Leviticus 10:3 - Labrador Inuttitut Heritage Bible

³ Mosesiblo Aron oᴋautivâ: Tamadja ila Nâlekab oᴋautigilauktanga, oᴋarlune: Ivsornaititaujomavunga uvamnik najorniktunut, inuillo ilûnatik sângane ânanausijaujomavunga. Aronalo niplingilak.

Leviticus 10:3 Iomraidhean Croise

Genesis 18:25

Taimailiorneᴋ ajornarpoᴋ illingnut, idluartut toᴋoᴋassiutivlugit, idluitut (toᴋogungne), idluartut idluitutitut ilingatilugit. Ajornarpoᴋ taimak illingnut. Sillaᴋsoarmiunik erᴋartuijoᴋ idluangitomik illiortuksauvâ?

Hiobe 2:10

Tâpsomale oᴋautivâ: Oᴋarpotit sôrlo arnat sillaitut oᴋarmatta. Ajungitomik pilauktogut Gûdemit idluitoktauk illalioraksaringipittigô? Tamakkonane tamaine Hiobe idluitullilaungilak kangasinângminut.

Imgerut 119:120

Erksigapkit ᴋêungomivunga idluarijatillo kakkilârutigivakka.

Imgerut 148:14

Innuᴋotimelo naksunget ᴋongmuartipâ, ivsornaitoᴋotime illûnatik nertordlerningit ᴋongmuartipait tagva Israelib ᴋittorngangita, innugasaksuit ᴋannitut tâpsomunga. Hallêluja.

Imgerut 39:10

Pagvisarnît pêruk uvamnit, perlersimagama aggakpît pitlarningningennut.

Imgerut 39:9

Nippangerpunga, ᴋanneralo angmarlungilara; igvit pinialauravit tamattominga.

Imgerut 46:10

Nippangeritse illitarksiluselo uvanga Gudeôgama. Uvanga angijorortitaujomavunga nallojut akkorngane, angijorortitaujomavunga nuname.

Imgerut 89:7

Gûde sivôranadlarpok ivsornaitut kattimaniksangine, opinadlarlunelo illunainut illumajiminut.

Imgerut 93:5

Kigligiudsinitit mikseᴋartôvut; igloᴋotivît ivsornainek pinarnarutigivâ issoᴋangitomut.

Exodus 14:17

Uvangalo, ahâk, Egiptenemiut ômatingit mangaititsomavakka, malerᴋovlugit tâpkoninga: uvangalo nertortauniksarsijomavunga Faraokut, katimagajoksoaᴋotingitigullo ilûnnaitigut, ᴋamutingitigullo aksaloaliktigut unatautiktigut, horsenelo ikimajungitigut.

Exodus 14:4

Faraublo ômatinga mangaititsomavara udlanerᴋovlugo tâpkoninga; opigijaujomavungalo Faraokut sorsuktuksarsoaᴋutingitigullo, Egiptenemiut tukisitsiarᴋovlugit uvangaugama Nâlegak. Taimailiorput tagva.

Exodus 19:22

Ajoᴋertuijullo, Nâlekamut ᴋaglilertut, ivsornaitilit nangminermingnik, Nâlegak kibliguterᴋonago tâpkonunga.

Exodus 19:24

Nâlekablo oᴋautivâ: Atê, atersarit, majorartuksauvotillo, igvillo Aronelo aiparilugo, ajoᴋertuijulle inuillo kibligutiniaratik majoraromavlutik Nâlekamut, tâmna kibliguterᴋonago tâpkonunga.

Exodus 30:30

Aronelo erningillo mingoaraksarivatit ivsornaitilugillo, kivgartorᴋovlugit uvamnut ajoᴋertuijônerme.

Jesaiase 39:8

Hiskiale oᴋarpoᴋ Jesaiasemut: Nâlekab oᴋausingit oᴋautigijattit ajungitôvut. Oᴋarivorlo: Taimaitsomâralloarmat, inôtillunga ullapirsauteᴋarniarpoᴋ soᴋᴋosingitomik.

Jesaiase 49:3

Oᴋautivângalo: Kivgarivagit, Israêle, illingne nertornarsilerpunga.

Jesaiase 52:11

Pêritse, pêritse, aularitse tagvangat! Ivsornartomik aktuiniarase! Akkorngannit aularitse, epᴋêjaritse, Nâlekab perᴋutinginik erᴋsuktose!

Hesekiel 20:41

Tippe naimajominartoᴋ naivlugo ilalioromavapse, anitikupse inôᴋatigêksuit akornganit, katersorupselo nunanit siamarvigijapsingnit; ivsornaititaujomavungalo ilipsigut inôᴋatigêksuit takoane.

Hesekiel 28:22

Oᴋarillo: imâk oᴋarpoᴋ Nâlegaᴋ Nâlegaujoᴋ: ahâk, akkerartorpagit, Sidon, nâlengnarsijomârpungalo ilingnut, tukkisijuksauvullo uvangaugama Nâlegaᴋ, idluarsainikka nâmâksitikupkit tâpsomane, tâpsomanelo ivsornailititauleruma.

Hesekiel 38:16

Tikitsomârpotillo inuᴋotimnut Israêlikunut, nuvujatut nuna mattuvlugo; uvluksane kingorliojune tikiutijomârpagit nunamnut, inôᴋatigêksuit ᴋaujimaᴋovlugit ivsornaititaugama ilingne, Goge, tâpkoa ijingita sângine.

Hesekiel 40:46

Igloarsuglo avunga sangmijoᴋ ajoᴋertuijunut tunerguserviub piksanginik udjertortunut ilingavoᴋ; tâpkoa Zâdokib kinguvârivait, tâpkoa kissimik Levib kinguvânginit najorniktuksauvut Nâlekamik, tâmna kivgartorlugo.

