Leviticus 10:1 - Labrador Inuttitut Heritage Bible

¹ Aroniblo ernîkita, Nadab Abihublo atunit pujortitsivingne tiguvâkik, ikomatatserlugiglo, isserluanerutiksamiglo ilijivuk ᴋânganut, tunerguserlutiglo ikomamik adseungitomik Nâlekab sângane, tâpsomalo perᴋojijutigilaungitanganik tâpkungnunga.

Leviticus 10:1 Iomraidhean Croise

I Atannit 18:38

Tagva Nâlekab ikkomanga kattakpok pângat, nerrivaillo tunnergutiksak ôtaksak, ᴋejuillo, ujarkello, ivjorlo immerlo ittersangmêtok alluktorpa.

Imgerut 141:2

Tuksiarnera idluarle sângne, tunergutitut isserluanitotut; aggama ᴋongmuartitauninget tunnergutitut unusiutitut.

Exodus 24:1

Mosesemullo oᴋarpok: Majorarit Nâlekamut, igvit, Aronelo, Nadabelo, Abihulo, 70lo Israêlikut angajoᴋânginit; alivasiktomelo tuksiaritse.

Exodus 24:9

Tavga Mosese, Aronelo, Nadabelo, Abihulo, 70lo Israêlikut angajoᴋânginit majorarput:

Exodus 27:3

Sanajuksauvotillo argjaᴋautinginik, ᴋalugautinginiglo, pôgutaujanginiglo, kapoᴋautinginiglo, aumaᴋautinginiglo; perᴋutingit ilûnnatik ᴋaᴋorleojuksauvut.

Exodus 28:1

Aronelo angajuit erningillo ilagivlugit annerijaksarivatit ilingnut Israêlikut akornganit, kivgartorᴋovlugit uvamnut ajoᴋertuijôvlutik; Arone, Nadabelo, Abihulo, Eleâserelo, Itamârelo, Aronib erningit.

Exodus 31:11

Orᴋsumiglo mingoarutiksamik, tipitsiariksautiksaniglo naimajominartunik ivsornaitovingmut; perᴋojakka ilingnut tamaita maliklugit piniartuksauvut.

Exodus 37:29

Orᴋsuliorporlo ivsornaitomik mingoarutiksamik, iserluanerutiksamiglo ilaᴋangitomik tauvluᴋutenit mamaktunit, tipitsiariksautelerijub sanasôngoninga maliklugo.

Exodus 38:3

Tunerguserviublo perᴋutingit, argjaᴋautit, ᴋalugautillo, pôgutaujat, kapoᴋautillo, aumaᴋautillo sanavait; perᴋutingit ilûnnaita sanavait ᴋaᴋorlermit.

Exodus 40:27

ᴋânganelo ikitsivok tipitsiariksautiksanik; sorlo Nâlekab Mosese perᴋongmago.

Exodus 6:23

Aroniblo nuliarilerpâ Elisabak, Aminadab paninga, Nagusub najanga, tâpsomangallo ernertârivait Nâda, Abihu, Eleasure, Itamare.

Exodus 8:27

Uvlut pingasut ingergavigivlugit ingergajomavogut inuᴋangitomut, Nâlekamut Gûdiptingnut tunerguseriartorluta, sorlo perᴋungmatigut.

Jeremia 19:5

Baaliblo poᴋtoningit sanagamitsuk, ernitik ikoâlalugit ikomamut tunergutigilugit Baalemut; perᴋolaungitarale tamanna, oᴋautigilaungitaralônêt, ômamiutarilaungitaralônêt.

Jeremia 32:35

Poᴋtojoliorpullo Baalemut, Hinnomib erningata naᴋsanganêtunik, ernitik panitiglo ikomakôrᴋojomavlugit Môlokemut; perᴋolaungitarale tamanna tâpkonunga, ômamiutarilaungilaralônêt piniarniarmatta maᴋojungnartomik tamattominga; Judakut idluitulitiniarlugit.

