Leviticus 2:2 - Labrador Inuttitut Heritage Bible

² Ataksarivâlo Aronib erninginut ajoᴋertuijunut: tâpsomalo tigusivigijaksarivâ sanaugatsiarmik tigumiararmik, orᴋsumiglo, tipigiksaumiglo ilûnânik; ajoᴋertuijûblo ôtitaksarivâ tunerguserviub ᴋângane erᴋaumajutiksautilugo, tunergut ikomakut, tipitsiariktoᴋutaujok Nâlekamut:

Leviticus 2:2 Iomraidhean Croise

Nehemia 13:14

Erᴋarlaunga tamana pivlugo Gûdîk, puigortautailitikillo pinniarnikka ajungitut, pinniarlauktakka Gûdima iglunga pivlugo, ilûsioᴋojangillo pivlugit!

Nehemia 13:22

Levitillo perᴋovakka sujungaitiᴋovlugit ingmingnik, tikkiᴋovlugillo upkoat udsertorlugit, Sabbatib uvlunga ivlerilugo. Gûdîk, tamânna pivlugotauk erᴋarlaunga, ivlerilungalo napᴋoartoksonît pivlugo!

Exodus 30:16

Kênaujallo ulapᴋosêjutaujut tigujaksarivatit Israêlikunit, ilingatilugillo tupiub kigligiutjineliub kivgartortauninganut; erᴋaumajaujutiksaurᴋovlugo Israêlikunut Nâlekab sângane, tarnise ulapᴋoseromavlugit.

Jesaiase 66:3

Tuktuvangmik toᴋotsijoᴋ inuartotut-ipok; saugamik tunergusertoᴋ ᴋingmermik ᴋimitsijotut-ipoᴋ; nerᴋiksarnik tunergusertoᴋ tunergusertotut-ipok kuingêngib aunganik; tippitsiariksaumik tunergusertoᴋ nertordlertotut-ipoᴋ piungitomik (Gudingoarmik.) Sôrlo taipkoa apᴋutitik aneringmagit (issumamingnik), sôrlolo tarningita maᴋojungnartut ᴋuviagingmagit,

Leviticus 1:13

Erᴋaville niullo ergortoraksarivait imermut: ajoᴋertuijûblo tunergutigijaksarivâ ilûnât, ôtilugolo tunerguservingme: tunergutauvok ôtâk, tunergut ikomakut, tipitsiariktoᴋutaujok Nâlekamut.

Leviticus 1:17

Isarokullo ᴋopijaksarivâ avgornagole: ajoᴋertuijûblo ôtitaksarivâ tunerguservingme, ᴋejuit ikomamêtut ᴋângane: tunergutauvok ôtâk, tunergut ikomakut, tipitsiariktoᴋutaujok Nâlekamut.

Leviticus 1:9

Erᴋavingille niungillo ergortoraksarivait imermut; ajoᴋertuijûblo ôtitaksarivâ ilûnât tunerguservingme, tunergutautilugillo ôtaksamik, tunergut ikomakut, tipitsiariktoᴋutaujok Nâlekamut.

Leviticus 2:16

Tâpsomalo erᴋaumajutiksanga ajoᴋertuijûb ôtitaksarivâ, sanaugaksat serᴋalisimajut ilanga, orᴋsûblo ilanga, tipitsiariksautiblo ilûnanga: tunergutauvok ôtâk ikomakut Nâlekamut.

Leviticus 2:9

Ajoᴋertuijorlo tigusijuksauvok erᴋaumajutiksamik tunergumit nerᴋiksamit ôtilugolo tunerguservingme: tunergutauvok ikomakut tipitsiariktoᴋutaujok Nâlekamut.

Leviticus 24:7

Ingmigolingajûngnalo tamangne ilijijuksauvotit tipitsiariksautiksamik ilaᴋangitomik, ᴋakᴋôjauᴋovlugit erᴋaumajutiksanik, tunergutiksanik ikomakut Nâlekamut.

Leviticus 4:31

Tunnungalo ilûnât pêjaraksarivâ, sôrlo tunnok pêjartaungmat tunergutinit ᴋujaliutiksanit; ajoᴋertuijûblo ôtitaksarivâ tunerguservingme tipitsiariktoᴋutauᴋovlugo Nâlekamut; ajoᴋertuijûblo ulapirᴋsaraksarivâ, isumagijungnaiviolârporlo.

Leviticus 5:11

Sapidlarpalle akᴋigeojârtûngnik maggûngnik akᴋigeojârângniglônêt maggûngnik, ᴋaitsijuksauvok idluitulinerilauktane pivlugo sanaugatsiarmik ôktûtib êfab tallimaujoanik tunergutiksautilugo ajoᴋêrutiksamik; orᴋsumik pititsivigijaksaringilâ, tipitsiariksaumiglônêt pititsiviginago: tunergutiksaungmat ajoᴋêrutiksamik.

Leviticus 5:12

Ataksarivâlo ajoᴋertuijomut, ajoᴋertuijorlo tigusijuksauvok tigumiarᴋamik tagvangat erᴋaumajutiksauᴋovlugo, ôtitaksarivâlo tunerguservingme, tunergutit Nâlekamut ikomakut tunijaujut piniarutauᴋojangit maliklugit; tunergutiksauvok ajoᴋêrutiksamik.

Leviticus 6:15

Tigusijuksauvorlo sanaugatsiarmik tigumiaramik tunergutimit nerᴋiksamit, orᴋsunganillo, tipitsiariksautiksanganiglo ilûnânik, ôtitaksarivaillo tunerguservingme naimaᴋutiksautsiarᴋovlugo, erᴋaumajutauᴋovlugo Nâlekamut.

Numbers 5:18

Ajoᴋertuijûblo arnaᴋ pititaksarivâ Nâlekab sânganut, ajoᴋertuijûblo arnab niaᴋoata nujangit ᴋelarudjâraksarivait, tunergutiksarlo senaugaᴋ erᴋaumajutiksaᴋ ilijaksarivâ arnab agganginut, tagva tunergut senaugaᴋ idluigosungneᴋ pitjutigivlugo; ajoᴋertuijûblo imeᴋ sungarnitoᴋ ôminarsijutiksaᴋ tigumiaraksarivâ aggangminut;

Numbers 5:26

Ajoᴋertuijûblo tunergut senaugaᴋ tigusivigijaksarivâ tigumiararmik, erᴋaumajutiksamik, ôtilugolo tunerguservingme, tungânelo arnaᴋ imertitaksarivâ imanganik.

Apostelit Piniarningit 10:4

Takosarpâle ᴋoaksârlarmelo oᴋarpok: Nâlegak, sunâ? Tâpsomale oᴋautivâ: Tuksiarnitit pikungardlutik Gûdib tusarpait, aitûtitillo isumagivait.