Jeremiab Ogguarutigijangit 3:25 - Labrador Inuttitut Heritage Bible

²⁵ Nâlegak avâgosudlarpok utaᴋijiminik, tarnenik ᴋenertunik tâpsominga.

Jeremiab Ogguarutigijangit 3:25 Iomraidhean Croise

Genesis 49:18

Nâlegaᴋ, piuliklernît nerriugivara!

I Kronika 28:9

Igvillo ernik Salomo, atâtavit Gûdinga illitarileruk, kivgartorlugolo omamut tamânut, tarnimullo ᴋunujuitomut. Nalekab omattit ilûnaita nautsertormagit, issumaillo tamaita issumaksarsiorningit tukkisivait. Kennerniarungne nachvârniarpat; ᴋemaniarungnele, ajaktorniarpâtit soraijuitomik.

II Kronika 15:2

Tamna annivok Assa pachreartorlugo, oᴋautilâlo: Nalaksinga, Assa Judamiôjoselo, Benjaminemiôjoselo illunase! Nalekab illagivâse, illipse illagigapsiuk; ᴋennerniarupsiuglo tagva nachvartauᴋoniarpok illipsingnut; allarniarupsiugle, tagva allarniarivâse.

II Kronika 19:3

Ajungitomigle nachvartoᴋalauralloarpok illingne, nappartut Gudingoaggit pêjarlaurangne nunamit, omattillo torartilaurangne Gude ᴋennerlugo.

II Kronika 30:19

Omattimingnik torartitsilauktut Gude Nalegak, atâtagijamik Gudingat ᴋennerlugo, unêt ivsornaimarilungigalloarlutik.

II Kronika 31:21

Pinniarnermine tamaine, pinniarnerijamine Gudib iglungane, innatsinelo, perᴋojanelo Gudine ᴋennerlugo; omamut tamânut pinniarpait, sullidlarlunelo.

Esra 8:22

Kangusulaurama attannermit sorsuktuksat, ablangajullo horsine ᴋaitauᴋolugit, sapputiluta omisuktunit apᴋome piᴋovlugit. Attannek oᴋautilauraptigo: Gudipta aggangita illunaita, ᴋennertut tapsominga ᴋollangiarpait idluarᴋutiksanginut; pitsartuningatale ningarningatalo illunaita akkerartorpait allaijut tapsominga.

Imgerut 105:3

Attinga hailigeojok nertorutigissiuk; tâpkoa Nâlekamik ᴋennerasuartut ômattingit ᴋuviasuglît.

Imgerut 119:2

Pillorikput tâpsoma kigligiutsininginik nâlektut, ᴋennertut tâpsominga ômamut tamânut.

Imgerut 22:26

Pattangajut nerrijuksauvut, ᴋâgungnaituksaulutiglo; Nâlekamiglo apperᴋuteᴋartut nakorijomârpât; ômattise innôjuksauvut issoᴋangitomut.

Imgerut 25:8

Nâlegak ajungitôvok, idluitailijôlunelo, tamanna pivlugo ajortuggit ajochertorpait apᴋosinerme.

Imgerut 27:14

Nâlegak nerriugiuk; maksoalerit, tâpsomalo ômattit pitsartutiliuk, Nâlegarlo nerriugiuk.

Imgerut 27:8

Omattima oᴋausernik erᴋaitipâtit: Kênara ᴋenneraksarivasse. Tamanna pivlugo uvangatauk, Nâlegâk kênait, ᴋennerpara.

Imgerut 37:34

Nâlegak nerriugiuk, apᴋosiningalo attutsainarlugo pît, tagva kagvertiniarpâtit, nunamik kingormgujerᴋovlutit; takkojomârpotit Gûdeᴋangitut pêjartauninginnik.

Imgerut 37:7

Inilangalerit Nâlekame, uttakkilugolo. Ningarutigitailiuk tâmna uivênermine sullidlartok.

