Leviticus 10:11 - Labrador Inuttitut Heritage Bible

¹¹ Israêliblo ᴋitorngangit ajoᴋertoraksarivase perᴋojanik tamainik Nâlekab oᴋautigijanginik tâpkonunga Mosesekut.

Leviticus 10:11 Iomraidhean Croise

II Kronika 15:3

Uvloᴋaromârporle unnuktunik Israeleme, Gudearomângitunik idluartomik, ajochertuijoaromângituniglo ajochertuijunik, perᴋojâromângituniglo.

II Kronika 17:9

Ajochertuivullo Judame, najorteᴋalutiglo Nalekab aglaᴋotinginik perᴋotitalingnik, ingergavullo Judakut iglugasaksoangittigut illunaitigut, ajochertuilutiglo innugasaksoarnik.

II Kronika 30:22

Hiskiablo Levitit illunaita sungiusimajut kivgartornermik ânanâmik Nalekamik, pitsiarlune oᴋarᴋattigivait. Nerrivaillo uvloksiorviub tunnergutingit uvlut 7 it nâlugit, tunnijilutik tunnergutinik ᴋujalijutiksanik, imgerlutiglo nertordlerutiksanik Nalekamut atâtagijamik Gudinganut.

Nehemia 8:2

Esrablo ajoᴋertuijub perᴋojat âpait ilagêt, angutit arnallo ilûnatiglo tussarungnartut tapᴋoninga sânginut, takkit 7 ingata uvlungita sivurlingane,

Nehemia 8:8

Attuarpaillo Gûdib aglangit perᴋojaktagit tukkisinartomik, tukkingillo nallonairpait, tukkisinartilugillo attuartautilugit.

Jeremia 18:18

Tapkoale oᴋarput: Attê, ᴋaileritse, issumaksarsioᴋatigêkta Jeremia pitjutigilugo; perᴋojat pijungnainiangimatta ajoᴋertuijomit, atanertuinerlônêt ilisimajomit, oᴋauserlônêt nalautaijomit. Kaileritse, oᴋarnerlutigilavut oᴋaptingnut, kamaniaratalo oᴋausingita nalianiglônêt.

Jeremia 2:8

Ajoᴋertuijut aperilaungilat: Nâlagaᴋ nanêᴋâ? perᴋojaniglo ilisimajut ilitarilaungilânga; pairᴋsijut tunulauᴋpânga, nalautaijullo nalautailauᴋput Baalekut, malikpullo idluarᴋutaungitunik.

Mâlaki 2:7

Ajoᴋertuijûb ᴋangasinâgik piulimaklertuksaungmanik ilisimanermik, perᴋojallo ᴋenertaujuksaungmatta tâpsoma ᴋaninganit, Nâlekab Zebaotib tilijaringmago.

Mattêuse 28:20

Ajoᴋertorsigiglo malerᴋovlugit tamainik perᴋojamnik ilipsingnut, Ahâglo, uvlut tamaita najutsainarniarpapse, silaksûb naggatânut.

Apostelit Piniarningit 20:27

Angigutilaunginapse, oᴋâlavlungale Gûdib perᴋojanginik tamainik.

Deuteronomy 17:10

Taimailiortuksauvotillo, sorlo tâpkoa nelonaijaivigingmatit ineme Nâlekab annerijangane; kamatsiartuksauvotillo piniarᴋovlutit tâpkoa ajuᴋertusingit tamaita maliklugit;

Deuteronomy 17:11

Perᴋojab tukkigijanga tâpkoa ajuᴋertûtigijangat ilingnik maliklugo, idluarsaijullo tâpkoa oᴋautigijangat ilingnut maliklugo, piniartuksauvotit; oᴋausek ilingnut nelonairutigijangata talerpiata tungânut saumiatalônêt tungânut unioraksarilungilat.

Deuteronomy 24:8

ᴋanimaserme kalaᴋadlarnerme udjertoritse kamatsiarluselo piniarᴋovluse tamainik ajuᴋertuijut Levikut ajuᴋertutigijangit ilipsingnik maliklugit; sorlo tâpkoa perᴋolaurapkit, taimailiortuksauvose.

Deuteronomy 33:10

Tâpkoa Jakokut ajuᴋertorpait idluarsaijutiksarnik Israêlekullo perᴋojarnik; tâpkoa isserluanerutiksanik tipitsiariksautiksanik ilijilârput ᴋingavît sânganut, tunergutiksaniglo ôtaksanik iluitunik tunerguservingnut.

I Tessalônikamiunut 4:2

ᴋaujimagapse perᴋojat nelênik tunitgivigilaurapse Nâlekamit Jêsusemit.