Jeremiab Ogguarutigijangit 4:20 - Labrador Inuttitut Heritage Bible

²⁰ Kingapta anerningat, Nâlekab mingoartanga, pijaulaukpok itersaliangine, tâmna pivlugo oᴋalaukpogut: Tâpsoma taggaliningane inôlârpogut inôᴋatigêksuit akorngane.

Jeremiab Ogguarutigijangit 4:20 Iomraidhean Croise

Genesis 2:7

Gûdelo Nâlegaᴋ ivjomit, nunab ilanganit, inuliorpoᴋ, supporlugolo anernermik ômanartomik ᴋingâkikkut. Taimaglo inuk tarnelingorpoᴋ ômajomik.

Genesis 44:30

Kivgarnut atâtamnut mâna angeraruma inôsuktoᴋ illaginago, (tarningata ôma tarninga ungagidlarmago).

II Samuel 1:14

Davide oᴋarpok tapsomunga: Suvît sivuralaunginavit, aggaktit illilugit Nalekab saimartitanganut, asserorlugo!

II Samuel 1:21

Kakᴋaujose Gilboame, mitsuksoaᴋarniarane, sillaluᴋarniaranelo illipsingnut, perorsêviᴋarniaranelo illipsingne, ᴋaitsijunik tunnergutiksanik pilliusijanik; sôngojut sappulutangit tagvane pêjartaulaungmatta, Saulib sappulutanga, sorlo mingoarsimanajangipat orksomut.

II Samuel 18:3

Innugatsuille oᴋarput: Aulartuksaungilatit; uvagulle ᴋemâniaralloarupta, ᴋetterarlutalonêt toᴋᴋolerniarupta, kamaginiangilâtigut; igville îpotit sorlo 10,000 ditut uvaptingnit; taimak manna namanersauvok ikajoruptigut iglugasaksoarnint.

II Samuel 19:21

Abisaile Zerujab erninga kiovok oᴋarlunelo: Simeilo tamanna pivlugo, toᴋᴋotaksaunajangilâk, Nalekab saimartitanga oᴋarnerlotigilauralloarmago?

II Kronika 35:25

Jeremiablo Josia ârusutigiva; imgerpaktullo illunatik angutit arnallo ogguarsiutitik oᴋâlatigivait Josia pivlugo, uvlok tamanna tikkilugo, illusiotitaulaukporlo Israeleme. Ahâk aglaksimavok imgerutine ogguarsiutine.

Jesaiase 32:2

Angutit attunit illingajomârput sôrlo oᴋᴋoalineᴋ aᴋᴋunaᴋsoame, sôrlo sillaluilitaᴋ, sôrlo kôgvik imermik nuname ermgitome, sôrlo ᴋairtoᴋsûb tachalininga nuname pannertome.

Jeremia 39:5

Kaldêamiulle sorᴋsuktoᴋatigêksoangita udlapait, Zedekialo anguvât Jerikub naternangine; tigugamitsuglo Nebukadnezaremut Babilonib ataninganut âpât, Riblamut Hâmatib nunangane, tâpsomalo erᴋartorpâ.

Jeremia 52:8

Kaldêamiulle sorᴋsuktoᴋatigêksoangita ataneᴋ udlapât, angulâllo Zedekia Jerikub naternangine; tâpsomalo sorᴋsuktuksangit ilûnatik siamangavut tâpsomangat.

Jeremia 52:9

Atanerlo tiguvât âlâllo Babilonib ataninganut Riblamêtomut Hâmatib nunangane; tâpsomalo erᴋartorpâ.

Jeremiab Ogguarutigijangit 2:9

Upkoaksoangit kivivut nunamut; tâpsoma itârtaugêkutingit asserorpait serᴋomilugillo; ataninga angajoᴋâksoangillo inôᴋatigêksuit perᴋojaᴋangitut akornganêput; ila, nelautaijungit takotitjutesilungilat Nâlekamit.

