullo uvaptingnêput, iluludlarpogut tâpkonane; ᴋanoelingaluta inôjuksauvitâ?

Amos 5:11

Tamanna pivlugo aklujut tullerajarapsigik, aᴋsârapsigiglo sanaugaksanik: igloliorpose ujarᴋanik sanasimatsiartunik, inigijaksarilungilasele; perorsêviliorpose vaineliksatalingnik kajungernartunik, vainingalle imeraksaringilase.

Migga 6:15

Karngasoijomârpotit, katersoiniangilatille; paungat orᴋsuliksat tukkaromârpatit, mingoarniatsangilatille ilingnik orᴋsumut; paungallo vaineliksat tukkaromârpatit, vainetorniangilatille.

Haggai 1:6

Unuktunik karngasoivosi, ikittunigli itârᴋaivosi; nerrivose, nâmaksilungilasili; imerposi, imerugungnailungilasele; annorârposi, ᴋiujajungnailungilasili; akkiliutiksarsijûblo akkiliutiksane pôᴋpait pôrmut killalingmut.

Saggaria 14:12

Makoangovullo sugiarutit Nâlekab annautarijomârtangit inôᴋatigêksoarnik tamainik unatariartolauᴋtunik Jerusalemik: uvinêrutijomârput sulle itigamingne nikovitilugit, ijingillo nunguvaliajomârput ijeᴋarvingmingne, oᴋangillo nunguvaliajomârput ᴋaningine.

Mâlaki 2:3

Ahâk, karngasûtit inerteromârpakka ilipse pivluse, aᴋtarnerlukuniglo siamartitsijomârpunga kênapsingnut, tagva aᴋtarnerlukunik neliuneᴋsiorvipsingnit pijunik; aularutijaulârposelo tâpkoa ilagilugit.

Deuteronomy 28:51

Nergjuteᴋotivîllo paungangit, nunavîllo paungangit nerrijomârpait, nungutauᴋârtinak; amiakoᴋartitsomângilâtillo senaugaksanik, vainemiglônêt, orᴋsumiglônêt, tuktuvaᴋotivîllônêt unuksininginik, saugakotivîllônêt piaranginik, nungutsiᴋârtinago ilingnik.

Deuteronomy 32:25

Silame saviksûb ilangervigilârpait, iglunginelo kapiasungnerub; pêjailârput nukapianik niviarsianiglo, amâmaktunik ᴋêrtojuniglo.

Ebrêerinut 10:31

Erᴋsinadlarpoᴋ, Gûdib ômajub agganginut ochoniarneᴋ.

Idluarsaijut 6:11

Nâlekablo Engelingita illangat ᴋaivok ingilunelo Eichit (nappartut) illangata Oframelauktut atânut, perᴋutaulauktub Joasemut, Esriterit atâtanganut, erningalo Gideon Weizinik katjulaukpok iptêjaivingme, ᴋemâᴋovlugo Midianiterinik.

I Samuel 2:33

Innuᴋotingnillo kinalonêt pêjaromangilara Altareᴋotimnit, ijikik perlerᴋovlugik, tarnillo issumajarᴋovlugo; igloᴋotivillo unnurningit illunatik toᴋᴋojuksauvut innumariôningine.