Jeremiab Ogguarutigijangit 4:22 - Labrador Inuttitut Heritage Bible

²² Idluitulinivît pidlartauninga nâvok, Zionib pania; aularutijungnainiarpâtit; nelipsaijomârpok idluitulinernik, Edomib pania; ajornitillo sakᴋertitsomârpait.

Jeremiab Ogguarutigijangit 4:22 Iomraidhean Croise

Imgerut 137:7

Nâlegak Edomiut ᴋittorngangit erᴋaivigikit Jerusalemib uvlunganik, oᴋartut: Pêrmariklît, pêrmariklît, nungumarerᴋovlugit!

Jesaiase 40:2

Kiblingnartunik oᴋauseᴋaritse Jerusaleme oᴋâlavigivlugo, kippalôninga sorairmat, idluitulliningit issumagijaujungnairmatta, maggôlimmajomik (sugiartaunermik) pingmat Nâlekab agganginit idluitullinine pivlugit.

Jesaiase 52:1

Tupalerit, tupalerit, pitsartunit attileruk, Zione! Annorâlerit uvloᴋsiorutinik, Jerusaleme, iglugasaksoangojotit ivsornaitotit! Mattoma kingorngagut kippisimangitomik ivsornartomiglõnêt ittertoᴋaromângimat illingnut.

Jesaiase 60:18

Idluiluktomik tussaumajoᴋaromângilaᴋ nunangne, pijaksaungitomiglõnêt asserornartomiglõnêt nunavit erᴋâne. Avaluᴋsoaᴋotitit atseraromârpattit piulijaunartunik upkoaᴋsoaᴋotitillo nertornartunik.

Jeremia 32:40

Tâpkonungalo angeᴋatigêngnelioromavunga soraijuituksaujomik, sorairomanginama ajungitulivigivlugit; ômamiutaᴋartitsomavakkalo sivôranermik uvamnik ᴋemaiᴋonagillo uvamnik.

Jeremia 33:7

Judablo aularutijauningat Israêliblo aularutijauningat utertitsomavakka âᴋiksoromavakkalo sorlo pigiarnerme.

Jeremia 33:8

Epᴋêjaromavakkalo idluitulininginit tamainit, idluitulinerilauᴋtanginit uvamnut; idluituliningillo tamaita issumagijungnairomavakka, idluitulinerilauᴋtangit uvamnut, tapanerilauᴋtangillo uvamnik.

Jeremia 49:10

Uvangale Esaue ussingatipara, ijervigijangit mattoêrpakka, ijerlunalo ajulilârpoᴋ; kinguvângit asserortauvut, ᴋatangutingillo, inôᴋatingillo, tâmnalo itsungnairpoᴋ.

Jeremia 50:20

Uvlune tâpkonane, naliutomelo tâpsomane, oᴋarpoᴋ Nâlagaᴋ, Israêlib idluininga ᴋenertaujomârpoᴋ, pitaᴋarniangilarle; Judablo idluiningit, naipitauniangilalle; amiakôtitakka issumagijungnaivigijomârapkit.

Jeremiab Ogguarutigijangit 4:21

Erᴋiertorit ᴋuviasudlarlutillo, igvit Edomib paninga, nunaᴋartotit nuname Uzeme; ᴋajûtak ilingnuttauk pijomârpok; tallalârpotit, ussingatilârpotillo nangminernik.

Jeremiab Ogguarutigijangit 4:6

Inuᴋotima paningata idluituliningata pidlartauninga anginersaungmat Sôdômab idluituliningata pidlartauninganit, tâmna tagvainârtomik asserortaulaungmat, aggangnulle annaujaungilak.

Hesekiel 37:28

Inôᴋatigêksuillo ᴋaujijomârput uvanga Nâlegaujunga ivsornaititsigama Israêlemik, ivsornaitoviᴋotiga sorairane tâpkonanêkpat.

Hesekiel 6:12

Ungasiktoᴋ toᴋojomârpoᴋ nûsilingnartomut; ᴋanitoᴋ toᴋojomârpoᴋ saviksoarmut; amiakôjorlo piulimajaujoᴋ toᴋojomârpoᴋ perlernermut; taimak ningaumajârnera nâmaksititsomârpara tâpkonunga.

Obadia 1:10

Idluitulinerilauᴋtatit nukarnut Jâkomut pitjutigivlugit kangusungnerub ulilârpâtit, kipijaulârpotillo issoᴋangitomut.

Mâlaki 1:3

Esauele ômigilauᴋpara, ᴋaᴋangillo inuᴋarungnaitilugit, kingormgutijangalo iniksangordlugo sunaᴋajuitûb ômajunginut.

Mâlaki 1:4

Edome oᴋaraloarpat: asserorsimavogut, uteromavogulle serᴋomakut âᴋiksoromavlugit; imâk oᴋarpoᴋ Nâlegaᴋ Zebaot: tâpkoa âᴋiksoilârput, uvangale oggotitsilârpunga: inuillo tailârpait: kiglemik idluilinermik, inôᴋatigêniglo Nâlekab ningarînartanginik.