Leviticus 1:4 - Labrador Inuttitut Heritage Bible

⁴ Otaksablo niaᴋoa patigaksarivâ aggangminut: nâmagijauniarpok tagva ulapirksautauvlune tâpsomunga.

Leviticus 1:4 Iomraidhean Croise

Exodus 28:38

Aroniblo ᴋaunganêtuksauvok, Arone nangmarᴋovlugo ivsornaitut idluininginik, Israêlikut ivsornaitilârtanginik tunergutimingne ivsornaitune tamaine; ᴋaunganêtsainartuksauvorlo, tâpkoa nâmagijaurᴋovlugit Nâlekab sângane.

Exodus 29:10

Tuktuvaglo ᴋaitautitaksarivat tupiub kigligiutjineliub sânganut, Aroniblo erningitalo tuktuvaub niaᴋoa patigaksarivât aggangmingnut.

Exodus 29:15

Saugarlo angusâlok atausek tigujaksarivat; Aroniblo erningitalo angusâlub niaᴋoa patigaksarivât aggangmingnut.

Exodus 29:19

Saukablo angusâlub aipanga tigujaksarivat: Aroniblo erningitalo angusâlub niaᴋoa patigaksarivât aggangmingnut.

Exodus 29:33

Tamakkoalo ulapᴋosertausiutit nerrijaksarivait ivsornaititaujutigivlugit idluarsititaujutigivlugillo: takorngartable nerrijaksaringilait, ivsornaingmata.

Jesaiase 56:7

Tâpkoa ᴋaᴋᴋamnut ivsornaitomut âtsomârpakka ᴋuviasuktillugillo iglumne tuksiarvingme, tunergutingillo õtaksat tunergutingillo toᴋotaksat tunerguserviᴋotimne ᴋuviagijaujomârput, igluga taijaujomârmat tuksiarvingmik inungnut illũnainut.

Hesekiel 45:15

Sauᴋanillo katimgajunit 200nit atauseᴋ tunijaksauvoᴋ Israêlib naᴋsanginit imeᴋatsiartunit, tagva tunergutiksaᴋ nerᴋiksaᴋ, tunergutiksarlo ôtaksaᴋ, tunergutiksarlo ulapᴋosertaujutiksaᴋ, ulapᴋosertauᴋovlugit, oᴋarpoᴋ Nâlegaᴋ Nâlegaujoᴋ.

Daniel 9:24

Vôgit 70 kititaumavut inôᴋatingnut iglugasaksoarnullo ivsornaitoᴋotingnut, tapatoniᴋ sorairᴋovlugo, nâmangitulinilo noᴋarᴋovlugo, idluitulinilo pêjartauᴋovlugo, idluarnilo nâksaungitoᴋ itititauᴋovlugo, takotitjutillo nalautainilo nâmaksititauᴋovlugit, ivsornainipâglo mingoartauᴋovlugo.

Leviticus 16:21

Aroniblo aggane iglotut ilijaksarivait tuktungajûb ômajûb niaᴋoanut, tâpsomalo ᴋângane kigligiutjijuksauvok Israêlib ᴋitorngangita idluininginik tamainik, tappatoninginiglo tamainik, ila, ajorninginik tamainik; ilijaksarivaillo tuktungajûb niaᴋoanut, tâmnalo aularutijaksarivâ angutib tamattomunga ilingatitaujûb aggangitigut sunaᴋajuitomut;

Leviticus 16:24

Uvininalo ubvaraksarivâ imermut ivsornaitovingme, annorânalo atilugit, anilunalo, tunergutiksanalo ôtaksak, inôᴋatigêksuillo tunergutiksangat ôtaksak tunergutigilugik, nangmininalo inôᴋatigêksuillo ulapᴋoserlugit.

Leviticus 22:21

Tunitjijorlo tunergutiksamik ᴋujaliutiksamik Nâlekamut, angermaringnermik akkiliksairutigijomavlugo tunergutigijomavlugolônêt pijârijomik, tuktuvangnillônêt sauganillônêt, ᴋanoêtoᴋangitôjuksauvok ᴋuviagijauᴋovlugo; sumiglônêt ᴋanoêtoᴋartuksaungilak.

Leviticus 22:27

Tuktuvak, saugarlônêt, tuktungajorlônêt piaratâlerpat, piarak anânaminêtuksauvok uvlunik sevenenik; uvlullo 8inganit nâmagijauniarpok tunergutiksauvlune ikomakut Nâlekamut.

