Jeremiab Ogguarutigijangit 2:16 - Labrador Inuttitut Heritage Bible

¹⁶ Omigijivît ilûnatik aitangavigivâtit; kôkoviarvigivâtit aglerularpullo; oᴋarput: Elaukpavut ila; tamanna tagga uvlok utaᴋilauktavut, tikivigivavut, takovavut.

Jeremiab Ogguarutigijangit 2:16 Iomraidhean Croise

Imgerut 109:2

ᴋannitik Gûdeᴋangitut nallangaitoksôjullo angmarmagit akkerartorlunga, oᴋarlutiglo uvamnut oᴋannut saglojunnut.

Imgerut 112:10

Gûdeᴋangitub tamanna takkojomârpâ kangârutigijomârpâlo; kiggutine kêtitsomârpait nungujomârlunelo. Gûdeᴋangitut tussuninget assiômangmat.

Imgerut 124:3

Tagva ênajarpâtigut inôtilluta, ningarningata illungertorvigikpattigut;

Imgerut 22:13

Kanersoarmingnik aitarvigivânga, Loevetut ᴋallingoartotut kêsuktoksoatullo.

Imgerut 35:16

Taipkoa takkomortut mittauteᴋartullo natjak pivlugik illagilugit, kigutitik kêtipait pivlunga.

Imgerut 35:21

ᴋannermingnullo aitadlarvigivânga, oᴋarlutiglo: Takka, takka! tamanna takkoranerivavut!

Imgerut 35:25

Oᴋartailitikit ômattingine: Takka, takka! tamattominga pijomalaukpogut. Oᴋarᴋoniarnagit: Emavavut.

Imgerut 37:12

Gûdeᴋangitub idluartok issumaksarsiorutigiva akkerartoromavlugo, nierᴋolârutigivâ kigutiminut.

Imgerut 41:8

Asserornermik nâvitsiviôvok (oᴋarput); nallavok makkitsungnainiarlunelo.

Imgerut 56:2

Akkerartortima êjomavânga uvlok nâlugo; unnuktut sorsungmanga, piojorijunik illuseᴋarlutik.

Imgerut 57:3

Tilliklerpok ᴋillangmit ikajorlungalo, kangusuktitsivok êjimnik, Sêla. Gûde tilliklerpok saimanerminik mikseᴋârnerminiglo.

Jesaiase 49:19

Nunat inuerutijoᴋ asserortaumajorlo serᴋomitaujorlo nalliutome tamattomane mikkiluaromârpoᴋ inungnut, asseroijullo illingnik ungasikput.

Jeremia 26:6

Tagva iglo tamanna ilingatitsomavara sorlo Sîlo ilingangmat, iglugasaksuillo tamakkoa ôminarsitiksangortitsomavakka inôᴋatigêksoarnut tamainut nunamêtunut.

Jeremia 29:18

Maligomavakkalo saviksoarmut, kângnartoᴋsoarmullo, nusilingnartomullo, unertutigijomavakkalo egiortartauᴋovlugit nunaᴋsûb ataniovingine tamaine idluiᴋutauᴋovlugit, tataminiarutauᴋovlugillo, mitautiksauᴋovlugillo, sinaungajutiksauᴋovlugillo inôᴋatigêksuit tamaita akorngane ajaktortauvigijangine uvamnut:

Jeremia 50:17

Israêl saugaᴋtut apsimajotun-ipoᴋ; loevit ᴋemâtisimavât; sivorlermik Assiriab ataningata nerrivâ; kingornganalo Nebukadnezarib oma, Babilonib ataningata, sauningit navgor pait.

Jeremia 50:7

Naipitingita ilûnatik nerrilauᴋpait; akkerangillo oᴋarput: Pidlaraksautingilagut, Nâlakamut idluitulilaungmatta, idluarsainerub inigijanganut, ila, Nâlakamut, atâtagijangita nerriugijanganut.

Jeremia 51:34

Nebukadnezarib Babilonib ataningata nerrivânga sêmigârpângalo, pôgutautipânga sunataᴋangitoᴋ, ᴋuglugiaᴋsoarâluktut êvânga, aᴋeartorpoᴋ mamagijaptingnik; pingujarpânga.

Jeremiab Ogguarutigijangit 1:21

Anersauminera tusartaugaloarpok; manigoijomajoᴋangilarle uvamnik; ômigijima ilûnatik kiksauteᴋarnera tusaumavât, ᴋuviasutuinarpulle taimailaurama. Uvlok oᴋautigilauktat neliutititsomârpat, tâpkoalo uvaptut-ilârput.

Jeremiab Ogguarutigijangit 3:46

Omigijipta ilûnatik ᴋanitik aitadlarpait uvaptingnut.

Hesekiel 23:32

Imâk oᴋarpoᴋ Nâlegaᴋ Nâlegaujoᴋ: Angajuvit ᴋajûtanganit, itijomit nerrotojomillo, imertuksauvotit: ijoralautigijaudlalârpotit mitautigijauvlutillo ajornarmariktomik.

Hesekiel 25:15

Imâk oᴋarpoᴋ Nâlegaᴋ Nâlegaujoᴋ: Filisterit akkiniaromamut piniarmatta, tarnimiglo ilungertorninganut akkiniarmatta asseroromavlugo ômisungnermut soraijuitomut;

Hesekiel 25:3

Ammoniblo ᴋitorngangit oᴋautikit: Nâlekab Nâlegaujub oᴋausinga tusarsiuk: Imâk oᴋarpoᴋ Nâlegaᴋ Nâlegaujoᴋ: Annerpanarmêk, ivsornaitoviᴋotiga pivlugo ivsornaijungnaititaungmat; Israêliblo nunanga pivlugo sujuktaungmat; Judablo ᴋitorngangit pivlugit aularutijaungmatta;

Hesekiel 25:6

Imâk oᴋarmat Nâlegaᴋ Nâlegaujoᴋ: Aggaktit pataktolaurangne, tukkarᴋataravillo itigarnut, tarnivillo ilungertorninganut mitauteᴋarlutit ᴋuviasulauravit Israêlib nunanga pivlugo;

Hesekiel 36:3

Tamanna pivlugo nelautailerit, oᴋarlutillo: Imâk oᴋarpoᴋ Nâlegaᴋ Nâlegaujoᴋ: Sunairutilaungmasse, ilâ, sunairutilaungmase keta, êngmaselo avatipsingne tamaine, perᴋutauᴋovluse inôᴋatigêksuit amiakunginut, ᴋaneᴋadlartullo ᴋangasinângmiutaringmase, oᴋarnerlutigijaugapselo inôᴋatigêksoarnut;

Hesekiel 5:15

Taimaglo naggonautiksaulârpoᴋ, mitautiksaulârlunelo, annusingorsautiksaulârpoᴋ, tataminiarutiksaulârlarmelo inôᴋatigêksoarnut avatingnêtunut, erᴋartuinikka piniarupkit ilingne ningaumajârnerme ilungertornermelo suadlarnernelo ilungertortune: uvanga Nâlegaujunga taimak oᴋarpunga:

Hosea 8:8

Israêl êjauvoᴋ; mâna inôᴋatigêksuit akornganêpoᴋ pôgutatut ᴋuviagijaungitotut.

Migga 4:11

Mânale inôᴋatigêksuit unuktut katimavut ilingnut, oᴋartut: Sujuktaudlarle, ijivullo takolit katjârijamingnik Zioneme.

Apostelit Piniarningit 7:54

Tamanna tusaramitsuk, ômateroktauvut, nêrᴋolârtsivlutiglo tâpsomunga.