Jeremiab Ogguarutigijangit 3:32 - Labrador Inuttitut Heritage Bible

³² Kiksartitsigaloarame, ilapsugosudlarniarpok nâpkigosungnime unuktoᴋsôningit maliklugit.

Jeremiab Ogguarutigijangit 3:32 Iomraidhean Croise

II Atannit 13:23

Nâlekable saimarvigivait napkigilaitalo, sâlugillo, angersimanine Abrahamut, Isaangmullo, Jakomullo pivlugo, asseroromalaungilaillo, ajaktorlaungilaillo kênaminit manna tikkilugo.

Imgerut 103:11

ᴋillaub pôktoningatut nunamit, taimak angitigijôvok saimarveᴋarninga, sivôragijinginut.

Imgerut 30:5

Ningarninga ijib sikkungilarningatut attautsetut annikitigijôngmat, inûtsiarningale innôtsib sivitôningatut akkunertigijôvok; unnungme ᴋugviorneᴋarpok, uvlârmele ᴋuviasungneᴋarpok.

Imgerut 78:38

Tâmnale nâpkigosulaukpok, idluitullinerillo issumagijungnaipait, nungutailivailo; ningarninelo allartiᴋattarpâ, ᴋaningajarninelo illunât tuppaᴋolaungilâ.

Exodus 2:23

Uvlut unuktut taipkoa anigortilugit, Egiptenemiut ataningat toᴋolerpok. Israêlikullo anersaumidlarput kivgartorᴋojaunitik pivlugit, nipliadlarpullo; nipliadlarningillo kivgartorᴋojauningit pivlugit Gûdib sânganut pivut.

Exodus 3:7

Nalegarlo oᴋarpok: Inuᴋotima siorniorningit Egipteneme takovakka tusarpakkalo, angajoᴋâtik kivgartorlukatitsijut nipliajutigingmagit, kapiasungningit nalungilakka.

Jesaiase 27:8

Nãmatuinartomik pidlarpattit taipsomane, avigavit taipkonangat. Nuktipait anorersoarmut, uarngnartillugo.

Jesaiase 54:7

Anikitomik ᴋemadlaralloarpagit, nâpkigosungnermulle angijomut kattersoromârivagit.

Jeremia 31:20

Efraim ernerivigo erdlingnartôᴋ? Kitorngauvâ ᴋuvianartôᴋ? Suadlarlugo oᴋarvigijarangapko, sulle nagligilugo erᴋaumavara; tamanna pivlugo iluga aulavoᴋ tâmna pivlugo; nâpkigijomadlarpara ila, oᴋarpoᴋ Nâlagaᴋ.

Jeremiab Ogguarutigijangit 3:22

Nâlekab nâpkiningningit pingmatta keta nungutaumarilungilagut, ilapsugosungningit sorairlungimatta.

Hosea 11:8

Kanorle sapkojungnarpagît, Efraim? Kanoᴋ piulijungnarpagît, Israêlê? Kanoᴋ ilingatitsungnarpagît Admatût? Kanoᴋ pititsungnarpagît Zeboimetût? Omatiga mumikpoᴋ ilumne, ilapsugosungnikka atautsikut ikoâladlartotut ilingavut.

Nahum 1:12

Imâk oᴋarpok Nâlegak: Pitsartudlaraloarunik unuktoksôvlutiglo, sulle kiblortaulârput ᴋângertuksauvlutiglo. Kapiasuktilauraloarapkit, kingorngane kapiasuktitsomairpagit.

Lukase 15:20

Aulalerporlo atâtaminullo tikilune. Sullele ungasiktomêtilugo, atâtangata takovâ, nâpkuarivlugolo, aᴋpangerdlunelo ᴋongasingagut erᴋipâ kuniklâlo.

Idluarsaijut 10:16

Ipperarpaillo Gûdit takorngartat, Nâlegarlo kivgartorpât. Illapsugosutigilaukpalo, Israelitit taimak kappiasuktitaulaungmatta.