Jeremiab Ogguarutigijangit 2:8 - Labrador Inuttitut Heritage Bible

⁸ Nâlegak kajusilaukpok Zionib paningata ᴋarmangit asseroromavlugit; noᴋakservalaut issivipâ, agganelo issagungnailungilait asserorsainermit; avaluksoarle ᴋarmaksoarlo ogguartipak; nukkingêrutiᴋatigêkpuglo.

Jeremiab Ogguarutigijangit 2:8 Iomraidhean Croise

II Samuel 8:2

Moabiterit ullimarlaurivait taimak, pingajuingit magguit toᴋᴋomut pitingmagit, pingajuingillo attautsit innuᴋongmagit. Taimak Moabiterit kivgangortitauvut Davidemut, âtsilutiglo pilliutinik tapsomunga.

II Atannit 21:13

Jerusalemelo noakservalleromavakka Samariab noakservallautinganut, Ahabiblo iglungata nausaikotinganut; Jerusalemelo nâvitsomavakka, sorlo pogutak nâvitaungmat, pussititsomavakkalo;

Hiobe 13:21

Aggaktit ungasiglit uvamnit kappianarnivîllo ᴋoaksârtiniaraninga.

Jesaiase 22:5

Uvlorme taipsomane aulajâdlartitsijoᴋarmat asserorsaijoᴋarlunelo ᴋoaᴋsârtitsijoᴋarlunelo Nâlekamit, ᴋilangmiugasaksuit Nâlegangannit pijomik naᴋsame takkotitauviojome. Avaloᴋsuit nakkapait, nippeᴋadlarput ᴋaᴋᴋanut.

Jesaiase 28:17

Erᴋartuitsiarneᴋ torautigivlugolo idluarnek oktûtigijomavara; tagva nattarᴋonnâluit pêjaromârpât saegloneᴋ ᴋemâviojoᴋ, imaᴋsoarnullo sapputjauvik saptaujomârpoᴋ.

Jesaiase 3:26

Zioniblo upkoaᴋsoangit kiksadlaromârput ogguarlutiglo, ᴋemaktauvlunelo (Zione) iksivajomârpoᴋ nuname.

Jesaiase 34:11

Nerlit puvialiksuit iblâᴋosingajullo innigijomârpât, ikkêtojullo tullukallo tagvane inniksarsioromârput. Nâlekablo noᴋaᴋservallaut attoromârpâ taipkonunga asserorniarlugit, naggosaullo nunguniarlugit.

Jesaiase 5:5

Mãnalo ᴋaujititsomavapse, ᴋanoᴋ perorsêviga vaineliksatalik piniarvigijomârapko. Sappûlutangit pêjaromavakka asserortaurᴋovlugo, avalungillo serᴋomitsomavakka tullerajartaurᴋovlugo.

Jeremia 14:2

Juda kiksadlarpoᴋ, upkoaᴋsoangit ᴋaggimioviojungnaiput, nunamêtut ogguadlarput, ᴋuggudlarnerillo ᴋongmuarput Jerusalemit.

Jeremia 5:10

Majoraritse ᴋarmaᴋsoanginut, asseroiluselo; nungumariniarasigigle; akkerungit (ᴋitorngangit) aularutisigik; pêrᴋutaungimatta Nâlakamut.

Jeremia 52:13

Tâpsomalo Nâlakab iglunga, ataniublo iglunga, Jerusalemiblo iglungit ilûnaita, ila, angajoᴋâᴋsuit iglungit ilûnaita ikipait ikomamut.

Jeremiab Ogguarutigijangit 2:17

Nâlekab kajusijutigilauktane piniarpâ; oᴋausine, itsaksoarme oᴋautigilauktane, nâmaksitipâ; asseroivok naiperᴋutigosulugane; ômisuktorlo ᴋuviasuktilaukpâ pivlutit, ômigijivît nakjunga ᴋagvertipâ.

Jeremiab Ogguarutigijangit 2:18

Judit ômatingit nipliadlarput Nâlekamut; Zionib paningata ᴋarmanga, ᴋugvit korlorlit kôktut uvlôtilugo unnuarmelo; nokᴋarniarnak; ijivît takonârtinga sorainiarane.

Jeremiab Ogguarutigijangit 2:2

Nâlekab nâpkiningneᴋarane Jâkob inigijangit tamaita êvait; ningaumajârnermine Judab paningata iglungit sôngojut serᴋomipait, nunamut oggotilugit; atanioviglo angajoᴋâksoangillo opinarungnaitipait.

Jeremiab Ogguarutigijangit 2:5

Nâlegak ômisuktotut ilingavok, Israêl êvâ; igloᴋsoangit tamaita êvait, iglungillo sôngojut asserorlugit; kiksarnartullo ogguarnartullo unuksitipait Judab paningane.

Hesekiel 20:22

Aggakkale isângajungnaitipakka, piniarpungalo attera issumagivlugo, tâmna oᴋarnerlutigijauᴋonago inôᴋatigêksuit aularutjivigilauᴋtama tâpkoninga sângine.