Jeremiab Ogguarutigijangit 1:18 - Labrador Inuttitut Heritage Bible

¹⁸ Nâlegak idluarpok; tâpsoma perᴋojangit tapagilaurapkit; tusalauritse, inôᴋatigêngojose ilûnase, kapiasungneralo ulernairtorsiuk: uigasukka angutikkalo inôsuktut aularutijaumavut.

Jeremiab Ogguarutigijangit 1:18 Iomraidhean Croise

I Atannit 13:21

ᴋaigarsugvigivâlo Gûdib anguteᴋotinga Judamit tikkilauktok, oᴋarlunelo: Imâk Nâlegak oᴋarpok: Tamânna pivlugo Nâlekab ᴋaninga Nâlelaunginangne, perᴋojarlo Nâlekab Gûdivît perᴋojutigilauktanga illingnut mallilaunginangne,

Esra 9:13

Tamakkoalo tamaita tikkitautigijapta, pinniarniâluvut, passijaksaudlarnivullo pivlugit, kingorngane, igvit Gudivut pitlarnikinersarilaukpaptigut pijuksauniptingnit idluitullinivut pitjutigellugit, piulijauneᴋartilaukpaptigullo, sorlo mana imat.

Nehemia 9:26

Kissianele tappatolerlaukput, akkerartorpâtillo, Malligaksauᴋojattit egipait tunnumingnut, Nallautaijoᴋotitillo nakterpait, kigligiutsijut tapᴋonunga, salertuksaungmatta illingnut, oᴋarnerlutjilutiglo angijomik.

Nehemia 9:33

Igville idluarpotit, tamaine tikkitauᴋolauktarne uvaptingnut, igvit nâmaktullilauravit, uvagulle nâmangitoâlungmik pinniarlaukpogut.

Imgerut 107:11

Gûdib ôᴋausingit nâlalaunginamigit, ᴋotsingnerpângojublo attannertuininga nachogilauramitsuk;

Imgerut 119:137

Nâlegak igvit idluarpotit, idluarsainitillo idluarput.

Imgerut 119:75

Nâlegak ᴋaujimavunga idluarsainitit idluarmatta, nertornarlutillo nikkanarsârtilauramga.

Imgerut 145:17

Nâlegak idluarpok apᴋotimine tamaine, ivsornailunelo pinniarnermine tamaine.

Exodus 9:27

Tagva Farao tiliklerpok, Moseselo Aronelo ᴋairᴋovlugik, oᴋautivlugiglo: Tamattomane idluitulivunga; Nâlegak idluartôvok, uvangale inuᴋotikkalo idluitoksôvogut.

Jeremia 12:1

Idluartovotit, Nâlagaᴋ, oᴋaᴋataujomaguvit, oᴋaᴋatigijomadlaraloarpagit ilinganioᴋattartoᴋ pivlugo. Sôᴋ idluitulijut perᴋuteᴋarpaliasôngovât? Sôᴋ nalangaitomik piniarneᴋartut inilangatsiarsôngovât?

Jeremia 32:23

Tikipâllo pigilugolo; nippîlle nâlangilât, arvertalungilallônêt maligaksauᴋojarne; tamaita perᴋolauᴋtatit tâpkonunga piniaraksauᴋovlugit pinialungilait; tamanna pivlugo idluitoᴋ manna ilûnât tikitipat tâpkonunga;

Jeremia 4:17

Avatâgut ilumavât, sorlo udjertortut perorsêvingmik; ᴋepêservigingmanga, Nâlagaᴋ oᴋarpoᴋ.

Jeremia 49:12

Imâk oᴋarmat Nâlagaᴋ: Ahâk, ipkoa imertuksaulaungikaloartut ᴋajûtarmit imertuksaulârput; igvillo pidlartaujuksaungitotôvêt? pidlartaungilulângilatit, imidlartuksauvotille.

Jeremiab Ogguarutigijangit 1:12

Sunaungilâk ilipsingnut apᴋosârapse tamaunâ? Takosaritse ulernairtuiluselo kapiasungneᴋarmangât kapiasungnerijaptut, uvamnut tikisimajotut, Nâlekab kapiasuktitsiningatut uvamnik ningaumajârnersoangata uvlungane.

Jeremiab Ogguarutigijangit 3:42

Uvagut tappalaukpogut akkerartorlutalo; igvit issumagijungnainilungilatit.

Jeremiab Ogguarutigijangit 5:16

Niaᴋôtik kataksimavut niaᴋuptingnit. Kapianarmêk uvagut! Idluitulidlalaurapta.

Daniel 9:5

Idluitulidlarpogut takormôrlutalo, nitornangitomik piniarpogut oᴋautsarêdlutalo, sanguvluta aglât piᴋojarnit idluarijarnillo;

Daniel 9:7

Igvit, Nâlegaᴋ, idluarniᴋ pigivat, uvagulli kangusuktuksauvogut, sorlo mâna ilingangmatta angutit Jûdamêtut, Jerusalimiblo inungit, Israêlitillo ilûnatik ᴋanitomêtut ungasiktomêtullo nunani tamaini ajaktortauvigijangini ilingnut tapaningit pivlugit, ilingnut piniarnirijangit.

Amos 8:13

Uvlorme tâpsomane uigasuit taututsiariktut nukapiallo ᴋaujimangeromârput ᴋêlernermut.

Sefania 3:5

Nâlegak tagvanêtok idluartôvok; tâmna idluituliniangilak; ᴋaujarangat idluarsainine ᴋaumajomut pitipâ, nipotilungilak; idluitulle kangusulungilat.

Saggaria 1:6

Oᴋausimale kajusijutigijamalo, perᴋolauktama kivgamnut nalautaijunut, atâtase angulaungilagît? Tâpkoalo sâput oᴋarlutiglo: Sorlo Nâlegak kajusilaurame ᴋanok piniarvigijomavluta apᴋutigijavut piniarnerijavullo maliklugit, taimak piniarvigivâtigut.

Rômiunut 2:5

Igville ômativît mangaidlarninganut ᴋaᴋialeromangininganullo ᴋallerêktitsivotit nangminernut ningautsemik ningautsib uvluksanganut Gûdiblo erᴋartuiningata idluartub saᴋᴋijârvianut.

Rômiunut 3:19

Kaujimavogulle, perᴋojat oᴋausingit taipkonunga perᴋojalingnut pingmatta; ᴋanit ilûnatik simiktauᴋovlugit, silaᴋsûblo inungit ilûnatik pasijaksauᴋovlugit Gûdib sângane.

Deuteronomy 32:4

Kairtôvok, suliangit ᴋaᴋiarnangimarikput; apᴋotingit ilûnatik idluartôvut; Gûdeovok nelâgôrtok idluineᴋatsangitorlo, idluartôvok nertornarlunelo.

Idluarsaijut 1:7

Tagva Adoni Besek oᴋarpok: Atanit 70 git kippiviomajut kublomingnik aggangine, puttogomingniglo itigangine, kattersoilaukput nerrimârvingma atâne. Sorlo mânna uvanga pinnialaurama, taimak Gûdib akkinniarvigivânga. Atauvorlo Jerusalemut, toᴋolunelo tagvane.

I Samuel 15:23

Nalanginek angakokterniôngmat, akkerartornerlo kivgartorniôvok Gudeungitunik, Gudingoaniglo. Mannalo Nalekab oᴋausingit singalukogilaurangne, tapsoma singalukogilaurivâtit attannioᴋonak Israelitinut.