Leviticus 1:9 - Labrador Inuttitut Heritage Bible

⁹ Erᴋavingille niungillo ergortoraksarivait imermut; ajoᴋertuijûblo ôtitaksarivâ ilûnât tunerguservingme, tunergutautilugillo ôtaksamik, tunergut ikomakut, tipitsiariktoᴋutaujok Nâlekamut.

Leviticus 1:9 Iomraidhean Croise

Genesis 8:21

Nâlekablo naimavâ tippitsiariktoᴋ, ômamigullo oᴋarpoᴋ: Kingorngane nuna ominarsititsomairtara inuit pitjutigivlugit; inub ômatingata kajungilarningit ajortoᴋsôngmatta sorusioninganit, kingornganelo ômajut tamaita nungutitsomairtakka, sorlo pisimagama.

I Kronika 6:34

Elkanab erningata, Jerohamib erningata, Elielib erningata, Toab erningata,

II Kronika 4:6

Sannavaillo ukkusit tallimaujortut tapᴋoa tallimat makkitipait tallerpingmut, tallimallo saumingmut erchortuiviksauvlutik, illulerᴋutit tamaita tunnergutinut otaksanut attortaulauktut erchortorpait tapᴋonane; immarbingoarle ubvarviksaulaukpok ajochertuijunut.

Imgerut 51:6

Ahâk, mikseᴋârnek sagvangitomêtok ᴋuviagivat; illisimanermik ijersimajomik ᴋaujimatiparma.

Imgerut 66:15

Tunnergutinnik ôtaksanik orksulingnik tunnitsivigijomavagit, saukat angusallunginit pujôktunit; tunnijijomavunga tuktuvângnik, angusalluit illautillugit. Sela.

Exodus 12:9

Mikkigautilugo nerrijaksaringilase, imermullônêt ôjotilugo, ikomamele jarraksimatilugo; niaᴋoa niungillo tulimângillo tappilugit.

Exodus 29:18

Angusâloklo ilûnât ôtitaksarivat tunerguservingme: tunergutiksauvok ôtaksak Nâlekamut: tamadja tipigiksautauvok, tunergut ôtâk Nâlekamut.

Exodus 29:25

Tigujaksarivatillo agganginit ôtilugillo tunerguserviub ᴋângane tunergutautilugillo ôtaksamik, tipigiksautiksautilugit Nâlekab sângane: tunergutauvok ôtâᴋ ikomakut Nâlekamut.

Jeremia 4:14

Omatit ubvaruk idluinermit, Jerusalem, piulijaujungnarᴋovlutit. ᴋanoᴋ sivitutigijomik issumavêt idluitut angerarviginiarᴋâtît?

Hesekiel 20:28

Tikiutisimalaurapkit nunamut, aggakka isângatilugit tunijamnut tâpkonunga, ulernairtuivut ᴋaᴋᴋanik poᴋtojunik tamainik, napârtuniglo siliktunik tamainik, tagvanelo tunerguserput, tagvungalo pajukput tunergutimingnik maᴋojungnartunik, tagvanelo âᴋiksorpait tipigiktut naimajominartuliarimajatik, tagvanelo kovivait tunergutitik imiksat.

Hesekiel 20:41

Tippe naimajominartoᴋ naivlugo ilalioromavapse, anitikupse inôᴋatigêksuit akornganit, katersorupselo nunanit siamarvigijapsingnit; ivsornaititaujomavungalo ilipsigut inôᴋatigêksuit takoane.

Hesekiel 40:38

Igloarsuᴋarivok ama upkoalingmik iglernaujat seningine itertarvit seninginêtune; tagvane tunergutiksat ôtaksat ergortortauvut.

Leviticus 1:13

Erᴋaville niullo ergortoraksarivait imermut: ajoᴋertuijûblo tunergutigijaksarivâ ilûnât, ôtilugolo tunerguservingme: tunergutauvok ôtâk, tunergut ikomakut, tipitsiariktoᴋutaujok Nâlekamut.

Leviticus 1:17

Isarokullo ᴋopijaksarivâ avgornagole: ajoᴋertuijûblo ôtitaksarivâ tunerguservingme, ᴋejuit ikomamêtut ᴋângane: tunergutauvok ôtâk, tunergut ikomakut, tipitsiariktoᴋutaujok Nâlekamut.

Leviticus 2:16

Tâpsomalo erᴋaumajutiksanga ajoᴋertuijûb ôtitaksarivâ, sanaugaksat serᴋalisimajut ilanga, orᴋsûblo ilanga, tipitsiariksautiblo ilûnanga: tunergutauvok ôtâk ikomakut Nâlekamut.

