Leviticus 20:3 - Labrador Inuttitut Heritage Bible

³ Uvangalo kênara sâtitsomavara inungmut tâpsomunga, inôᴋatimelo akornganit pêjaromavara; kinguvâme ilangat tunilaungmago Môlekemut, ivsornaitoviᴋotiga ivsornartilugo, atteralo opinartoᴋsôjok atornerluklugo.

Leviticus 20:3 Iomraidhean Croise

Exodus 30:33

Nalliat akutsijok adsinganik, nallialônêt pititsijok tâpsoma ilanganik takorngartamut, avitaumariktuksauvok inôᴋatiminit.

Hesekiel 20:39

Ilipsele, Israêlib ᴋitorngangit, imâk oᴋarpoᴋ Nâlegaᴋ Nâlegaujoᴋ: Aileritse, ilûnaselo atunit gudingoaliarimajase kivgartorsigik, kingornganelo, nâlegomangikupsinga, attera ivsornaitoᴋ ivsornaijungnaititaksaringilase tunergutipsingnut gudingoapsingnullo.

Hesekiel 5:11

Tamanna pivlugo, sorlo nelâgut inôgama, oᴋarpoᴋ Nâlegaᴋ Nâlegaujoᴋ, sujuilauravit ivsornaitoviᴋotimnik maᴋojungnartulinernut tamainut, naggonartulinernullo tamainut, uvanga allaromagivagit; ijîkkalo napkigosungniangilâk, uvangalo naiperᴋutigosungniangilanga.

Leviticus 15:31

Taimâk Israêlib ᴋitorngangit avitaksarivase ivsornarninginit; toᴋoᴋonagit ivsornarnermingne, sujuitilugit tuperᴋotimnik akornganêtomik.

Leviticus 17:10

Inuillo naliat Israêlib ᴋitornganginit, ilagingitapselônêt akunapsingnêtut naliat auktortok; kênara sâtitsomavara tarnelingmut tâpsomunga auktortomut, avigomavaralo inôᴋatime akornganit.

Leviticus 18:21

Tunitjijuksaungilatillo kinguvâkpit ilanganik ikomakôrtitauᴋovlugo Môlekemut, Gûdivit attinga naggonartiniarlugo; Uvanga Nâlegauvunga.

Leviticus 19:12

Saglovluselo attera taivlugo angermariktuksaungilase, Gûdipse atinga naggonartilugo; Uvanga Nâlegauvunga.

Leviticus 20:4

Nunablo inungita ijitik matopattigik inungmit tâpsomangat takungitsertorlugo, tunitjijomit kinguvâme ilanganik Môlekemut, toᴋungipatsuglo:

Leviticus 21:6

Ivsornaituksauvut Gûdimingnut, Gûdimiglo atinga naggonartitaililugo; tunergusermatta tunijaumajunik Nâlekamut ikomakut, Gûdimik nerᴋinganik; tamanna pivlugo ivsornaituksauvut.

Leviticus 7:20

Nerijulle tunergutaujûb ᴋujaliutiksab nerᴋinganik Nâlekamut tunijaujomik, najorteᴋarlune ivsornarnerminik, tâmna avitaujuksauvok inôᴋatiminit.

Leviticus 7:21

Aktuijokarpallo ivsornartomik, inûb ivsornarninganiglônêt, ômajomiglônêt ivsornartomik, maᴋᴋojungnartomiglônêt sumik ivsornartomik, nerrilunalo tunergutaujûb ᴋujaliutiksab nerᴋinganik, Nâlekamut tunijaujomik, tâmna avitaujuksauvok inôᴋatiminit.

Numbers 19:13

Aktoajoᴋ inûb toᴋungajûb timinganik sujungaitiluganelo nangminerminik, sujuivoᴋ Nâlekab tupinganik; taimaitorlo avitaujuksauvoᴋ Israêlikunit; imeᴋ sujungailisautiksaᴋ serparsautaulaungimat tâpsomunga, ivsornarniarpoᴋ; ivsornarninga tâpsomanêpoᴋ suli.

Numbers 19:20

Inugle ivsornartitaujoᴋ sujungailungitorlo nangminerminik, tâmna avitaujuksauvoᴋ ilagêktunit, Nâlekab ivsornaitoviᴋotinga sujungmago; imeᴋ sujungailisautiksaᴋ serparsautaulaungilaᴋ tâpsomunga; ivsornarpoᴋ.

II Korintemiunut 6:16

ᴋanorlo Gûdib iglunga Gûdiungitullo atausiksauvâk? Ilipsele Gûdib ômajub iglogivâsê, Gûde imâk oᴋarmat: Inigijomavakka arvertarlungalo ilungine, Gûdeojomavlungalo tâpkonunga, inuᴋotiginiarpakkalo.

I Pêtrusib 3:12

Nâlekab ijîkita idluartut takonârmagit, siutîkitalo tuksiarningit (tussarpait); Nâlekable kênangata (torârpait) idluitulijut.