Leviticus 19:2 - Labrador Inuttitut Heritage Bible

² Israêlib ᴋitorngangita ilagêktoksôningit tamaita oᴋarvigikit, oᴋautilugillo: Ivsornaituksauvose, Uvanga Nâlegaujunga Gûdise ivsornainama.

Leviticus 19:2 Iomraidhean Croise

Imgerut 99:3

Attit angijok sivuranartorlo nakorijaule, ivsornaitôjok;

Exodus 19:6

Atanioviojuksaulârpose ajoᴋertuijut uvamnut, inôᴋatigêllo ivsornaitut. Tamadja oᴋautsit oᴋauserijaksarijatit Israêlikunut.

Exodus 22:31

Ivsornaituksauvose uvamnut: nerrijuksaungilaselo nerᴋêjamik ômajut naternamêtut aliktortanganik; egitaksarivase ᴋingminut.

Leviticus 19:1

Nâlekablo Mosese oᴋarvigivâ, oᴋarlune:

Leviticus 20:26

Ivsornaituksauvoselo sâmne, Uvanga Nâlegaujunga ivsornainama, ingmigolingatipapselo inôᴋatigêksoarnit perᴋutauᴋovluse uvamnut.

Leviticus 20:7

Taimaimat ivsornaititse ilipsingnik, ivsornaileritselo; Uvangaugama Nâlegaᴋ Gûdise.

Leviticus 21:15

Naggonartitsijuksaungilarlo kinguvângminik inôᴋatime akorngane; Uvangaugama Nâlegak ivsornaititsijok tâpsominga.

Leviticus 21:23

Itertuksaungilarle upkôb ungatânut, tunerguserviublônêt najugânut pijuksaungilak, ᴋanoetoᴋarame; naggonartitsiᴋonago ivsornaitoviᴋotimnik; Uvangaugama Nâlegak ivsornaititsijok tâpkoninga.

Leviticus 21:8

Taimaimat ivsornaititaksarivat, Gûdivit nerᴋinga tunergutigingmago; ivsornaitokutigijaksarivat; Uvanga Nâlegaujunga ivsornaititise ivsornaidlarama.

Amos 3:3

Maggûk pisuᴋatigêgungnarᴋâk angiᴋatigêksimangikunîk?

Mattêuse 5:48

Tamanna pivlugo nâmaksileritse, sorlo Atâtase ᴋilangmêtok nâmamaringmat.

II Korintemiunut 7:1

Taimaimat taimaitomik angersimaneᴋarapta, nagliktakka, epᴋêjarniarta uvingûb tarniblo sujungninginit tamainit, nâmaksititsivalliavlutalo ivsornainermik Gûde sivôragivlugo.

Efêsusemiunut 1:4

Sorlo taipsomûna (Kristusikut) anerilaungmatigut, silaᴋsoaᴋ tunganilijauᴋârtinago, ivjornaiᴋovluta pidlaraksauᴋonatalo sângane naglingnerme.

Deuteronomy 27:10

Taimaimat Nâlekab Gûdivît nipinga nâlegaksarivat, piniarlutillo perᴋojanginik maligaksaniglo perᴋojijutigijamnik ilingnut uvlome.

Josua 24:19

Josua Inugasaksoarnut oᴋarpok: Nalegak kivgartorungnangilasse; Gudeôngmat heiligeojok, Gudeôngmallo illungertortok, tappanipsingnik ajornipsingniglo pitlartautitsitailiniangitok.

I Samuel 2:2

Ivsornaitoᴋangilak Nalekab assianik; illingnit asseᴋangilak; sapputsauviksaᴋalungilarlo Gudipta assianik.