Leviticus 2:2

Ataksarivâlo Aronib erninginut ajoᴋertuijunut: tâpsomalo tigusivigijaksarivâ sanaugatsiarmik tigumiararmik, orᴋsumiglo, tipigiksaumiglo ilûnânik; ajoᴋertuijûblo ôtitaksarivâ tunerguserviub ᴋângane erᴋaumajutiksautilugo, tunergut ikomakut, tipitsiariktoᴋutaujok Nâlekamut:

Leviticus 2:9

Ajoᴋertuijorlo tigusijuksauvok erᴋaumajutiksamik tunergumit nerᴋiksamit ôtilugolo tunerguservingme: tunergutauvok ikomakut tipitsiariktoᴋutaujok Nâlekamut.

Leviticus 3:11

Ajoᴋertuijûblo ôtitaksarivait tunerguservingme: nerᴋiksauvok tunergusertaujok ikomakut Nâlekamut.

Leviticus 3:5

Aroniblo erningita ôtitaksarivait tunerguservingme tunergutib ôtaksab ᴋângane, ᴋejuit ikomamêtut ᴋângane: tunergutauvok ôtâk, tunergut ikomakut, tipitsiariktoᴋutaujok Nâlekamut.

Leviticus 4:31

Tunnungalo ilûnât pêjaraksarivâ, sôrlo tunnok pêjartaungmat tunergutinit ᴋujaliutiksanit; ajoᴋertuijûblo ôtitaksarivâ tunerguservingme tipitsiariktoᴋutauᴋovlugo Nâlekamut; ajoᴋertuijûblo ulapirᴋsaraksarivâ, isumagijungnaiviolârporlo.

Leviticus 6:14

Tamadjalo perᴋojat tunergutiksak nerᴋiksak pivlugo: Aronib erningita tunerguseraksarivât Nâlekab sângane, tunerguserviub sângane.

Leviticus 8:21

Erᴋavingillo niungillo ergortorpait imermut; Mosesiblo saugak angusâlok ilûnât ôtipâ tunerguservingme; tunergutauvok ôtâk tipigiksautiksak; tunergutauvok ikomakut Nâlekamut; sôrlo Nâlekab Mosese perᴋolaungmago.

Leviticus 8:28

Mosesiblo tigulerivait agganginit ôtilugillo tunerguservingme tunergutautilugit ôtâk; ivsornaititauvut tipitsiariktut; tunergutauvut ikomakut Nâlekamut.

Leviticus 9:14

Erᴋavillo niullo ergortorpait, ôtilugillo tunergutautipait ôtâk tunerguservingme.

Saggaria 13:7

Saviksoak tupalerit, mianersijiga pâvigilugo, angullo inôᴋatigijara, oᴋarpok Nâlegak Zebaot, mianersijoᴋ annauleruk, saukallo siamartitaulârput; aggakkalo sâtitsomârpakka piarangnut.

Numbers 15:3

Tunerguseromavluselo ikomakut Nâlekamut, tunergutiksamik ôtaksamik, toᴋotaksamiglônêt angerviviksiorutiksamik, tujutiksamiglônêt, uvloᴋsiorutiksamiglônêt, tipigiksaijomavluse Nâlekamut tuktuvangnillônêt saukanillônêt;

Numbers 28:11

Takkillo pigiarningine tunergusertuksauvose tunergutiksamik ôtaksamik Nâlekamut; tuktuvângnik inôtsûngnik maggûngnik, saugarmiglo angusalormik, saugârsungniglo angutinik sevenenik, atautsemik jârelingnik, ᴋanoetoᴋangitunik;

Numbers 28:7

Tunergutiksamiglo imiksamik ilakartuksauvok kinib sitamanganik saugârsungmut atautsemut; ivsornaitovingme kovisijuksauvotit tunergutiksamik imiksamik pitsartujomik Nâlekamut.

Numbers 28:8

Saugârsûblo aippanga tunergutigijaksarivat unnukut; tunergutiksatut nerᴋiksatut uvlâkut, tunergutiksatullo imiksatut ilingavlune tunergutigijaksarivat, tunergutiksaᴋ ikomakut, tipiksaᴋ naimajominartoᴋ Nâlekamut.

II Korintemiunut 2:15

Kristûsib tippigiksautigingmatigut Gûdemut, piulijaujomârtunelo assiojomârtunêlô:

Efêsusemiunut 5:2

Naglingnermelo arvertaritse, sorlotauᴋ Kristusib nagligilaungmatigut, ingminiglo tunilaungmat pivluta, tunergutiksaujomavlune toᴋotaksamik, Gûdemut tipitsiariksautiksamik.

Deuteronomy 12:27

Tunergutigijatillo ôtaksat tunergutigijaksarivatit, nerᴋingalo aungalo, Nâlekab Gûdivît tunerguservigijangane, tunergutivîllo toᴋotaksat aungit kovijaujuksauvut Nâlekab Gûdivît tunerguservinganut, nerᴋingillo nerrijaksarivatit.

Filippimiunut 4:18

Tamainigle peᴋarpunga, peᴋaluarlunga aglât; ununârviovlunga neksartitaunipsingnik pigama Epafroditusemit, tamadja tipitsiariksautiksaᴋ, tunergut takominartoᴋ, ᴋuvianartorlo Gûdemut.