Jeremia 44:15

Tagva angutit ilûnatik ᴋaujimajut nuliamik isserluanititsininginik tipigiksautinik Gudib assianut, arnallo ilûnatik najûtijut, katimajoᴋsuit, ila, inuit ilûnatik nuname Egipteneme nunalit, Patroseme, Jeremia akkivât, oᴋarlutik:

Jeremia 44:8

Taimaidluse ningarsârpapsinga aggapse sanajanginut, tipigiksautinik isserluanititsigapse gudingoanut assimnut nuname Egipteneme nunagijartortapsingne; nakartauᴋovluse, oᴋarnerlutauᴋovluselo mitautauᴋovluselo inôᴋatigêksuit nunamêtut tamaita akorngane.

Jeremia 7:31

Tunerguserviliolauᴋpullo Tôfeteme tamadja Hinnomib erningata naᴋsangane, ernitik panitiglo ikomame ikoâlajomavlugit; tamannale perᴋolaungilara issumagilaungilaralônêt.

Leviticus 16:1

Nâlekablo Mosese oᴋarvigivâ, Aronib ernîkita toᴋôkita kingorngane, Nâlekab sânganôrmanik, toᴋolutiglo.

Leviticus 16:12

Tigusijuksauvorlo pujôrtitsivingmik aumanik tatatomik tunerguservingmit Nâlekab sângane, agganalo tatalugit isserluanerutiksanik mamaktunik serᴋalisimajunik, âlugillo upkôb iluanut;

Leviticus 22:9

Tamanna pivlugo perᴋojakka maligaksarivait, idluinermik pititsiᴋonagit nangminermingnut, toᴋoᴋonagillo idluinermingne tapanermingnut; Uvangaugama Nâlegak ivsornaititsijok tâpkoninga.

Leviticus 9:24

Ikomalo anivok Nâlekab sânganit nungutsilunalo tunergutiksamik ôtaksamik tunnomiglo tunerguservingmêtunik; inuillo ilûnatik tamanna takogamitsuk ᴋaggûdlarput pâmangalutiglo.

Numbers 16:46

Mosesiblo Arone oᴋautivâ: Pujôrtitsivit tiguleruk pititsivigilugolo ikomamik tunerguservingmit, ilijivigilugolo isserluanerutiksamik, tuavilutillo ilagêktoᴋsuit aivigikit ulapᴋoserlugillo; ningaumajârneᴋ aningmat Nâlekamit; nusilingnartoᴋ pigiarêrpoᴋ.

Numbers 26:61

Nâdabelo Abihulo toᴋolauᴋpuk tunergusermanik ikomamik takorngartamik Nâlekab sângane.

Numbers 4:18

Kohatekut ᴋitorngarêngita kinguvângit pêjarniarasigik Levikut akornganit;

Deuteronomy 12:32

Perᴋojijutigijakka tamaita ilipsingnut kamagijaksarivase piniarlugillo; ilajaksaringilatit ilangeraksaringilatillônêt.

Deuteronomy 17:3

Kivgartoriartorlutik Gûdib assinginik, pâmaktervigilugillo, seᴋinermiglônêt, takᴋermiglônêt, ᴋilaublônêt katimgajoksôningita ilanganik, perᴋojijutigilungitamnik;

Deuteronomy 4:2

Oᴋauseᴋ perᴋojijutigijara ilipsingnut ilajaksaringilase ilangaraksarilungilaselônêt; Nâlekab Gûdipse perᴋojangit perᴋojarijakka ilipsingnut nelaudlugit piᴋovluse.

Ebrêerinut 9:4

Tagvanêlauᴋpuk iluleᴋut isserluanititsivik goldeojoᴋ, iklerviglo kigligiutjineᴋtalik, ilûnane ᴋallersimajoᴋ goldemik; mattoma iluane iluleᴋuteᴋalauᴋpoᴋ goldemik, Mannanik pitalingmik, Aroniblo ajaupianganik nutaijoᴋtalilauᴋtomik, ujarᴋangniglo sâtungnik, angersimanerub aglaksimavîgingnik.