Jeremiab Ogguarutigijangit 4:14 - Labrador Inuttitut Heritage Bible

¹⁴ Tâpkoa arvertarput apᴋosineâlungne tautungitutitut, aungmut salumaidlarput, inuit aktuijungnangilallônêt annorânginik.

Jeremiab Ogguarutigijangit 4:14 Iomraidhean Croise

Jesaiase 1:15

Aggaselo uvamnut issagalloarapsigik, kênara ijerpara illipsingnut; tuksiaᴋattaralloarapse, tussangilapse, aggase auliksôngmatta.

Jesaiase 56:10

Udsertortingit illũnatik tautungitôvut, illũnatik nallojoᴋsôvut; ᴋingmititut illiorput nipliangitutitut, ᴋillugungnangilat; sinnaktômajutitut niplilerput, innangavlutik sinnigosutsainarput.

Jeremia 2:34

Aklujut passijaksaungitullo tarningita aungit naipitauvut annorângne, ijersimatilugillo naipilaungilakka, ilûnânêngmatta.

Jeremia 26:8

Pijoᴋarporlo Jeremiab oᴋâlautigijarêrmagit tamaita Nâlakab oᴋâlautauᴋojangit inungnut tamainut, ajoᴋertuijut nalautaijullo inuillo ilûnatik tigumivât, oᴋarlutik: Toᴋojuksauvotit.

Hesekiel 23:45

Angutille idluartut erᴋartoromarpakit sorlo anguniarpaktut erᴋartortauvangmatta, sorlolo arnat aungmik kovisijut erᴋartortauvangmatta; anguniarpaktôngmanik aggangillo auliksôngmatta.

Hosea 4:2

Oᴋarnerlutjineᴋ, sagloneᴋ, inuarneᴋ, tiglingneᴋ, assiniarnerlo pitôvut, asseᴋangilat; sugaluluarput, auglo malikpoᴋ aungmik.

Sefania 1:17

Inuillo tikitautitsomârpakka kapiasungnersoarmut, arvertarᴋovlugit tautungitutitut, Nâlegak idluitulivigingmatsuk; aungillo kovijaulârput imeᴋtut, uviningillo aktarniluᴋotitut.

Numbers 19:16

Silamelo aktoajoᴋ toᴋotaumajomik saviksoarmut, ingminiglônêt toᴋolauᴋtomik, inûblônêt sauninganik, iluvermiglônêt, ivsornarniarpoᴋ uvlunik sevenenik.

Numbers 35:33

Nunalo nunagijase naggonartitaksaringilase; nunalo sujungaititaujungnangilaᴋ aungmit kovimajomit tagvane, kissiane aungmik kovisilauᴋtûb aunganut.

Mattêuse 15:14

Allarsigik! Tautungitôvut, tautungitullo tâpkoa tessiortigivait; tautungitub tautungiᴋatine tessioruniuk, tamarmik tâva itersamut katakpuk.

Efêsusemiunut 4:18

Tarningit tâᴋtoᴋsôvut, inôtsemullo Gûdemit pijomut takorngartautitauvut, nalojoᴋsônermut ilumingnêtomut, ômatimiglo sitijoᴋsôninginut.