Jeremiab Ogguarutigijangit 2:7 - Labrador Inuttitut Heritage Bible

⁷ Nâlekab tunerguservinga egipâ, katimaviksoangalo arriupâ, igloksoangita ᴋarmangit tunivait ômisuktit agganginut; tâpkoalo pervalungneᴋartitsivut Nâlekab iglungane, sorlo katimaniksab opinartub uvlungane.

Jeremiab Ogguarutigijangit 2:7 Iomraidhean Croise

II Atannit 25:9

Ikkipaillo Nâlekab iglunga, atanniublo iglunga, iglullo ilunnaita Jerusaleme, iglullo angijut ilunnaita ikkipait.

II Kronika 36:19

Gudiblo iglunga ikkipât, Jerusalemiblo avalungita ᴋarmangit serᴋomipait, igloksoaᴋotingillo illunaita ikkipait, perᴋutingillo pivianartut illunaita asserorpait.

Imgerut 89:39

Kivgavît angervioninga attornarungnaitipat, niaᴋotingalo, ivsornaijungnaitilaukpat eginermut nunamut.

Jesaiase 64:9

Nâlegaᴋ, ningaumajâluarniarnaktôᴋ, idluitullinivut soraijuitomik erᴋaumaniarnagit! Takkuit, erᴋailaurit, tamapta inuᴋotigigaptigut.

Jeremia 21:4

Imâk oᴋarpoᴋ Nâlagaᴋ, Israêlib Gudinga, Ahâk, sakkut unatautiksat aggapsingnêtut, unatautigijomajase Babilonib ataninganut Kaldêamiunullo ilumajipsingnut avaloᴋsuit silatâne utertitsomavakka, katersoromavakkalo iglugasaksuit ukkua ᴋerᴋane.

Jeremia 26:18

Migga Môrasemioᴋ nalautailauᴋpoᴋ Hiskiab Judab ataningata naliuningane, Judablo inungit ilûnaita oᴋarvigilauᴋpait, oᴋarlune: Imâk oᴋarpoᴋ Nâlagaᴋ Zebaot: Zion perorsêviktut poagijartaujomârpoᴋ, Jerusalemelo ᴋiggutuinaujomârpoᴋ, iglublo oma ᴋaᴋᴋanga napârtoliksûb poᴋtoningititut.

Jeremia 26:6

Tagva iglo tamanna ilingatitsomavara sorlo Sîlo ilingangmat, iglugasaksuillo tamakkoa ôminarsitiksangortitsomavakka inôᴋatigêksoarnut tamainut nunamêtunut.

Jeremia 32:29

Kaldêamiullo, iglugasaksuit makkoa sorᴋsugvigijingita, tikilârput iglugasaksuillo makkoa ikilugit ikomamullo nungulugit, iglullo, tâpkoa ᴋângit isserluanititsiviolauᴋtut Baalemut, kovisiviolauᴋtullo tunergutinik imiksanik gudingoanut Gudib assinginut, uvanga ningarsâromavlunga.

Jeremia 39:8

Ataniublo iglunga inuillo iglungit Kaldêamiut ikipait ikomamut, Jerusalemiblo avaloᴋsoangit serᴋomipait.

Jeremia 4:26

Ulernairsilauᴋpunga, sunaubvalo Karmel sunaᴋajuitôvoᴋ, iglugasaksoangillo oggotitaumavut Nâlakab sângane, ningaumajârningatalo ilungertudlartub sângane.

Jeremia 4:27

Imâk Nâlagaᴋ oᴋarmat: Nuna ilûnât asserortaujomârpoᴋ, nungumariklugole pijomangilanga.

Jeremia 50:28

Kemâjut aulartullo nunamit Babilonemit nippingat, Zioneme unipkautigijomavlugo Nâlakab Gudipta akkiniarninga, katimaviksoarne akkiniarutigingmago.

Jeremia 52:13

Tâpsomalo Nâlakab iglunga, ataniublo iglunga, Jerusalemiblo iglungit ilûnaita, ila, angajoᴋâᴋsuit iglungit ilûnaita ikipait ikomamut.

Jeremiab Ogguarutigijangit 1:4

Zionib apᴋosiningit ogguarput, aijoᴋalungimat uvloᴋsiorviksanut; upkoaᴋsoangit inuêrput, ajoᴋertuijungit anersaumivut: uigasungit kiksarput, nangminerlo sanikterivut.

Jeremiab Ogguarutigijangit 2:1

Sinaungamek! Nâlekab Zionib paninga uliksimangmago ningaumajârnime nuvujanganut; Israêlib pinnarnarninga egilaukpâ ᴋilangmit nunamut, erᴋaringilâlo itikame ikogganga ningaumajârnime uvlungane.

Jeremiab Ogguarutigijangit 2:5

Nâlegak ômisuktotut ilingavok, Israêl êvâ; igloᴋsoangit tamaita êvait, iglungillo sôngojut asserorlugit; kiksarnartullo ogguarnartullo unuksitipait Judab paningane.

Hesekiel 24:21

Israêlib ᴋitorngangit oᴋautikit: Imâk oᴋarpoᴋ Nâlegaᴋ Nâlegaujoᴋ: Ivsornaitoviᴋotiga, pitsartunipse inornautâ, ijipse ᴋuviagijangat, tarnipse kajungervigijangat ivsornaijungnaititsomavara; erniselo paniselo ᴋemaktase oggotitaujomârput saviksoarmut.

Hesekiel 7:24

Tamanna pivlugo nelojut ajornerpât tikiutijomârpakka, tâpkoalo iglungit aᴋsârnigarijomârpait: sorairtitsomârparalo pitsartujut pingijainingat; ivlernartoᴋotingillo sujuktaujomârput.

Leviticus 26:31

Iglugasaksoaselo sunaᴋarungnaititsomârpakka, ivsornaitoviᴋotiselo asserorniluᴋungortitsomavlugit, naijomangilanga tipitsiariksautigijapsingnik.

Leviticus 26:44

Taimaigaloartilugole, ômigijimik nunanganêtilugit ajaktormarigomângilakka, taimâglo angitigijomik maᴋojugijomângilakka nungutaumariᴋovlugit, angerneralo tâpkonunga serᴋomiᴋovlugo; Uvangaugama Nâlegak Gûdigijangat;

Amos 2:5

Ikomamigle tilikleromavunga Jûdamut, nungutsilârporlo Jerusalemib igloksoanginik.

Migga 3:12

Taimaimat ilipse pitjutigiluse Zion perorsêviktut makperterartaujomârpoᴋ, Jerusalemelo aᴋtornerlukungoromârpoᴋ, iglûblo ᴋaᴋanga napârtoliub poᴋtoningatut itsomârpoᴋ.

Mattêuse 24:2

Jêsusible oᴋautivait: Tamakkoa tamaita takogalloarpisigîk? Âhamarik, oᴋaupapse: Ujarᴋat ukkua serᴋomitaujomârput, ᴋallerêktoᴋarungnairlutik.