Jeremiab Ogguarutigijangit 2:4 - Labrador Inuttitut Heritage Bible

⁴ Omisuktotut pitiksine ᴋeluvâ, nangerporlo aggane talerpît issaklugit akkerartortotut, takominartut tamaita toᴋodlugit; ningarninelo kovivâ ikomatut Zionib paningata tuppinganut.

Jeremiab Ogguarutigijangit 2:4 Iomraidhean Croise

II Kronika 34:21

Nalegak apperiartorsiuk pivlunga, Israelitillo amiakungit pivlugit, Judakullo pivlugit, aglait nachvartaumajut pitjutigallugit; Nalekab ningarninga kovijaumajok uvaptingnut angijovaksôngmat, atâtagijapta Nalekab oᴋausingit mallilaungimagit, pinniartaililutik sorlo aglaksimangmat aglangne tapᴋonane.

II Kronika 34:25

Tamanna pivlugo, ᴋemmalaungmanga, Gudiblo assingit isserluanititsivigilaungmattigik, ningaksarlunga aggangita pinniarninginut sunatuinarnut. Ningarneralo navijaujuksauvok iglugasaksoarnut makkonunga, ᴋamitauniangilarlo.

Hiobe 19:11

Ningarningata ilûngertorutigivânga, ômisukteônasugivângalo.

Hiobe 6:4

Ajugaᴋangitub ᴋârjungit kappusimangmatta illumne, tâpkoa kaningajadlarningita anernera immerpâ nungudlugo; Gûdiblo; sivôranarningita torârpânga.

Imgerut 37:14

Gudeᴋangitut saviksoak amuarpât, pittiksitiglo ᴋellumivât, pattangajok aklujorlo ochotitsomavlugit, toᴋᴋotsomavlugillo arvertartut apᴋosinerne ajungitunne.

Imgerut 7:13

Torârtitsilunelo tâpsomunga sakkunnik toᴋᴋonartunnik; karᴋjune âᴋiksorlaukpait asseroerᴋovlugit.

Jesaiase 42:25

Taimaimat ningautsine erᴋsinartoᴋsoaᴋ kovivâ taipkonunga unatadlarnersoarlo; avatâtigut ikkoalagalloarpuk, kissianele tamanna tukkisingilât, ikkitsigalloarpuk, kissianele tamanna õmamiutaringilât.

Jesaiase 63:10

Taipkoale tappatovut, anerninga ajungitoᴋ sinaungasarlugo. Tamanna pivlugo ablatsângorlune akkerartulerpoᴋ taipkonunga, nangmineᴋ sorsukpoᴋ taipkonunga.

Jesaiase 63:6

Taimaimat innugasaᴋsuit tullerpakka ningaumajârnimne, tallanartomik imertipakka ningaumajârnimne, iptingallo nunamut kovivara.

Jeremia 10:20

Tupiga sujuktaudlarpoᴋ, nussuktikka ilûnatik kiktorârsimavut; ᴋitorngakka aularsimavut uvamnit, saᴋᴋijarungnaipullo; issivitsijuksaᴋarungnaipoᴋ tupimnik, tâlutakkalo âᴋiksorlugit.

Jeremia 21:12

Ilipse, Dâvidib kinguvângit, imâk oᴋarpoᴋ Nâlagaᴋ, Idluarsaileritse uvlângoningane, oᴋumaiksartitaujorlo piulisiuk oᴋumaiksartitsijub agganginit, ᴋaningaumajârnera aniᴋonago ikomatut, ikoâlaniarlune ᴋamitaujungnarungnailune, piniarnerijase idluitut pivlugit.

Jeremia 21:5

Uvangalo nangmineᴋ unatarvigijomavapse agganut issângajunut talermullo pitsartujomut, ila, ningârnerme, ᴋaningaumajârnermelo, ilungertudlarnermelo.

Jeremia 30:14

Ungagijivit ilûnatik puigorpâtit; ᴋenilungilâtit; killersimagapkit ômisuktûb nâpkigosungneᴋangitûb sugiarninganut; idluitulinivit angininga pivlugo, ajornitit unuksisimangmatta.

Jeremia 36:7

Imaka manijijomalârput ᴋenunermingnik Nâlakamut, sâgiaromalârlutiglo ilûnatik atunit apᴋotigijamingnit idluitomit; ningarneᴋ ᴋaningajârnerlo angijôngmat Nâlakab oᴋautigijanga inuit tâpkoa pivlugit.

Jeremia 4:4

Kipisileritse ilipsingnik Nâlakamut, ômatipselo kipimanginingit pêjarsigik, anguteojose Judame, inôjoselo Jerusaleme; ᴋaningaumajârnera aniᴋonago ikomatut, ikoâlaᴋonagolo ᴋamitaujungnangitomik kimullônêt piniarnipse idluitoᴋsôningat pivlugo.

Jeremia 42:18

Imâk oᴋarmat Nâlagaᴋ Zebaot, Israêlib Gudinga: Sorlo ningaumajârnera ᴋaningaumajârneralo kovijaumangmat Jerusalemib inunginut, taimaktauᴋ ᴋaningaumajârnera kovijaulârivoᴋ ilipsingnut Egiptenaliarupse; ôminarsitiksaujomârposelo, tataminiarutiksauvluselo, oᴋarnerlutjaujutiksauvluselo, mitautiksauvluselo; nunalo tamanna takoniarungnaipase kingorngane.

