Jeremiab Ogguarutigijangit 3:40 - Labrador Inuttitut Heritage Bible

⁴⁰ Apᴋotigijavut nautsertorlavut ôktolugillo, sâgiarmilutalo Nâlekamut.

Jeremiab Ogguarutigijangit 3:40 Iomraidhean Croise

II Kronika 30:6

Tagva akpangertut aivut, aglait attanniub angajoᴋaᴋotingitalo agganginit pijut, naksarlugit, Israelitit, Judakullo illunatik akkorngattigut, attanniublo perᴋojanga malliklugo oᴋarput: ᴋittorngaujose Israelemut, sâleritse Nalekamut, Abrahab, Isaakiblo Israeliblo Gudinganut; tagva tamna sâlerniarivok amiakojunut illipsingnit, ᴋemâlauktunut Assiriamiut attanningata agganginit;

II Kronika 30:9

Illipsele sâlerniarupse Nalekamut, tagva ᴋattangutise ᴋittorngaselo napkigijauneᴋarniarput parnanairsortimingne, nunamut tamattomunga utterᴋovlugit, Nalegak Gudise saimarsaigosungmat, napkigosuklunelo, kênanelo sânguniangilâ illipsingnit, illipse sâvigigupsiuk.

Imgerut 119:59

Apᴋosinikka nautsertorpakka; ittigakkalo torârtipakka kigligiutsinernut.

Imgerut 4:4

Ningaleraigupse idluitulliniarase. Omattise oᴋarᴋattigissiuk innangavipsingne innilangaluselo, Sêla.

Jesaiase 55:7

Idluitub apᴋutigijane ᴋemakliuk, idluitullijublo issumagijane allarligit sâgiarlunelo Nâlekamut, tâpsoma nâpkigijomârpâ tagva, Gûdiptingnullo sâgiarle, tâpsoma angijomik issumagijungnairvigijomârpa tagva.

Hesekiel 18:28

Issumaksarsiorame, tapanerijanelo piniarnerijane tamaita tunugamigit, inôjuksauvoᴋ ila, toᴋojuksaungilarlo.

Hosea 12:6

Tamanna pivlugo sâgiarit Gudingnut; nâpkiningneᴋ idluarsainerlo aulartailitikik, sorairnaglo Gudît nerriugvigiuk.

Hosea 5:15

Aularlunga uteromavunga inimnut, kigligiksarᴋârtinagit idluitulinermingnik, kênaralo ᴋenerlugo; kapiasungnermingne ilungertorlutik ᴋenerasualârpânga.

Hosea 6:1

Kaileritse, Nâlekamut utilerta; tâpsoma aliktulauᴋpâtigut, tâpsomalo inûlilârpâtigut; tâpsoma annaulauᴋpâtigut, tâpsomalo mangipsertulârpâtigut.

Apostelit Piniarningit 26:20

Oᴋâlavlungale sivorlermik Damaskusemêtunut Jerusalemêtunullo, ilûnainullo nuname Jûdêamêtunut, taimaktauk nalojunut, ᴋakialerᴋovlugit sâgiarᴋovlugillo Gûdemut ᴋaᴋialernerublo piniarᴋojanginik idluartunik piniarᴋovlugit.

I Korintemiunut 11:28

Inugle nangminerminik kiglisiniarᴋârle, taimaglo ᴋakᴋôjamit tâpsomangat nerrile, ermgusiarsungmillo tâpsomangat imerle.

I Korintemiunut 11:31

Nangminiptingnigle erᴋartorupta, erᴋartortauniarajangilagut.

II Korintemiunut 13:5

Nautsertoritse nangminipsingnik okpernermêngmângapse, kiglisiniaritse ilipsingnik. Ubvalo nangminipsingnik illitaringilasê, Jêsusib Kristûsib ilupsingnêninga maluginagô? Atungitutitunilungikupse.

Deuteronomy 4:30

Kapiasungnermêguvit, tamakkoa ilûnatik tikipatit uvlune kingorlerne, uteromârpotit Nâlekamut Gûdingnut, tâpsomalo nippinga nâleklugo;