Imgerut 39:7

Mânnalo Nâlegak sunamik nerriuktuksauvîk? Nerriungnera illingnêpok.

Imgerut 61:1

Gûde nipliadlarnera tussalauruk; tuksiarnera kamagilauruk.

Imgerut 61:5

Igvit Gûde angernera tussalaurangne; tunnitsivigivarma tâpkoa atternik sivôrajut kingormgutijangenik.

Imgerut 69:32

Pattangajut takᴋovât ᴋuviasulutiglo; Gûdemiglo ᴋennertut ômattingit ômaniarput.

Imgerut 71:14

Uvangale nerriutsainaromavunga, nertortaunîllo tamât angijorortitsomavara.

Jesaiase 25:9

Taipsomane oᴋartoᴋaromârpoᴋ: Ahâk, tâmna Gûdigivavut, tâmna nerriugivavut, tâpsomalo piulivâtigut; tamnauvoᴋ Nâlegaᴋ nerriugijavut; kuviasukluta iggiaᴋomijarta piuliklerninga pivlugo!

Jesaiase 26:9

Omatipkut ᴋillanârvigivagit unnuame, taimaktauᴋ anernipkut illumnẽtokut ᴋêmitigvigivagit. Erᴋartuijutaurᴋojatit attulerangatta nuname, tagva nunaᴋsoarmiut idluarnermik illiniarput.

Jesaiase 30:18

Taimaimat Nâlegaᴋ utaᴋᴋijomârpoᴋ saimarvigijomavluse, ᴋannitsomângilaᴋ nâpkigijomavluse, Nâlegaᴋ Gûdeongmat erᴋartuijoᴋ. Pillorikput illũnatik tâpsominga nerriuktut.

Jesaiase 40:31

Kissianele Nâlekamik tatteᴋartut pitsartunermik nutâmik tunitjiviovut, nektoraliktitut tingilerput esaromingnut, akpangerput nukkeᴋarungnaitsanatik, arvertarput merngortorungnaratik.

Jesaiase 55:6

Nâlekamik ᴋennileritse, nagvârtaujungnarmat, nipliavigisiuk ᴋannidlarmat!

Jesaiase 64:4

Itsaᴋsoarnit tussartoᴋangimat, missigijoᴋaranele takojoᴋaranelo ijikut Gûdemik assingnik, piniutjijomik tattigijiminik.

Jeremiab Ogguarutigijangit 3:26

Idluadlarpok inuk nerriungmat, ᴋenuesârlunelo utaᴋingmat Nâlekab piuliklerninganik.

Hosea 10:12

Karngasoigitse nangminipsingnut idluarnerme, katersoiluselo nâpkiningneᴋ maliklugo; nunase poagijartaumangitoᴋ poagijarsiuk: neliutilermat Nâlegaᴋ ᴋenerlugo, tikerᴋartinago, koverarluselo idluarnermik.

Sefania 3:8

Tamanna pivlugo tikitsiarisinga, oᴋarpok Nâlegak, uvlok neliutiᴋârtinago nikovivigilârtara pinniniaromavlunga; kajusigama inôᴋatigêksuit katersoromavlugit, ataniovillo ilagêktitsomavlugit, ᴋaningaumajârnera kovijomavlugo tâpko nunga, ilâ, ningaumajârnersoara katsungaitok tamât; nunaksoak ilûnât nungutaujomârmat ilungertornima ikomanganut.

I Tessalônikamiunut 1:10

Erningalo nerriugivlugo ᴋilangmit, toᴋungajunit tupaktilauᴋtanga, Jêsuse, piulijigijavut ningautsemit pijomârtomit.

Jâkobusib 5:7

Tamanna pivlugo ᴋatangutikka, ᴋenuersâritse, Nâlegak tikitsiarilugo. Ahâk perorsêvilerijub perorsiat pivianartut nunamit nerriugivait, ᴋenuersârlunelo, silalutjautsiarivait uvlâkullo, unnukullo.