Leviticus 3:13

Niaᴋoalo patingmilugo toᴋotaksarivâ ilagêktut tupingata sângane: Aroniblo erningita aunga serᴋerautigijaksarivât tunerguserviub avatânut.

Leviticus 3:2

Tunergutiksablo niaᴋoa patingmilugo aggangminut, toᴋotaksarivâ ilagêktut tupingata upkoangata sângane: Aroniblo erningita ajoᴋertuijut auk serᴋerautigijaksarivât tunerguserviub avatânut.

Leviticus 3:8

Tunergutimelo niaᴋoa patingmilugo toᴋotaksarivâ ilagêktut tupingata sângane, Aroniblo erningita aunga serᴋerautigijaksarivât tunerguserviub avatânut.

Leviticus 4:15

Ilagêllo angajoᴋângita tuktuvaub niaᴋoa patingmijaksarivât Nâlekab sângane, tuktuvaglo toᴋotaujuksauvok Nâlekab sângane.

Leviticus 4:20

Tuktuvak taimailiorutigijaksarivâ; sôrlo tuktuvak tunergutiksak ajoᴋêrutiksak piniarvigilaungmago taimâk una piniarvigijaksarivâ: ajoᴋertuijûblo ulapirᴋsaraksarivait, isumagijungnaiviolârput tagva.

Leviticus 4:24

Aggangminullo tuktungajûb niaᴋoa patingmijaksarivâ, toᴋotaksarivâlo tunergutiksat ôtaksat toᴋotauvigivaktangine Nâlekab sângane: tunergutauvok ajoᴋêrutiksak.

Leviticus 4:26

Tunnungalo ilûnât ôtitaksarivâ tunerguservingme, sôrlo tunnok tunergutiksanit ᴋujaliutiksanit: ajoᴋertuijûblo ulapirᴋsaraksarivâ ajorninga pivlugo, isumagijungnaiviolârpoᴋ tagva.

Leviticus 4:29

Aggangminullo tunergutiksab ajoᴋêrutiksab niaᴋoa patingmijaksarivâ, tunergutiksarlo ajoᴋêrutiksak toᴋotaksarivâ ôtaksanik tunergutiksat inigijangane.

Leviticus 4:31

Tunnungalo ilûnât pêjaraksarivâ, sôrlo tunnok pêjartaungmat tunergutinit ᴋujaliutiksanit; ajoᴋertuijûblo ôtitaksarivâ tunerguservingme tipitsiariktoᴋutauᴋovlugo Nâlekamut; ajoᴋertuijûblo ulapirᴋsaraksarivâ, isumagijungnaiviolârporlo.

Leviticus 4:33

Aggangminullo tunergutiksab ajoᴋêrutiksab niaᴋoa patingmijaksarivâ, toᴋotaksarivâlo tunergutiksautilugo ajoᴋêrutiksamik tunergutiksat ôtaksat toᴋotauvigivaktangine.

Leviticus 4:35

Tunnungalo ilûnât pêjaraksarivâ sôrlo saugârsûb tunnunga pêjartaungmat tunergutiksanit ᴋujaliutiksanit; ajoᴋertuijûblo ôtitaksarivâ tunerguservingme, tunergutit Nâlekamut ikomakut ilusioᴋojangit maliklugit: ajoᴋertuijûblo ulapirᴋsaraksarivâ ajorninga piniarnerijanga pitjutigellugo, isumagijungnaiviolârporlo.

Leviticus 4:4

Tuktuvaglo âtaksarivâ ilagêktut tupingata upkoangata sânganut Nâlekab sângane; tuktuvaublo niaᴋoa patingmijaksarivâ, tuktuvaglo toᴋolugo Nâlekab sângane.

Leviticus 5:6

Atsijuksauvorlo Nâlekamut tunergutiminik pasijaksaungijutiksamik idluinine piniarnerijane pivlugo saugârsungmik tuktungajomiglônêt arnarmik katimgajunit tunergutiksautilugo ajoᴋêrutiksamik; ajoᴋertuijûblo ulapirᴋsaraksarivâ idluitulinerilauktanga pivlugo.

Leviticus 6:7

Ajoᴋertuijûblo ulapirᴋsaraksarivâ Nâlekab sângane, isumagijungnaiviolârporlo idluitulinerilauktanganit, pasijaksaujutigilauktanga sunaugaloarmangât.

