Leviticus 18:2 - Labrador Inuttitut Heritage Bible

² Israêlib ᴋitorngangit oᴋarvigikit, oᴋautilugit: Uvanga Nâlegauvunga Gûdigijase.

Leviticus 18:2 Iomraidhean Croise

Genesis 17:7

Angerneralo pivlunga pivlutillo kinguvâksatillo pivlugit, kingunikkut kingorlerêktut, nalautsititsomavara, angerneᴋ nâksaungitomut ilingajuksaᴋ, illingnut Gûdeojomavlunga kinguvâksarnullo kingunikkut.

Imgerut 33:12

Pilloridlarput innuᴋattigêksuit Nâlekamik Gûdeᴋartut; innuᴋattigêksuit tâpsoma annerimajangit kingorngutijaminut.

Exodus 20:2

Uvanga Nâlegauvunga Gûdît, âtsisimajok ilingnik nunamit Egiptenemit, iglomit kipalôvingmit.

Exodus 6:7

Ilalioromârpapselo inuᴋotigijomavluse, Gûdeojomavungalo ilipsingnut: Tukisijuksauvoselo uvangaugama Nâlegak Gûdise aularutijise Egiptenemiut siorniortitsininginit.

Hesekiel 20:5

Oᴋautikillo: Imâk oᴋarpoᴋ Nâlegaᴋ Nâlegaujoᴋ: Uvlorme ipsomane Israêle annerilaurapko, aggakkalo ᴋolangiutitigapkit Jakokut kinguvânginut, ᴋaujijautilauramalo tâpkonunga nuname Egipteneme, aggakka ᴋolangiutitigapkit tâpkonunga, oᴋarlunga: Uvangauvunga Nâlegaᴋ Gudise;

Hesekiel 20:7

Oᴋautivakkalo: Ilûnase atunit ijipse maᴋojungnartulijutigijangit egisigik, ivsornartiniaraselo nangminipsingnik Egiptenemiut gudingoanginut; uvangauvunga Nâlegaᴋ Gudise.

Leviticus 11:44

Uvanga Nâlegaugama Gûdise; taimaimat sujungaitititse ilipsingnik, ivjornaigitselo; ivjornainama; sujuktituksaungilaselo ilipsingnik pâmgortut nuname aulajut nalianullônêt.

Leviticus 18:1

Nâlekablo Mosese oᴋarvigivâ, oᴋarlune:

Leviticus 18:30

Tamanna pivlugo perᴋojakka nâlegaksarivase, piniarᴋonase ilusit maᴋojungnartut makkoa nelianiglônêt, piniarutaulauktut sivunipsingne, ivsornartiᴋonaselo ilipsingnik tamakkonunga; Uvanga Nâlegauvunga Gûdise.

Leviticus 18:4

Perᴋojakka maligaksarivase, ilusioᴋojakkalo iluserijaksarivase, arvertarvigivlugit; Uvanga Nâlegaugama Gûdigijase.

Leviticus 19:10

Nungutsimariktuksaungilatillo vaineliksakotivit paunganginik, katersijuksaungilatillo vaineliksakotivit paunganginik kataksimajunik; ᴋemagaksarivatille piksauᴋovlugit aklujunut tujormijanullo; Uvanga Nâlegauvunga Gûdise.

Leviticus 19:34

Takorngartak nunaᴋartok akunapsingne ilingavigijaksarivase nuname inûlertotut, iliktullo nagligijaksarivat; ilipse takorngartaulaurapse nuname Egipteneme; Uvanga Nâlegauvunga Gûdise.

Leviticus 20:23

Nunaᴋatigêksuillo, sâpsingne pingujartama, ilusingit maliklugit arvertartuksaungilase; pinialaungmatta tamakkoninga tamainik; tamannalo pivlugo maᴋojugilaukpakka.

Leviticus 20:7

Taimaimat ivsornaititse ilipsingnik, ivsornaileritselo; Uvangaugama Nâlegaᴋ Gûdise.