Jeremia 7:20

Taimaimat imâk oᴋarpoᴋ Nâlagaᴋ Gude: Ahâk, ningarnera ᴋaningaumajârneralo kovijaujomârpuk nunamut tamattomunga, inungnut, nergjutinullo, perorsêviublo napârtunginut, nunablo perortunginut; ikoalâjomârpoᴋ ᴋamitauniangilarlo.

Jeremiab Ogguarutigijangit 1:13

Pângat tiliklilaukpok ikomamik saunimnut, tâmnalo kiblêvok tâpkoninga; issivitsilaukpok nulluanik itikamnut, kingumullo sangutipânga; manigorutiksairutivânga nukkingêrutilungalo uvlok nâvlugo.

Jeremiab Ogguarutigijangit 2:5

Nâlegak ômisuktotut ilingavok, Israêl êvâ; igloᴋsoangit tamaita êvait, iglungillo sôngojut asserorlugit; kiksarnartullo ogguarnartullo unuksitipait Judab paningane.

Jeremiab Ogguarutigijangit 3:3

Uvamnut aggane sangutiᴋatarpait akulaitomik uvlok nâvlugo.

Jeremiab Ogguarutigijangit 4:1

Kappe! Golde ᴋeblerungnaidlarpok! Goldesiak ilaᴋangitok takominaitungorpok! Katimaviksûb ujaraktangit egitauvut apᴋosineâluit ilûnatik issungine.

Jeremiab Ogguarutigijangit 4:11

Nâlekab ningaumajârnine nâmaksitilaukpâ, ningarnersoane kovilaukpâ; Zionemelo ikitsivok ikomamik nungutsijomik tungavinginik.

Hesekiel 13:13

Taimaimat imâk oᴋarpoᴋ Nâlegaᴋ Nâlegaujoᴋ: Serᴋomitsomalârpara aᴋᴋunaᴋsoarmut ilungertornimne, silaluksoalârporlo suppujijomik ningaumavaksoadlarnimne, nettaᴋonaᴋsoalârporlo asseroijunik ᴋaningaumajârnimne.

Hesekiel 20:34

Tikiutijomavapselo inôᴋatigêksuit akornganit, katersoromavapselo nunanit siamarvigijapsingnit, aggangnut pitsartujunut, talingmullo issamijomut, ᴋaningaumajârnermullo kovijaujomut;

Hesekiel 22:22

Sorlo silbere auksititaungmat auksititsivingme, taimaluatsiaᴋ auksititaujomârpose iluane; ᴋaujijuksaulârposelo uvanga Nâlegaujunga ningaumajârnera kovigapko ilipsingnut.

Hesekiel 24:25

Igvillo, inûb erninga, uvlorme tâpsomane pitsartuneᴋarvingat, pinnarnarijangita inornautâ, ijingita ᴋuviagijangat, tarningitalo kajungervigijangat, erningillo paningillo, tâpkonangat tigugupkit,

Hesekiel 36:18

Taimaimat ᴋaningaumajârnera kovilauᴋpara tâpkonunga, auk pivlugo tâpkoa kovijangat nunamut, nunalo ivsornartilaungmatsuk gudingoamingnut:

Hesekiel 5:13

Taimak ningaumajârnera nâmaksititaujomârpoᴋ, ᴋaningaumajârneralo ilijomârpara tâpkonunga, merngoerseromârpungalo; ᴋaujijuksauvullo uvanga Nâlegaujunga oᴋalaurama ilungertornimne, ningaumajârnera nâmaksititsomagapko tâpkonunga.

Hesekiel 6:12

Ungasiktoᴋ toᴋojomârpoᴋ nûsilingnartomut; ᴋanitoᴋ toᴋojomârpoᴋ saviksoarmut; amiakôjorlo piulimajaujoᴋ toᴋojomârpoᴋ perlernermut; taimak ningaumajârnera nâmaksititsomârpara tâpkonunga.

Hesekiel 7:14

Tiptulausijarput opalungairsavullo; anijoᴋangilarle unatarnermut: ningaumajârnima nelaungmagit inugiartoᴋsuit tâpkoa tamaita.

Leviticus 26:17

Kênaralo allartilârpara ilipsingnit, annaulertaujomârposelo ômigijipse sângine: ômigijise ataniojomârput ilipsingnut, ᴋemâjomârposelo udlataungikaloartiluse.

Nahum 1:2

Nâlegak Gudeovok ilungertortok, akkiniarporlo; Nâlegak akkiniarpok ningarnermiglo ilumikpok; Nâlekab akkerartortine akkiniarpait, ômigijiminullo ningarnek torᴋorpâ.

Nahum 1:6

Kina nangerungnarᴋâ tâpsoma ningarningata sânganê? Kina sapilungilâk ᴋaningaumajârninga katsungailerpât? Kaningaumajârninga ikoâlavok ikomatut, ᴋairtullo ᴋoplortauvut tâpsomunga.

Deuteronomy 32:22

Ikoma ikoâlamat ningarnimne, ikomavok itersak allerpâk tikidlugo, nunalo perortungillo mungulerpait, ᴋakᴋallo tungavingit ikipait.

I Samuel 28:16

Samuel oᴋarpok: Sôg uvanga appertsoromavinga, Nalegak nûsimangmat illingnit, omisuktungormallo illingnik?