Jeremiab Ogguarutigijangit 2:6 - Labrador Inuttitut Heritage Bible

⁶ Aksorotjilune avaloksoanga pêjarpâ, sorlo perorsêvingmut kisiane ilingajotut ilingangmat; katimaviksoangalo asserorpâ; Nâlekab katimaniksat opinartut sabbatillo puigortautipait Zioneme, ningaumajârnimelo ilungertorningane atanerlo ajoᴋertuijorlo naggogivâk.

Jeremiab Ogguarutigijangit 2:6 Iomraidhean Croise

Imgerut 74:7

Ivsornaitoveᴋotit ikkipât atterpîllo iglunga ivsornaijungnaitipât.

Imgerut 76:2

Tuppinga Salemêpok, iglungalo Zionemêpok.

Imgerut 80:12

Sôgle tagva avalungit serᴋomilauklaukpigît nussuijauᴋovlugo illunainut sanerᴋotunnut?

Imgerut 89:40

Avalungit ujaraggit illunaita serᴋomipattit, igloksoangillo sôngojut serᴋomakungortipattit.

Jesaiase 1:13

Tunergutinik nerᴋiksanik nallâgôngitunik ᴋaitsijungnairitse; tippegiksaut maᴋojugivara; taᴋᴋerub nutaulervingit (uvloᴋsiorutigijase) sabatillo kattimaniksallo pivlugit kamajomangilanga, uvloᴋsiortilluse idluitulligapse.

Jesaiase 1:8

Zioniblo pannia amiakôvoᴋ igloarsuktut perorsêvingmẽtotut vaineliksatalingme, udjertorteojub innigijangatut perorsêvingme, iglugasaksoatitut illujaumajutitut.

Jesaiase 43:28

Tamanna pivlugo angajoᴋaujut ivsornaitovingme ivlernarungnairtipakka, Jâkokkut ôminartillugit Israêlikkullo mittautaunartillugit.

Jesaiase 5:5

Mãnalo ᴋaujititsomavapse, ᴋanoᴋ perorsêviga vaineliksatalik piniarvigijomârapko. Sappûlutangit pêjaromavakka asserortaurᴋovlugo, avalungillo serᴋomitsomavakka tullerajartaurᴋovlugo.

Jesaiase 5:6

Nungutitsomavaralo pairijautailitillugo poagijartautailitillugolo; perortoᴋaromârpoᴋ ukpiganik perornerdluktuniglo kakkilautilingnik, nuvujallo inerteromavakka sillalugviorᴋonnago.

Jesaiase 63:18

Inuᴋotivit ivsornaitut annikitotuinarmik (nuna) perᴋutigivât: akkerartortipta ivsornaitoviksoaᴋotit tullerpât.

Jesaiase 64:11

Kattimavivut ivsornaitoᴋ pinarnartorlo, atâtapta nertordlervigijangat illingnik ikkomamut ikkitaumavoᴋ, perᴋutivullo ivlernartut illũnatik asserorsimavut.

Jeremia 17:27

Nâlagomangikupsingale Sabbate ivsornaititsomavlugo, adjarsitailijomangikupselo oᴋumaitunik iterniarluse Jerusalemib itertarvingitigut Sabbateme; tagva ikomamik ikitsijomavunga itertarvingine, nungutsilârporlo Jerusalemib igloᴋsoanginik, ᴋamitauniarungnaivlune.

Jeremia 42:18

Imâk oᴋarmat Nâlagaᴋ Zebaot, Israêlib Gudinga: Sorlo ningaumajârnera ᴋaningaumajârneralo kovijaumangmat Jerusalemib inunginut, taimaktauᴋ ᴋaningaumajârnera kovijaulârivoᴋ ilipsingnut Egiptenaliarupse; ôminarsitiksaujomârposelo, tataminiarutiksauvluselo, oᴋarnerlutjaujutiksauvluselo, mitautiksauvluselo; nunalo tamanna takoniarungnaipase kingorngane.

Jeremia 45:4

Imâk oᴋautijaksarivat: Imâk oᴋarpoᴋ Nâlagaᴋ: Ahâk, sanasimajara igupteromârivara, ililauᴋtaralo nussugomârivara, nuna, tamanna ilûnât nâvlugo.

Jeremia 50:28

Kemâjut aulartullo nunamit Babilonemit nippingat, Zioneme unipkautigijomavlugo Nâlakab Gudipta akkiniarninga, katimaviksoarne akkiniarutigingmago.

Jeremiab Ogguarutigijangit 1:4

Zionib apᴋosiningit ogguarput, aijoᴋalungimat uvloᴋsiorviksanut; upkoaᴋsoangit inuêrput, ajoᴋertuijungit anersaumivut: uigasungit kiksarput, nangminerlo sanikterivut.

Jeremiab Ogguarutigijangit 4:16

Nâlekab kênangata siamangatilaukpait, kamagijomairpaillo; opigosulaungimatta ajoᴋertuijunik, ilaliulaungimattalo angajoᴋaujunik.

Jeremiab Ogguarutigijangit 4:20

Kingapta anerningat, Nâlekab mingoartanga, pijaulaukpok itersaliangine, tâmna pivlugo oᴋalaukpogut: Tâpsoma taggaliningane inôlârpogut inôᴋatigêksuit akorngane.

Jeremiab Ogguarutigijangit 5:12

Angajoᴋâksuit nivingartaulaukput aggangitigut: inutoᴋaujullo kênangit opigijaungilat.

Hesekiel 17:18

Angermaringneᴋ naggogilaungmago angiᴋatigêngneᴋ serᴋomingmago; ahâk, aggane tunilauᴋpait (angiᴋatigêngnerme), taimailioraloaramelo tamakkoa tamaita piniarnerivait; pijaunginiangilarlo.

Leviticus 26:31

Iglugasaksoaselo sunaᴋarungnaititsomârpakka, ivsornaitoviᴋotiselo asserorniluᴋungortitsomavlugit, naijomangilanga tipitsiariksautigijapsingnik.

Sefania 3:18

Katersoromârpakka katimaniksanik kiksasungnartunik kiksauteᴋartut, ilingnit pijovinît; tâpkoa oᴋumaijutigijat naggonautigilauᴋpât.

Mâlaki 2:9

Tamanna pivlugo naggonartilauᴋpase ariunartiluselo inôᴋatigêksuit tamaita sângine, apᴋosinikka atuatsainalaunginapsigik, inuillo kinauningit soᴋotigigapsigik perᴋojat nâlektauningine.