Jeremiab Ogguarutigijangit 1:7 - Labrador Inuttitut Heritage Bible

⁷ Kapiasuktitaunime saksârtitaunimelo uvlungine Jerusalemib erᴋarpait ᴋuvianadlartut tamaita ilauktut neliutine sivorline; inungit katangmatta ômigijingita agganginut, ikajortiksarsinginamiglo, ômigijingita takonârpât, mitauteᴋarpullo pikaluktauninginik.

Jeremiab Ogguarutigijangit 1:7 Iomraidhean Croise

Hiobe 29:2

ᴋanoktôk, înajaruma takᴋit sivurlinginêtut, uvlunetut Gûdib sapputsivigijanginnê uvamnik.

Imgerut 42:4

Tamanna issumagigupko, tagva ômattiga nâvipara illumne; aiᴋattaujomadlarama kattimgajunnut, agvertarᴋattigijomavlugillo Gûdib iglunganut, ᴋuviasudlarlunga ᴋujalidlarlungalo kattimgajut uvloksiortut akkorngane.

Imgerut 77:3

Gûde erᴋaumavara uimajâdlarlungalo; issumaksarsiorpunga, annerneralo illungudlarpok, Sela.

Imgerut 79:4

Sillaliptingnut kangusuktitaksangorpogut, mittautiksangorlutalo, allêᴋutiksangorlaptalo avatiptingnêtunnut.

Jesaiase 64:10

Iglugasaksoaᴋotitit ivsornaitut asserorsimavut, Zione inuᴋarungnairtitaumavoᴋ, Jerusaleme igloᴋarungnairtitaumavoᴋ.

Jesaiase 64:11

Kattimavivut ivsornaitoᴋ pinarnartorlo, atâtapta nertordlervigijangat illingnik ikkomamut ikkitaumavoᴋ, perᴋutivullo ivlernartut illũnatik asserorsimavut.

Jeremia 37:7

Imâk oᴋarpoᴋ Nâlagaᴋ, Israêlib Gudinga: Imâk oᴋautitikko Judab ataninga tiliklertoᴋ iliptingnik uvamnut aperijauᴋovlunga: Ahâk, Faraub sorᴋsuktoᴋatigêksoangit anisimajut ikajoromavluse utertuksauvut nunamingnut Egiptenemut.

Jeremia 48:27

Israêle mitautiksaulaungimât ilingnût? Tigliktulle akorngane naipitaulauᴋâ? oᴋautigijarangangnele ileᴋetamârpotit.

Jeremiab Ogguarutigijangit 4:17

Ijivut takpêlerput sulle ᴋenernermut ikajortiksaptingnik sulingitunik; ᴋenerniptingne ᴋenitsainalaukpogut inôᴋatigêksoarnik piuliklerungnangitunik.

Hesekiel 25:3

Ammoniblo ᴋitorngangit oᴋautikit: Nâlekab Nâlegaujub oᴋausinga tusarsiuk: Imâk oᴋarpoᴋ Nâlegaᴋ Nâlegaujoᴋ: Annerpanarmêk, ivsornaitoviᴋotiga pivlugo ivsornaijungnaititaungmat; Israêliblo nunanga pivlugo sujuktaungmat; Judablo ᴋitorngangit pivlugit aularutijaungmatta;

Hesekiel 25:6

Imâk oᴋarmat Nâlegaᴋ Nâlegaujoᴋ: Aggaktit pataktolaurangne, tukkarᴋataravillo itigarnut, tarnivillo ilungertorninganut mitauteᴋarlutit ᴋuviasulauravit Israêlib nunanga pivlugo;

Hosea 2:7

Anguniaᴋatigijanelo udlalârpait, angunagille; ᴋenilârpait nagvârnagille; oᴋalârpoᴋ tagva: uteromavunga uimnut sivorlermut, taipsomane idlugiarpalanersaulaurama mânamit.

Migga 4:11

Mânale inôᴋatigêksuit unuktut katimavut ilingnut, oᴋartut: Sujuktaudlarle, ijivullo takolit katjârijamingnik Zioneme.

Lukase 15:17

Tagva issumamigut erᴋailerpok oᴋarlunelo: Unuktunik atâtaga ikajorteᴋarpok nerᴋiksamik ajoksangitunik, uvangale ᴋângmut perlilerpunga.

Lukase 16:25

Abrahable oᴋautivâ: Ernîk, erᴋaumagit, inôtilutit ajungijutitit pilaurangne: Lazarusele kappiaktoadlalauktok mâna manigortauvok, igville âniatitauvotit.