Jeremiab Ogguarutigijangit 4:10 - Labrador Inuttitut Heritage Bible

¹⁰ Arnat nagligosungnerpaujut nangminek aggangmingnut ᴋitorngatik igavait; tâpkoa nerᴋiksatuarilaukpait inuᴋotima paningata asserortauningane.

Jeremiab Ogguarutigijangit 4:10 Iomraidhean Croise

II Atannit 25:3

Takᴋillo 4 ingata uvlungita 9 ingane kâksoak angijororpalliavok iglugasaksoarne, nerᴋiksakalungilarlo nunab innugiartoksoanginut.

Jesaiase 22:2

Pervaluktoliksôjose, uimajârtunik iglugasaksoarmioᴋartose, serrijunik iglugasaksoarmioᴋartose! Toᴋotaumajut illipsingne saviksoamut toᴋotaungilat, unatadlarnikkullo toᴋolungilat.

Jesaiase 49:15

Arnab nutarane puigorungnaralloarᴋaûk, erniarijane nâpkiginago? Tâpsoma puigorungnaralloarpagolõnêt, uvanga puigutsangilagit.

Jeremia 19:9

Nerrititsomârpakkalo ernermik uvininginik paningmiglo uvininginik, ilûnatiglo nerrijomârput ilanârijamik uvininginik, ilumajaunerme siorniornartunalo, ômigijingita inôsingitalo pinasuartingita siorniortitsiningine tâpkoninga.

Jeremiab Ogguarutigijangit 2:11

Ijîkka ᴋugveᴋarungnaipuk, ergavikka kapiasuktitauvut, tinguga nunamut kovijauvok, inôᴋatima paningata asserortauninga pivlugo; sorusiarsuit amâmaktullo ᴋaujimangermatta iglugasaksuit apᴋosineâlungine.

Jeremiab Ogguarutigijangit 2:20

Takosalaurit, Nâlegak, ulernairsilutillo kina taimailiorvigimangângne! Arnat erniarijatik nerrijaksarivagît, nutarârsuit ᴋiggertagalâktitaujut aggangnût? Ajoᴋertuijok nelautaijorlo toᴋotaujuksauvât Nâlekab katimaviksoanganê?

Jeremiab Ogguarutigijangit 3:48

Kugvit kôkput ijîmnit, inôᴋatima paningata nungutauninga pivlugo.

Jeremiab Ogguarutigijangit 4:3

Terrianiangojârtut iviangitik mannimavait, piaratik amâmaktilugit: inuᴋotimale paninga takopsoajuitungorsimavoᴋ, sorlo tingmiaksuit strausit inuᴋangitome.

Hesekiel 5:10

Taimaimat angajoᴋât nerrijomârput ᴋitorngamingnik ilingne, ᴋitorngallo nerrijomârput angajoᴋâmingnik; erᴋartuinikkalo piniaromavakka ilingne, amiakotillo tamaita siamartitsomârpakka anorinut tamainut.

Leviticus 26:29

Nerrilârposelo ernipse uvininginik, panipselo uviningit nerrilârivase.