Jeremiab Ogguarutigijangit 1:17 - Labrador Inuttitut Heritage Bible

¹⁷ Zionib aggane isakpait; manigoijiksaᴋangilarle tâpsominga; Nâlegak perᴋojivok Jâko pivlugo ilumajingit ômisukteoᴋovlugit tâpsominga; Jerusalem akornganêpok ivjornartotut-idlune.

Jeremiab Ogguarutigijangit 1:17 Iomraidhean Croise

I Atannit 8:22

Salomoblo Nâlekab Altarekotinga sângerpa, illagêt Israelitit ilûnnamasiatik najortillugit, agganelo issangmivait ᴋillangmut,

I Atannit 8:38

Tuksiartut ᴋenujullo tamaita, inuit nellîllonêt, inuᴋotitit Israelitillonêt, tukkisilerpatta attunît omatimik pagvinarninganik, aggatiglo issangniarpatigik iglomut omunga;

II Atannit 25:1

Pijoᴋalaukporlo atannioningata Jâringita 9 ingane, takkit 10 ingata uvlungita 10 ingane, tagva Nebukadnezar Babelemiut atanningata sorsuktuksaksoakotine tamaita ilagillugit tikkipok Jerusalemut; illumavaillo, talluliorlaitalo.

Okaluktok 4:1

Sangulaukpungalo, takkonârlaukpakkalo ilûnaita idluitulliviojut sekᴋerngûb atâne: ahâglo, idluitulliviojut ᴋugvingit tagvanêlaukput, manigoijeᴋalaungilello; idluitullilauktullo tâpkonunga pitsartuluarlaukput manigoijeᴋarungnarᴋonagit.

Jesaiase 1:15

Aggaselo uvamnut issagalloarapsigik, kênara ijerpara illipsingnut; tuksiaᴋattaralloarapse, tussangilapse, aggase auliksôngmatta.

Jesaiase 54:11

Ajulidlartotit, tiktautitaujotit aᴋᴋonamut, manigoijeᴋangitotit, ahâk, ujarᴋatit illijomârpakka ânanausivlugit, tungaveᴋartillutillo ujarᴋanik tungujoᴋtanik,

Jeremia 12:9

Kingormgutijara tingmiatut taᴋsapatâᴋtotut ilingavâ uvamnût? Tingmiat arᴋtaijut kativât ilumavlugô? Aileritse, katersoileritse nergjutinik naternamêtunik, tamaungautilugillo ningutsiᴋovlugit tâpsominga.

Jeremia 15:5

Kia naiperᴋutiginiarᴋâtît, Jerusalêm? Kialônêt oggoriniarkâtît? Kinalônêt sanguniarᴋâ ᴋanoelinganît aperᴋutigivlugô?

Jeremia 16:6

Angijut mikijullo toᴋojuksauvut nuname tamattomane; iluvertaulângilat, inuillo oggorilângilait, killersilângilat nangminermingnik tâpkoa pivlugit, sallijaujutigilângilaillônêt.

Jeremia 34:22

Ahâk, perᴋojijomavunga, oᴋarpoᴋ Nâlagaᴋ, utertitsomavlugillo iglugasaksoarnut ukkununga, sorᴋsukvigijomârpaillo, tigulugillo, ikoâlatitsomârpait ikomamut; Judablo iglugasaksoangit sunairutitsomârpakka, inuᴋarungnaimariklutik.

Jeremia 4:31

Nippimik tusarsimagama sorlo ernisuktûb nippinganik, sorlo ernisuᴋârtûb kapiasungninganik, Zionib paningata nippinganik, anerterikaluktûb, aggangminiglo issivitsijûb, oᴋartûblo: Kapianarmêk uvanga! Tarniga nukingêrutivoᴋ inuartut pivlugit.

Jeremia 6:3

Mianersijut saugaᴋotitik ilagivlugit tikitsomârpât; tuperteromârput nalâne tâmna ilumavlugo; nerrijomârpullo ilûnatik atunit innimine.

Jeremia 8:18

ᴋanoktôk manigorlanga uvamnik kiksarnimne! ômatiga nukkingêrutivoᴋ ilumne.

Jeremiab Ogguarutigijangit 1:16

Tamakkoa pivlugit ᴋeavunga, ijîkka korlorpuk imermik, tarnima manigoijiksanga ungasidlarmat uvamnit; ᴋitorngakka manigorutiksairutivut, ômigijikka sâlaᴋarmatta.

Jeremiab Ogguarutigijangit 1:19

Ungagijikka ᴋaigarsugvigilaukpakka, uivêrivângale; ajoᴋertuijikka angajoᴋâkkalo anernangerput iglugasaksoarne, ᴋeneriartortilugit nerᴋiksamik inôsingita nakoᴋsijutiksanganik.

Jeremiab Ogguarutigijangit 1:2

Unnuarme ᴋeadlarpok, ᴋugvingit ulluanginêput; ungagijingita ilûnatik akorngane manigoijuksaᴋalungilak: ilannârijingita ilûnatik pingitsertorvigivât, ômisukteolerput tâpsominga.

Jeremiab Ogguarutigijangit 1:21

Anersauminera tusartaugaloarpok; manigoijomajoᴋangilarle uvamnik; ômigijima ilûnatik kiksauteᴋarnera tusaumavât, ᴋuviasutuinarpulle taimailaurama. Uvlok oᴋautigilauktat neliutititsomârpat, tâpkoalo uvaptut-ilârput.

Jeremiab Ogguarutigijangit 1:8

Jerusalem sôngojomik idluitulilaukpok; taimaimat ilingavok ivjornartungortitaumajotut; ilûnatik opigosulauktut tâpsominga naggogivât, takogamik ussinganinganik; ilâ, anersaumivok, tunumullo sanguvok.

Jeremiab Ogguarutigijangit 1:9

Annorâne salumaitilaukpait; erᴋailungilarlo kinguniksaminik; taimaimat tatamnadlartomik oggotitauvok; manigoijuksaᴋangilarlo. Nâlegak, kapiasuktitaunera takosalauruk, ômisuktok angijorortingmat nangminerminik.

Jeremiab Ogguarutigijangit 4:15

ᴋaigarsugvigivait: Pêritse, ivjornartose; pêritse, pêritse, aktorniaratigut! ᴋemâgamik avâlaklutiglo, oᴋartoᴋarpok nelojut akorngane: Tamâne nunaᴋartuksaungilat.

Hesekiel 36:17

Inûb erninga, Israêlib ᴋitorngangit nunamingne nunaᴋalaungmatta, nuna ivsornartipât iluserijamingnut piniarnerijamingnullo; iluserijangit sâmne ilingalauᴋput arnab ivsornarningatut neliuneᴋarnermine.

Hosea 8:8

Israêl êjauvoᴋ; mâna inôᴋatigêksuit akornganêpoᴋ pôgutatut ᴋuviagijaungitotut.