Leviticus 12:2 - Labrador Inuttitut Heritage Bible

² Israêlib ᴋitorngangit oᴋarvigikit, oᴋarlutit: Arnak ernisukpat angutimiglo ernilune, ivsornartuksauvok uvlut sevenit nâvlugit; sôrlo auᴋarningata uvlungine ivsornartuksauvok.

Leviticus 12:2 Iomraidhean Croise

Genesis 1:28

Gûdiblo saimauserpak oᴋautivlugiglo: Kinguvâktâᴋattarlutik unuksivallialeritik, nuna nâmavlugo attaniotivigivlugolo: nâlegauleritiglo mingeritjanut imânêtunut, tingmitjanullo ᴋilaub atânêtunut, ômajunullo tamainut aulajunut nuname.

Genesis 3:16

Arnamullo oᴋarpoᴋ: Anernartomik ikpigititsomârpagit singailerangavit, âniadlarlutillo ernisugomârpotit, uillo kajungerijomârpat, tâmnale nâlegaujomârpoᴋ illingnut.

II Samuel 11:4

Davidelo kivgartortunik tilliklerpok tagvunga, aijauᴋolâlo. Tapsomalo ittervigingmatsuk, sinniᴋattigiva. Tamnalo arnak sujungaitipok ingminik sujungnerminit, utterlunelo iglominut.

Hiobe 14:4

Kia ivsornaitok atausek nachvârungnarᴋaûk, Ivsornaitoᴋangitunne?

Hiobe 15:14

Inuk sunauva ivsornaituksaunajarmat, tamnalo idluartojuksaungmat arnamit erniangomajok?

Hiobe 25:4

ᴋanorlo inuk idluarungnarka Gûdib sângane? ᴋanorlo arnab ᴋittornganga ivsornaijungnarᴋâ?

Imgerut 51:5

Ahâk kinguvângnit ajortolingnit ernertarijaulaukpunga anânamalo ajorneᴋarlune erniarilaukpânga.

Leviticus 12:1

Nâlekablo Mosese oᴋarvigivâ, oᴋarlune:

Leviticus 12:5

Sorusermigle arnarmik ernikpat, ivsornartuksauvok vôgîngnik maggûngnik, sôrlo sujungaivingmine; aungmelo sujungaivinganêtuksauvok uvlunik 66nik.

Leviticus 15:19

Arnarlo pêjaiviksiorpat, aungmiglo pêjaikpat, uvlunik sevenenik ingmigolingajuksauvok; aktoajorlo tâpsominga ivsornarniarpok unnuk tikidlugo.

Leviticus 18:19

Arnaliartuksaungilatillo kangunarninga matoêromavlugo aungmik naliuneᴋarningane.

Leviticus 5:3

Nalovlunelônêt aktuigune inûb ivsornarninganik, ivsornarninga ivsornautigijanga sunaugaloarpat, ᴋaujimaleruniuk pasijaksauniarpok;

Lukase 2:22

Uvlullo neliutingmatta, Marîab sujungaivinga Môsesib perᴋojangit maliklugit, nutarârsuk Jêsuse takpaunga Jerusalemut âpât, Nâlekamut pititsomavlugo;