Jeremiab Ogguarutigijangit 2:9 - Labrador Inuttitut Heritage Bible

⁹ Upkoaksoangit kivivut nunamut; tâpsoma itârtaugêkutingit asserorpait serᴋomilugillo; ataninga angajoᴋâksoangillo inôᴋatigêksuit perᴋojaᴋangitut akornganêput; ila, nelautaijungit takotitjutesilungilat Nâlekamit.

Jeremiab Ogguarutigijangit 2:9 Iomraidhean Croise

II Atannit 25:7

Zedekiablo ᴋitorngangit toᴋopait ijikita sângangne, ijigiglo tautugungnaitipakit, kellaksorlâllo kellaumgujanut aularutivâllo Babelemut.

II Kronika 15:3

Uvloᴋaromârporle unnuktunik Israeleme, Gudearomângitunik idluartomik, ajochertuijoaromângituniglo ajochertuijunik, perᴋojâromângituniglo.

Nehemia 1:3

Tapᴋoalo oᴋautivânga: Amiakut parngnanairsortaunermit tagvane nuname ᴋanoêtomêput angijome mittautigijaunermêlutiglo; Jerusalemib avaloksoangit serᴋomisimavut, upkoaksoangillo ikkisimavut.

Imgerut 74:9

Nellunaikutavut takkolungilavut; nallautaijoᴋarrungnaipok; kinaᴋangilarlo uvaptingne ᴋaujimajomik namût.

Jesaiase 24:12

Asserorsimajuinarnik amiakoᴋarpoᴋ iglugasaksoarne itterviksoangillo serᴋomitauvut suksaujungnairlutik.

Jeremia 14:14

Nâlakable oᴋautivânga tagva: Nalautaijut saglovlutik nalautaivut attimne; tililaungilakka, perᴋolaungilakkalo, oᴋarvigilaungilakkalônêt; nalautaivigivâse takotitjumik mikseᴋârtôlungitomik, angakônermiglo, tukkeᴋangitomiglo, ômatimiglo uivêriklerninginik.

Jeremia 23:16

Imâk oᴋarpoᴋ Nâlagaᴋ Zebaot: Nâlaniarase nalautaijut oᴋausinginik, nalautaijut ilipsingnut; sulingitunik ajoᴋertorpâse; ômatimik takotitjutingit oᴋâlatigingmatigik, Nâlakablo ᴋaninganit pijut pinagit.

Jeremia 39:2

Zedekiab jâringita 11ingita taᴋᴋingita sittamangane, taᴋᴋiub uvlungita 9ingane, iglugasaksuit itârviksatârtauvut)

Jeremia 39:8

Ataniublo iglunga inuillo iglungit Kaldêamiut ikipait ikomamut, Jerusalemiblo avaloᴋsoangit serᴋomipait.

Jeremia 51:30

Babilonib pitsartujungit sorᴋsuktailivut, iglugasaksoamingnêtuarput sôngojune; maksuajungnaiput; arnatitut ilingavut; inigijangit ikitaumavut; itârtaugêkutingit naviksimavut.

Jeremia 52:14

Kaldêamiullo sorᴋsuktoᴋatigêksoangita, ataniub udjertortingita angajoᴋâᴋsoanganêtut, Jerusalemib avaloᴋsoangit igupterpait ilûnaita.

Jeremiab Ogguarutigijangit 1:3

Judakut aularutijauvut nunamingnit oᴋumaiksartitaulauramik, angijomiglo kipalungortitauvlutik; nunaᴋarput nelojut akorngane, merngoerserviksarsilungilallo: unangmijingitalo ilûnatik anguvait apᴋosinerne nerrokitune.

Jeremiab Ogguarutigijangit 4:15

ᴋaigarsugvigivait: Pêritse, ivjornartose; pêritse, pêritse, aktorniaratigut! ᴋemâgamik avâlaklutiglo, oᴋartoᴋarpok nelojut akorngane: Tamâne nunaᴋartuksaungilat.

Jeremiab Ogguarutigijangit 4:20

Kingapta anerningat, Nâlekab mingoartanga, pijaulaukpok itersaliangine, tâmna pivlugo oᴋalaukpogut: Tâpsoma taggaliningane inôlârpogut inôᴋatigêksuit akorngane.

Hesekiel 12:13

Nulluakkalo issivitsomârpakka tâpsomunga, nigamnullo nigartitaulârpoᴋ; tikiutijomârparalo Babilonemut, Kaldêarit nunanganut; takojomângilâlle, tagvane toᴋolâraloarame.

Hesekiel 17:20

Nuluakkalo issipteromavakka tâpsomunga, nigamnullo nigartitaujomârpoᴋ, tikiutijomavaralo Babilonemut, tagvanelo erᴋartoromavara uvamnut idluitulinerijangit pivlugit.

Hesekiel 7:26

Kanoetoᴋ malilârpoᴋ ᴋanoetomik, tusaumajaᴋ malilârpoᴋ tusaumajarmik. Takotitjumik ᴋeneromârput nelautaijomit; ajoᴋertuserle nûgomârpoᴋ ajoᴋertuijunit, atanertuinerlo inutoᴋaujunit.

Hosea 11:6

Saviksoarlo katagomârpoᴋ iglugasaksoanginut palangairutingit asserorlugit nungulugillo, kajusijûtitik nangminerijatik pivlugit.

Hosea 3:4

Israêlib ᴋitorngangit uvlut unuktut nâvlugit uningâromârmatta ataneᴋaratik, angajoᴋâᴋsoaᴋaratiglo, tunerguserviᴋaratiglo, napajoliarimajoᴋaratiglo, opinartomiglo ikiaᴋaratik, gudingoaᴋaratiglo;

Amos 1:5

Damaskusiblo palangairutinga serᴋomidlaromavara, Aveniblo naksanganêtok kipijomavlugo, ataniublo ajaupianganik tigumiartok Edenib iglunganit; Siriablo inungit aularutijaujomârput Kiremut, oᴋarpok Nâlegak.

Deuteronomy 28:36

Nâlekab tikiutilârpâtit, igvit atanîllo ataningortilârtat ilingnut, inôᴋatigêksoarnut ilitarilaungitarnut, igvillônêt atâtagilauᴋtavîllônêt; tagvanelo kivgartulârpotit Gûdib assinginik, ᴋejungnik ujarᴋaniglo.

Deuteronomy 28:63

Imaitsomârporlo, sorlo Nâlekab ᴋuviasûtigilaungmase ajungitulivigijomavluse unuksititsomavluselo, taimak Nâlekab ᴋuviasûtigijomârpâse asseroromavluse nunguluselo; pêjartaujomârposelo nunamit aivigijapsingnit pigijomavlugo.

I Samuel 28:6

Tapsomalo Nalegak apperiva; Nalekable kiolungila, sinniktomanekullonêt, kaumaniutiksakullonêt nallautaijokullonêt.