Hesekiel 42:13

Oᴋautivângalo: Igloarsuit avunga sângajut igloarsuillo aunga sângajut, nunaujub ingmikôrtub sivorâne, tâpkoa igloarsôvut ivsornaitut, ajoᴋertuijut Nâlekamik najorniktut nerriviginiartangat ivsornainerpaujunik, tagvunga ililârpait ivsornainerpât, tunergutiksallo nerᴋiksat, tunergutiksallo ajortoêrutiksat, tunergutiksallo passijaksairutiksat; iglo tâmna ivsornaitoviongmat.

Leviticus 21:15

Naggonartitsijuksaungilarlo kinguvângminik inôᴋatime akorngane; Uvangaugama Nâlegak ivsornaititsijok tâpsominga.

Leviticus 21:17

Arone oᴋarvigiuk, oᴋarlutit: Kinguvâksavit naliat kinguvârêngningine ᴋanoetoᴋarpat, tâmna najorniktuksaungilak Gûdime nerᴋiksanga tunergutigijomavlugo.

Leviticus 21:21

Kinalônêt Aronib ajoᴋertuijoksûb kinguvânginit ᴋanoetoᴋartok najorniktuksaungilak tunerguseromavlune tunergutinik Nâlekamut ikomakut; ᴋanoetoᴋarpok; najorniktuksaungilak Gûdime nerᴋinga tunergutigijomavlugo.

Leviticus 21:6

Ivsornaituksauvut Gûdimingnut, Gûdimiglo atinga naggonartitaililugo; tunergusermatta tunijaumajunik Nâlekamut ikomakut, Gûdimik nerᴋinganik; tamanna pivlugo ivsornaituksauvut.

Leviticus 21:8

Taimaimat ivsornaititaksarivat, Gûdivit nerᴋinga tunergutigingmago; ivsornaitokutigijaksarivat; Uvanga Nâlegaujunga ivsornaititise ivsornaidlarama.

Leviticus 22:9

Tamanna pivlugo perᴋojakka maligaksarivait, idluinermik pititsiᴋonagit nangminermingnut, toᴋoᴋonagillo idluinermingne tapanermingnut; Uvangaugama Nâlegak ivsornaititsijok tâpkoninga.

Leviticus 8:35

Ilagêktullo tupingata upkoangane noᴋangatsainartuksauvose uvlôtilugo unnuarmelo uvlut sevenit nâvlugit, Nâlekablo perᴋojijutigijanga ivlerilugo, toᴋoᴋonase; taimâk perᴋojaugama.

Numbers 16:5

Koralo ilangillo ilûnaita oᴋarvigilugit oᴋautivait: ᴋauppat uvlâkut Nâlegaᴋ nelonaijailârpoᴋ kikut perᴋutigimangâgit, kinalo ivsornaimangât, kikullo najorniᴋojaungmangâta tâpsominga; annerijane, ilâ, najorniᴋolârpâ tâpsominga.

Numbers 20:12

Nâlekablo Moseselo Aronelo oᴋautivâk: Okpervigilaunginaptinga ivlernartitauᴋovlunga Israêlib ᴋitorngangita ijingita sângine, tamanna pivlugo ilagêktoᴋsuit ukkua tikiutijaksarilungilatik nunamut tunijamnut tâpkonunga.

Mattêuse 10:37

Atâtaminik anânaminiglônêt uvamnit naglingnersak, illaᴋarniangilak uvamnik. Ernerminiglo paningminiglo uvamnit naglingnersak, illaᴋarniangilak uvamnik.

Johannese 12:28

Atâtak, atît ânanausileruk! Tagva nipe ᴋilangmit pivoᴋ: Ânanausilaukpara, amalo ânanausijomagivara.

Johannese 14:13

Sumiglo tuksiarniarupse atimne, piniaromavunga, Atâta nertortauᴋovlugo ernermigut.

Deuteronomy 32:51

Israêlekut akorngane tapagilauraptinga Meribab imangine Kâdeseme, sunaᴋajuitome Zineme; ivsornaitilaunginaptingalo Israêlekut akorngane.

II Tessalônikamiunut 1:10

Tikipat ânanaunine saᴋᴋerlugo ivjornaitoᴋotine illagivlugit, tatamnadlalarmelo okpertoᴋotine ilûnaita illagivlugit. Kigligiutsinivut ilipsingnut uvloᴋ taimna pitjutigilugo okperilaurapsigik.

I Pêtrusib 4:17

Neliutingmat erᴋartuinerub pigiarvinga Gûdib iglungane. Uvaptingnele pigiarᴋârpat, okperomangitut Gûdib oᴋausinginik tussarnertunik ᴋanoêtomik naggateᴋaromârᴋât?

I Samuel 2:30

Tamanna pivlugo Nalegak Israelib Gudinga oᴋarpok: Oᴋalaukpunga, igloᴋotit atâtagijavillo iglunga agvertartuksaungmatta sâmne sorairatik. Mannale Nalegak oᴋarpok: Ungasigle uvamnit, opigosuktorle uvamnik, tamna opigijomagivara; uvamnigle nachojok, tamna nachogijaujuksaugivok.

I Samuel 3:18

Tagva Samuelib oᴋautiva tamainik, angigutjivigilungilâlo sunamik. Tamnale oᴋarpok: Nalegauvok, pinniarle namagijaminik.

I Samuel 6:20

Innuillo Bethsemesemiut oᴋarput: Kina nangerungnarka Nalekab heiligeôvlune Gudeôjub taimaitub sângane? kinamullo uvaptingnit aijuksauva?