Hesekiel 12:13

Nulluakkalo issivitsomârpakka tâpsomunga, nigamnullo nigartitaulârpoᴋ; tikiutijomârparalo Babilonemut, Kaldêarit nunanganut; takojomângilâlle, tagvane toᴋolâraloarame.

Hesekiel 17:18

Angermaringneᴋ naggogilaungmago angiᴋatigêngneᴋ serᴋomingmago; ahâk, aggane tunilauᴋpait (angiᴋatigêngnerme), taimailioraloaramelo tamakkoa tamaita piniarnerivait; pijaunginiangilarlo.

Hesekiel 31:17

Tâpkoatauᴋ tâmna ilagivlugo kanungalauᴋput kapianartovingmut, tâpkonunga saviksoarmut toᴋotaujunut; ila, taipkoa tâpsoma taligilauᴋtangit, inneᴋartut tâpsoma taggaliningane inôᴋatigêksuit akorngane.

Daniel 4:12

Milukatangit takoranidlarput, unuktuniglo paungaᴋarpoᴋ, tâpsomanilo niᴋiksaᴋarpoᴋ ilûnainut nâmaktomik: natinaub nigjungita taggalinârvigivât, tingmiallo ᴋilaub ikianganêtut iniksarsivut akkerungi, uvinilillo ilûnatik niᴋiksarsivigivât.

Hosea 13:10

Atanît naneᴋâ mâna, piuliklerᴋovlugo ilingnik iglugasaksoarne tamainê? Idluarsaijitillo, oᴋautigilauᴋtatit: Tunitjiviginga atanermiglo angajoᴋâᴋsoarniglô?

Idluarsaijut 9:15

Orpiglo kakkilautelik oᴋarpok nappartunut: Taimaimarikpat atanermut mingoarapsinga illipsingnut, tagva ᴋaileritse unertutigiluselo tachamnut; taimaitsomangikupsele tagva ikkoma annilerle orpimit kakkilautelingmit, nungutsilunelo Cederinik Libanonemêtunik.

I Samuel 12:3

Ahâk, manêpunga akkerartorlunga kiogisinga, Nalekab tapsomalo saimartitangata sângane, kia tuktuvaᴋotinga, siuteᴋoktojoᴋotingalonêt tigulaungmangapkik? kina aksorornermut aksarlaungmangapko, idluitullivigilaungmangapkolonêt? Kialonêt agganginit pilliusiamik tigusilaungmangarma, ijikalo takpêtitauᴋolaungmangapkik? Tagva uttertitsomavara.

I Samuel 12:5

Tamna oᴋarpok tapkonunga: Nalegak kigligiudsijôle, saimartitangalo, uvlome uvlorme tamattomane sunasilaunginapse aggamne. Tapkoa oᴋarput: Ahaila, kigligiudsijôjuksauvuk.

I Samuel 16:6

Tagvalo manna ittermatta Eliabe takkonârpa issumaᴋarlunelo, tamnaumangat Nalekab saimartitanga.

I Samuel 24:10

Oᴋarlunelo Saulemut: Sôg innuit oᴋausingit nalikpigît oᴋartut: Davidib ᴋannoênît pinasuarpâ?

I Samuel 24:6

Kingornganele omattinga tiglitâlerpok, Saulib ullingata terreᴋunganik kippisimagame.

I Samuel 26:16

Namalungilarle taimailiorlauravit. Sorlo Nalegak mikseᴋârtomik innôngmat, ᴋittorngauvose toᴋᴋomut, angajoᴋâse Nalekab saimartitanga sapputilaunginapsiuk. Takkolerit manna manêpuk attaniub ᴋallugianga ermgusiârsungalo, niaᴋungata tunganêlauktuk.

I Samuel 26:9

Davidele Abisaimut oᴋarpok: Asserorniarnago pît; kiale aggane illijomavagit Nalekab saimartitanganut pitlartauniaranelo?