Leviticus 19:3 - Labrador Inuttitut Heritage Bible

³ Ilûnase atunit ilerasuktuksauvose anânapsingnik atâtapsingniglo, sabbateᴋotikkalo ivlerilugit; Uvanga Nâlegauvunga Gûdise.

Leviticus 19:3 Iomraidhean Croise

Genesis 48:12

Josefiblo sânganit pêrpak nunamut pâmakterlune.

Nehemia 9:14

Sabbateᴋotillo ivsornaitok nallonairlaukpet tapᴋonunga; perᴋojaniglo, ilûsiksaniglo, malligaksaniglo perᴋolaukpattit Mosekut kivgaᴋotikut.

Exodus 16:29

Takoitse, Nâlekab tunitjivigingmase Sabbatemik, taimaimat uvlut 6ingane tunitjivigivâse uvlûk maggûk ᴋakᴋôjaksanginik; ilûnnase innigijapsingnêtuaritse, anijoᴋarniarane iniminit uvlut 7ingane.

Exodus 20:12

Atâtangnik anânangniglo nâlaktuksauvotit: akkunêrtomik inôniarᴋovlutit nuname Nâlekab Gûdivit tunijangane ilingnut.

Exodus 20:8

Uvlok Sabbateojok erᴋaruk, ivlerijaurᴋovlugo ilingnut.

Exodus 21:15

Anauniktok atâtaminik anânaminiglônêt, tâmna toᴋotaksaudlarpok.

Exodus 21:17

Oᴋarniluktorlo atâtaminik anânamimiglônêt, tâmna toᴋotaksaudlarpok.

Salomob Okâl 1:8

ᴋitorngâk, atâtavit Nâlektitsininga malliguk, anânavillo perᴋojiningit allartailikit.

Salomob Okâl 23:22

Atâtait ᴋitorngilauktok ilingnik nâleguk; ananailo nachogitailiuk ningiungolerpat.

Salomob Okâl 30:11

Inuᴋarpok atâtamingnik oᴋarnerluktunnik, saimarsaijuitunniglo anânamingnik;

Salomob Okâl 30:17

Ije atâtaminik alleᴋuteᴋartok, Nâlengnermiglo anânaminik nachojok, tâmna tullukat kongme pêraksarivât, nektoraliarkallo nerrijaksarivât.

Jesaiase 58:13

Ittikkatit udsertorungne sabbateme, sullijaksatit piniarnagit uvloᴋotimne ivsornaitome; sabbate ᴋuvianarnerarungne, Nâlekablo (uvlunga) ivsornaitoᴋ ivlernarnerarungne opigivlugolo, apᴋutigijomajatit attornagit, sullijaksatit piniarnagit, oᴋautsit piungitut attornagit,

Hesekiel 20:12

Tunitjivigivakkalo sabbatimnik, nelonaikutauᴋovlugit uvangalo tâpkoalo akunaptingne, ᴋaujimaᴋovlugit uvanga tâmnaugama Nâlegaᴋ tâpkoninga ivsornaititsijoᴋ.

Leviticus 11:44

Uvanga Nâlegaugama Gûdise; taimaimat sujungaitititse ilipsingnik, ivjornaigitselo; ivjornainama; sujuktituksaungilaselo ilipsingnik pâmgortut nuname aulajut nalianullônêt.

Leviticus 19:25

Jârillo tallimangane paungangit nerᴋiksarilârpase, sakᴋertangit ilipsingnut ilingalârput; Uvanga Nâlegauvunga Gûdise.

Leviticus 19:30

Sabbateᴋotikka ivlerijaksarivase, ivsornaitoviᴋotigalo kuksasugvigilugo; Uvanga Nâlegauvunga.

Leviticus 19:31

Sanguniarase torngaᴋuteᴋartunut angakonullônêt; ᴋenerniarase taimaitunik sujuktaudlalârapse tâpkonunga; Uvanga Nâlegauvunga Gûdise.

Leviticus 19:34

Takorngartak nunaᴋartok akunapsingne ilingavigijaksarivase nuname inûlertotut, iliktullo nagligijaksarivat; ilipse takorngartaulaurapse nuname Egipteneme; Uvanga Nâlegauvunga Gûdise.

Leviticus 23:3

Uvlune sixene sanajuksauvose, uvlulle seveningat sabbateovok merngoerservik opinartoᴋsôjak, katimaviksauvok ivlernartok, sunamiglônêt suliaᴋartuksaungilase; sabbateovok Nâlekamut ilingatitak iglupsingne tamaine.

Leviticus 26:2

Sabbateᴋotikka uvloksioraksarivase, ivsornaitoviᴋotigalo opigilugo; Uvangaugama Nâlegak.

Mâlaki 1:6

Ernerub atâtane opigivâ, kivgablo angajoᴋâne: Uvanga tagva atâtauguma, nanekâ opigijaunerâ? Oᴋarpoᴋ Nâlegaᴋ Zebaot ilipsingnut, ajoᴋertuijôjose, attimnik naggojose. Oᴋarposelo: Sunakut attît naggogivitigô?

Deuteronomy 27:16

Ominarsile atâtaminik anânaminiglônêt oᴋarniluktok. Inuillo ilûnatik oᴋartuksauvut: Taimaile.

Deuteronomy 5:16

Atâtangnik anânangniglo nâlektuksauvotit, sorlo Nâlekab Gûdivît perᴋongmatit; uvlutit sivitoᴋovlugit, inôtsialuarᴋovlutillo nuname Nâlekab Gûdivît tunijangane ilingnut.

Ebrêerinut 12:9

Atâtagijavut timiptigut sugiartigilauraptigik ileragilugillo, tagva piluartomik tarnib atâtanga nâlegaksaringilavût, inôᴋovlutâ?