Jeremiab Ogguarutigijangit 2:12 - Labrador Inuttitut Heritage Bible

¹² Anânamingnut oᴋarput: Nerᴋiksamiktôk, vainemiglo! ᴋaujimajungnairamik ikilersimajutitut iglugasaksuit apᴋosineâlungine, tarningêramiglo sarliartauvlutik anânamingnut.

Jeremiab Ogguarutigijangit 2:12 Iomraidhean Croise

Hiobe 30:16

Mânnale tarniga kovilerpok (ârosungnermik) kollimnut, nelliunerublo kappianartub tigumavânga.

Imgerut 42:4

Tamanna issumagigupko, tagva ômattiga nâvipara illumne; aiᴋattaujomadlarama kattimgajunnut, agvertarᴋattigijomavlugillo Gûdib iglunganut, ᴋuviasudlarlunga ᴋujalidlarlungalo kattimgajut uvloksiortut akkorngane.

Imgerut 62:8

Inôjose tattigitsainarsiuk sorairase; ômattise nâvissigik sânganut; Gûde tattigivavut, Sêla.

Jesaiase 51:20

Kitorngatit kaibjaivlutik iglut akkornganne, terreᴋungine illũnaine nallavut tuktungajotut nulluarsimajotut, Nâlekab ningausinganut Gûdivillo suanganinganut tikkitaummarigamik.

Jesaiase 53:12

Tamanna pivlugo angijoᴋsoarnik illangiutititsomârpara, pitsartuneliksuillo aitûtigijomârpait aᴋsârnigaujutitut, imâk pivlugo: inôtsine tuningmago toᴋomut, idluitullijunullo adsiotitaungmat, unuktut ajorningit nangmaralloarlugit, idluitullijullo simerdlugit.

Jeremia 5:17

Nerrijomârpullo katersortarnik perorsêvingnit, niaᴋôjarniglo, ernivît panivîllo nerᴋiksanginik; nerrijomârput saugaᴋotingnik nergjutiᴋotingniglo; nerrijomârput vaineliksaᴋotivit paunganginik paungatannaᴋotingniglo, asseroijomârpullo iglugasaksoaᴋotingnik avaluliorsimajunik tatigijarnik, saviksoarmut.

Jeremiab Ogguarutigijangit 1:11

Inungit ilûnatik anersaumivut nerᴋiksarsiorlutik; perᴋutitik ᴋuvianartut taungniutigivait nerᴋiksamik inôtsemik nakoksijutiksanganik. Nâlegak, takosalaurit ulernairtuilutillo, naggonartungorama.

Jeremiab Ogguarutigijangit 4:4

Amâmaktub oᴋanga ᴋêlernermut nipingalerpok ᴋilanganut; sorusiarsuit ᴋennuvut nerᴋiksamik, aituijoᴋangilarle taimaitomik tâpkonunga.

Hesekiel 30:24

Babiloniblo ataningata talîgik pitsartutitsomârpâka, saviksoarlo ililugo agganginut: Faraoblo talîgik nakagomârpâka, âlaᴋovlugo tâpsoma sângane toᴋomut ikilertaujub âlaningatut.