Jeremiab Ogguarutigijangit 1:11 - Labrador Inuttitut Heritage Bible

¹¹ Inungit ilûnatik anersaumivut nerᴋiksarsiorlutik; perᴋutitik ᴋuvianartut taungniutigivait nerᴋiksamik inôtsemik nakoksijutiksanganik. Nâlegak, takosalaurit ulernairtuilutillo, naggonartungorama.

Jeremiab Ogguarutigijangit 1:11 Iomraidhean Croise

II Atannit 6:25

Kâviksoakadlarporlo Samariame. Iglugasaksuit illumavait, siuteᴋoktôjub niakunga akkekakârtinago kênaujanik, Silberlingemik atelingnik, 80 ginik. Taubillo annangit oktutib Kabemik attiggub sittamauliviningat akkekakârtinagit Silberlinginik 5 nik.

Hiobe 40:4

“Ahâk kuksalailaukpunga, sunamik kiojaksarivagît? Aggakka illivakka ᴋannimnut.

Imgerut 79:4

Sillaliptingnut kangusuktitaksangorpogut, mittautiksangorlutalo, allêᴋutiksangorlaptalo avatiptingnêtunnut.

Jeremia 15:19

Taimaimat Nâlagaᴋ oᴋarpoᴋ imâk: Sâgiaruvit, utertitsomalerivagit, nangerungnarmiᴋovlutit sâmne; ivlernartorlo avigungne piungitomit, ᴋaniptut ilingajomârpotit; tâpkoa sâtuksauvut ilingnut, igville sâtuksaungilatit tâpkonunga.

Jeremia 19:9

Nerrititsomârpakkalo ernermik uvininginik paningmiglo uvininginik, ilûnatiglo nerrijomârput ilanârijamik uvininginik, ilumajaunerme siorniornartunalo, ômigijingita inôsingitalo pinasuartingita siorniortitsiningine tâpkoninga.

Jeremia 38:9

Nâlagara ataniojotit, angutit ukkua idluitulivut tamaine piniarningine Jeremiamut nalautaijomut, ningititamingnut itersaliarmut; toᴋojungnarpoᴋ inime najortamine, kângnartoᴋsoaᴋ pitjutigilugo; nerᴋiksaᴋarungnairmat iglugasaksoarne.

Jeremia 52:6

Taᴋᴋit sittamangita uvlungita 9ingane kâksoaᴋ sugaludlarpoᴋ iglugasaksoarne, nerᴋiksaᴋangilarlo nunab inunginut.

Jeremiab Ogguarutigijangit 1:8

Jerusalem sôngojomik idluitulilaukpok; taimaimat ilingavok ivjornartungortitaumajotut; ilûnatik opigosulauktut tâpsominga naggogivât, takogamik ussinganinganik; ilâ, anersaumivok, tunumullo sanguvok.

Jeremiab Ogguarutigijangit 1:9

Annorâne salumaitilaukpait; erᴋailungilarlo kinguniksaminik; taimaimat tatamnadlartomik oggotitauvok; manigoijuksaᴋangilarlo. Nâlegak, kapiasuktitaunera takosalauruk, ômisuktok angijorortingmat nangminerminik.

Jeremiab Ogguarutigijangit 2:11

Ijîkka ᴋugveᴋarungnaipuk, ergavikka kapiasuktitauvut, tinguga nunamut kovijauvok, inôᴋatima paningata asserortauninga pivlugo; sorusiarsuit amâmaktullo ᴋaujimangermatta iglugasaksuit apᴋosineâlungine.

Jeremiab Ogguarutigijangit 2:12

Anânamingnut oᴋarput: Nerᴋiksamiktôk, vainemiglo! ᴋaujimajungnairamik ikilersimajutitut iglugasaksuit apᴋosineâlungine, tarningêramiglo sarliartauvlutik anânamingnut.

Jeremiab Ogguarutigijangit 2:20

Takosalaurit, Nâlegak, ulernairsilutillo kina taimailiorvigimangângne! Arnat erniarijatik nerrijaksarivagît, nutarârsuit ᴋiggertagalâktitaujut aggangnût? Ajoᴋertuijok nelautaijorlo toᴋotaujuksauvât Nâlekab katimaviksoanganê?

Jeremiab Ogguarutigijangit 5:1

Nalegak, erᴋailaurit sunamut tikitaumangâpta; takosarit, mitautaunivullo ulernaigilauruk.