Leviticus 8:14

Tuktuvaglo tunergutiksak ajoᴋêrutiksak tikiupâ; Aroniblo erningitalo tuktuvaub tunergutiksab ajoᴋêrutiksab niaᴋoa pattikpât aggangmingnut.

Leviticus 8:18

Saugarlo angusâlok tunergutiksak ôtaksak ᴋaipâ; Aroniblo erningitalo saugab angusâlûb niaᴋoa pattikpât aggangmingnut.

Leviticus 8:22

Saugablo angusâlûb aipanga, angusâlok ivsornaititausiut ᴋaipâ; Aroniblo erningitalo angusâlûb niaᴋoa pattikpât aggangmingnut.

Leviticus 9:7

Mosesiblo Aron oᴋautivâ: Tunerguserviliarit, tunerguserlutillo tunergutiksarnik ajoᴋêrutiksamik, tunergutiksarniglo ôtaksamik, ulapiksailutillo pivlutit inuillo pivlugit; inuillo tunergutiksangat tunergutigiuk, tâpkoalo ulapᴋoserkit; sôrlo Nâlegaᴋ perᴋojilaungmat.

Numbers 15:25

Ajoᴋertuijûblo Israêlikut ilagêktoᴋsôningit ilûnaita ulapᴋoseraksarivait, issumagijungnaiviolârpullo; tammatoviniolaungmat, âtsimattalo tunergutiksamingnik, tunergutiksamik ikomakut Nâlekamut, tunergutiksamingniglo ajortoêrutiksamik Nâlekab sânganut, tammarnitik pivlugo.

Numbers 15:28

Ajoᴋertuijûblo idluitulijoᴋ ulapᴋoseraksarivâ, pijâringitomik idluitulilerpat Nâlekab sângane, ulapirᴋsartauᴋovlugo; issumagijungnaiviolârporlo.

Numbers 25:13

Tâpsomungalo kinguvânginullo angerniolârpoᴋ ajoᴋertuijônermik soraijuitomik; ilungertudlarlaungmat Gûdine pivlugo, Israêlikullo ulapᴋosilaungmagit.

Numbers 8:10

Levikullo saᴋᴋertitaksarivatit Nâlekab sânganut, Israêlikullo aggangmingnut Levikut patingmijaksarivait;

Numbers 8:12

Levikullo aggangmingnut tuktuvâk niaᴋôgik patingmijaksarivakit; igvillo aipâ tunergutigijaksarivat tunergutiksaᴋ ajortoêrutiksaᴋ, aipangalo tunergutiksaᴋ ôtaksaᴋ, Nâlekamut, Levikut ulapᴋosertauᴋovlugit.

Rômiunut 12:1

Taimaimat kaiblarpapse, ᴋatangutikka, Gûdib nâpkiningninga pivlugo, timise tunisigik tunergutiksatut ômajotut, ivjornaitotut Gûdemullo ᴋuviagijaujotut; taimailiorupse, Gûde tukkeᴋartomik kivgartutsiarpase (anernerme.)

Rômiunut 3:25

Tâmna Gûdib saᴋᴋertilauᴋpâ saimauservioᴋovlugo okpernermut tâpsoma aunganut, idluarneᴋ sâmine nâmagijaujoᴋ nalonairomavlugo, issumagijungnairamigit ajornerit sivorngagut pilauktut, Gûde ᴋenuêsertortilugo;

Rômiunut 5:11

Tamannale kissimeungitoᴋ, nertôtivogulletauᴋ Gûdeme, Nâlegaptigut Jêsuse Kristusikut, tâpsomûna mâna ulapirsaumik tunitsiviogapta.

Filippimiunut 4:18

Tamainigle peᴋarpunga, peᴋaluarlunga aglât; ununârviovlunga neksartitaunipsingnik pigama Epafroditusemit, tamadja tipitsiariksautiksaᴋ, tunergut takominartoᴋ, ᴋuvianartorlo Gûdemut.

Ebrêerinut 10:4

Tuktuvaub saukablo aunginut ajornerit pêjarlugit ajornavingmat.

I Johannesib 2:2

Tâmnalo ullapirsautauvoᴋ ajornivut pivlugit; ajornivulli kissêtaungitut, silaᴋsoarmiullitauᴋ ilûnatik ajorningit pivlugit.