Jeremiab Ogguarutigijangit 2:15 - Labrador Inuttitut Heritage Bible

¹⁵ ᴋângertut ilûnatik aggatik pattaᴋatarpait pivlutit; kôkoviarput ileᴋatamarlutiglo Jerusalemib paninga pivlugo, oᴋarlutik: Tamakkoa iglugasaksoangovât inuit taijanginik: tamainit takoranidlarnerpaujunik, nunab ilûnât ᴋuviagijanginîk?

Jeremiab Ogguarutigijangit 2:15 Iomraidhean Croise

II Atannit 19:21

Imaipullo Nâlekab oᴋauserijangit tamna pivlugo: Uigasub Zionib panningata nachogivâtit, mittautigilutillo; panniojub Jerusalemib kingunerne illekettamarutigivâtit.

II Kronika 7:21

Iglolo tamna pijariaᴋortônerpângôlauktok, tapsominga sannerᴋotsijut kakkiladlarutigijomârpât, okoromârlutiglo: Suna pivlugo Nalekab nuna una, iglolo una taimailiorvigilaukpagik?

Imgerut 109:25

Mittautiksaujariaᴋarpungalo tâpkonunga; takkoleraiguninga illeᴋettamârput.

Imgerut 22:7

Illunatik takkojut uvamnik mittautigivânga; kanermingnik aitarput, illeᴋettamarlutiglo:

Imgerut 48:2

Zionib ᴋaᴋᴋanga nuitatsiarpok, nunab illunât ᴋuviasutigijanga, sivinganingane tachanêput attaniviksub iglugasaksoangit.

Imgerut 48:3

Gûde tâpkoa igloksoangine illitarijauvok sappulutatut.

Imgerut 50:2

Zionemit, ânanaumaringniojomit, Gûde keblidlarnermik ᴋaulerᴋojivok.

Imgerut 64:8

Oᴋangita nangminingita ochotitsomârpait; tâpkoninga takkojut illeᴋettamaromârput.

Jesaiase 28:21

Nâlegaᴋ oppalungairomârmat, sôrlo taipsomane ᴋaᴋᴋame Parâtsime, ningaumajâromârporlo, sôrlo taipsomane Gibeonib naternangane, sullijaksane piniarlugo, sullijaksaᴋ takkorngartaᴋ, pijaksanelo piniarlugo, pijaksaᴋ tussarngartaᴋ.

Jesaiase 37:22

Tagva Nâlekab oᴋausingit taimna pivlugo imaiput: Uigasûb Zionib panningata nachogivâtit mittautigivlutillo, Jerusalemib panningata illeᴋettamârutigivâtit.

Jesaiase 64:11

Kattimavivut ivsornaitoᴋ pinarnartorlo, atâtapta nertordlervigijangat illingnik ikkomamut ikkitaumavoᴋ, perᴋutivullo ivlernartut illũnatik asserorsimavut.

Jeremia 18:16

Nunangat tataminiarutiksauᴋovlugo mitautiksauᴋovlugolo soraijuitomik; ilûnatik apᴋusârtut tagvunga tataminialârput ileᴋetamârlutiglo.

Jeremia 19:8

Iglugasaksuillo tamakkoa tataminiarutautitsomavakka inerᴋogijaungitilugillo; apᴋusârtut ilûnatik tataminiarutigilârpait inerᴋoginagillo, asserortaumaningit ilûnaita pivlugit.

Jeremia 25:18

(Imaitut): Jerusalem, Judablo iglugasaksoangit, tâpkoalo ataningit angajoᴋâᴋsoangillo, serᴋomakungortitsomavlugit, ᴋoaᴋsângajutiksangortilugillo, mitautiksautilugillo, ôminarsitiksautilugillo; sorlo uvlome ilingangmat;

Jeremia 25:9

Ahâk, tilikleromavunga ᴋitorngarêllo avanêtut ilûnaita pijartorlugit, oᴋarpoᴋ Nâlagaᴋ, Nebukadnezarelo, Babilonib ataninga, kivgara; tikiutijomavakkalo nunamut mattomunga, inunginullo, inôᴋatigêksoarnullo avatânêtunut tamainut; nungutitsomamarikpakkalo, ᴋoaᴋsângajutiksangordlugillo, mitautiksangordlugillo, serᴋomakungordlugillo soraijutomik.

Jeremia 26:6

Tagva iglo tamanna ilingatitsomavara sorlo Sîlo ilingangmat, iglugasaksuillo tamakkoa ôminarsitiksangortitsomavakka inôᴋatigêksoarnut tamainut nunamêtunut.

Jeremia 29:18

Maligomavakkalo saviksoarmut, kângnartoᴋsoarmullo, nusilingnartomullo, unertutigijomavakkalo egiortartauᴋovlugit nunaᴋsûb ataniovingine tamaine idluiᴋutauᴋovlugit, tataminiarutauᴋovlugillo, mitautiksauᴋovlugillo, sinaungajutiksauᴋovlugillo inôᴋatigêksuit tamaita akorngane ajaktortauvigijangine uvamnut:

Jeremia 48:27

Israêle mitautiksaulaungimât ilingnût? Tigliktulle akorngane naipitaulauᴋâ? oᴋautigijarangangnele ileᴋetamârpotit.

Jeremia 51:37

Babilonalo ᴋiggutuinaujomârpoᴋ, terrianiangojârtut iniksanga, tataminiarutaujok, mitautiksaujorlo, inuᴋatsangitorlo.

Jeremiab Ogguarutigijangit 1:21

Anersauminera tusartaugaloarpok; manigoijomajoᴋangilarle uvamnik; ômigijima ilûnatik kiksauteᴋarnera tusaumavât, ᴋuviasutuinarpulle taimailaurama. Uvlok oᴋautigilauktat neliutititsomârpat, tâpkoalo uvaptut-ilârput.

Jeremiab Ogguarutigijangit 1:8

Jerusalem sôngojomik idluitulilaukpok; taimaimat ilingavok ivjornartungortitaumajotut; ilûnatik opigosulauktut tâpsominga naggogivât, takogamik ussinganinganik; ilâ, anersaumivok, tunumullo sanguvok.

Jeremiab Ogguarutigijangit 2:16

Omigijivît ilûnatik aitangavigivâtit; kôkoviarvigivâtit aglerularpullo; oᴋarput: Elaukpavut ila; tamanna tagga uvlok utaᴋilauktavut, tikivigivavut, takovavut.

Jeremiab Ogguarutigijangit 2:6

Aksorotjilune avaloksoanga pêjarpâ, sorlo perorsêvingmut kisiane ilingajotut ilingangmat; katimaviksoangalo asserorpâ; Nâlekab katimaniksat opinartut sabbatillo puigortautipait Zioneme, ningaumajârnimelo ilungertorningane atanerlo ajoᴋertuijorlo naggogivâk.

Hesekiel 16:13

Taimak pinnarnarsititaulauᴋpotit goldemut silberemullo; attisimavlutillo ilupâtsiamik ᴋaᴋᴋoriktomik, saidemiglo, nuilapaujaksajamiglo; nerᴋiksaᴋalauᴋpotit senaugatsiamik, igupsaujârtullo orᴋsuanik, orᴋsumiglo; takoranidlalauᴋpotillo, ataniolilauᴋpotillo.

Hesekiel 16:14

Pinnarnarnîllo unipkautauvoᴋ inôᴋatigêksuit akorngane; innersimalaungmat, pinnarnarnera ilingnut pititara pivlugo, oᴋarpoᴋ Nâlegaᴋ Nâlegaujoᴋ.

Hesekiel 23:32

Imâk oᴋarpoᴋ Nâlegaᴋ Nâlegaujoᴋ: Angajuvit ᴋajûtanganit, itijomit nerrotojomillo, imertuksauvotit: ijoralautigijaudlalârpotit mitautigijauvlutillo ajornarmariktomik.

Hesekiel 25:6

Imâk oᴋarmat Nâlegaᴋ Nâlegaujoᴋ: Aggaktit pataktolaurangne, tukkarᴋataravillo itigarnut, tarnivillo ilungertorninganut mitauteᴋarlutit ᴋuviasulauravit Israêlib nunanga pivlugo;

Hesekiel 5:15

Taimaglo naggonautiksaulârpoᴋ, mitautiksaulârlunelo, annusingorsautiksaulârpoᴋ, tataminiarutiksaulârlarmelo inôᴋatigêksoarnut avatingnêtunut, erᴋartuinikka piniarupkit ilingne ningaumajârnerme ilungertornermelo suadlarnernelo ilungertortune: uvanga Nâlegaujunga taimak oᴋarpunga:

Daniel 9:16

Nâlegaᴋ, idluarnit tamât pitjutigivlugo, ningarnît ningaumajârnîllo sangutikiktôᴋ iglugasaksoaᴋotingnit Jerusalimit, ᴋaᴋᴋarnit ivsornaitomit; idluitulinivut, atâtaptalo idluituliningit pivlugit, Jerusalem inuᴋotitillo naggonarsivut avatiptingnêtunut tamainut.

Migga 6:16

Omrib maligaksauᴋojangit maliktaungmatta, Ahabiblo ᴋitorngangita piniarningit, arvertarposelo tâpkoa ilusioᴋojangit maliklugit; tamanna pivlugo asserornerlukungortitsomârpapse, nunablo inungit mitautiksangordlugit; inuᴋotimalo naggonarningat nangmalârpase.

Nahum 3:19

ᴋanoetoᴋarnît oᴋitlititaujungnangilak; ikkitit piungitovaksôvut; tusartut ilûnatik unipkautaunernik aggatik pattaktorpait pivlutit; kikunut ajornitit soraingitomik tôlungilât?

Sefania 2:15

Tamadja iglugasaksuit ᴋuvianartoviolauᴋtut terliklutik ineᴋartut, ômatimingne oᴋartut: Uvangauvunga, uvaptullo itoᴋangilak: taimale sunaᴋangitungorpok, aᴋopiviksatuinauvok nergjutinut nujuartunut! Ilûnatik apᴋusârtut tâpkoninga kokoviarutigilarpait, aggatiglo pataktorlugit.

Mattêuse 27:39

Tagvûnale arvertartut mitautigivât ileᴋetamârlutiglo.

Markuse 15:29

Tagvûnalo arvertartut mitautigivât, illeᴋetamârlutiglo oᴋarput: Kuinangnâlukpotit katimavingmik asseroijotit, ama sanalugo uvlune pingasune.