Kolossamiunut 3:5 - Labrador Inuttitut Heritage Bible

⁵ Tamanna pivlugo avatise nunamêtut toᴋoniarsigik, imaitut: assiniarnek, maᴋojungnartulinek, kangunartomik êgiangusâdlarnek, ikligunek, pijomatudlarnerlo, Gûdiungitunik kivgartorniojok tamanna.

Kolossamiunut 3:5 Iomraidhean Croise

Exodus 37:22

Paungangoangit akerungillo tâmnatsainauvut: ilûnnane goldeovok ilaᴋangitok katjuksimajok.

Mattêuse 15:19

Omamit erᴋarsautikulluit pingmatta, inuarnerlo, nuliarêngnermik asserorsainerlo, assiniarnerlo, tiglingnerlo, sagluterᴋarnerlo, mitauteᴋarnerlo.

Rômiunut 1:26

Taimaimat Gûdib allarpait kataktilugit ikligunernut; arnangit atornitik kiglormut atornerluklugo pingmatta.

Rômiunut 1:29

Idluitunik tamainik tattadlutik, ikligudlarnermiglo, uivêdlarnermiglo, pijomatudlarnermiglo, ningarnermiglo, ômisungnermiglo tattadlutik inuarosungnermiglo, annâtôtisungunermiglo, terliaᴋatainermiglo, kigguitojoᴋsôlarmiglo;

Rômiunut 6:13

Avatisetauᴋ pitiniarasigik ajortomut, sakkugitaililugit idluitomut; Gûdemulle ilipsingnik tunititse, toᴋungajunit ômartutitut; avatiselo Gûdemut tunisigik sakkuᴋovlugit idluartomut.

Rômiunut 6:6

Kaujimavluta, tâpsoma inutoᴋavut kikiaktortauᴋatigingmago saningajolingmut, time, ajornerub pinga, atorungnairᴋovlugo, ajortomik kivgartorᴋonata kingorngane.

Rômiunut 7:23

Assianigle perᴋojamik avatimnêtomik tukkisivunga, issumama perᴋojanganut akkerartortomik; tâpsoma kivgautipânga ajornerub perᴋojanganut, avatimnêtomut.

Rômiunut 7:5

Uviningmêtiluta ikligunerit idluitulerᴋojijut, perᴋojanut ômariktitaujut, sôngolauᴋput avatiptingne, toᴋo piksaᴋartilugo.

Rômiunut 8:13

Uvinik maliklugo inôniarupse, toᴋojomârpose; Anernermulle uvingub pingit toᴋoniarupsigik, inôjomârpose.

I Korintemiunut 5:1

Ilûnâne tussaumajaudlarpose, ajortulijoᴋarpogôk akunapsingne, ajortulinermiglo taimaitomik aglât nalojullônêt ᴋaujimangitanganik, ilangata atâtame nulianga nuliaringmago.

I Korintemiunut 6:11

Taimailiulauktut ilapse ilangit; ubvarsimavlusele ivjornaitisimavluselo idluartisimavose, Nâlekab Jêsusib atinganut Gûdiptalo Anerninganut.

I Korintemiunut 6:13

Nerᴋiksat ilingavut natjangnut, natjaglo ilingavuk nerᴋiksanut. Gûdible tâpkoa tamaita atorungnairᴋojomârpait. Timele ajortulinermut ilingajuksaungilak, Nâlekamulle, Nâlegarlo timemut.

I Korintemiunut 6:18

Assiniarnek uloreagisiuk. Inûb idluituliningit ilûnatik timingata avatâne pivut, assiniartorle ajortulivok timiminik asseruidlarlune.

II Korintemiunut 12:21

(Sivôravungalo) piuluatangititauniarama pivluse, tikingmiguma, kiksartuksauniarlungalo unuktut idluitulilauᴋtut pivlugit, ᴋaᴋialilaungitullo maᴋojungnartulinerilauᴋtatik, assiniarnerilauᴋtatiglo illoᴋeudlarnerilautatiglo pivlugit.

Galâtsiamiunut 5:24

Kristusible inuᴋotingita uvinitik ikligunerit kajungilârnerillo illaliudlugit pitipait seningajolingmut.

Efêsusemiunut 4:19

Taipkoa ikpigijungnangitut ingmingnik tunivut ajortulinermut, maᴋojungnartuniglo sunatuinarnik piniarlutik angijomik, pijomatudlarlutiglo.

Kolossamiunut 2:11

Tâpsomanetauk kipimavose, kipijaunermut aggangnu-ungitok, time ajortolik uviningmêtok pêjarapsiuk, tagva Kristûsib kipititsininganut;

I Tessalônikamiunut 4:3

Tamadja Gûdib pijomajanga: ivjornaituksaunise, assiniarneᴋ ulloreagivlugo.

I Tessalônikamiunut 4:5

Ikligunermut êgiangusâdlarane nelojutitut Gûdemik ᴋaujimangitutitut.

I Timôteusemut 6:10

Pijomatudlarnek amângongmat ajortunut tamainut. Tamanna ilangita ikligilauramitsuk, okpernek tamaigivât, kappianartoksoarniglo ingmingnut pititsivut.

Ebrêerinut 12:16

Assiniartoᴋarᴋonagolo, Gûdemut issumaᴋangitoᴋarᴋonagolônêt Esauetut-itomik; tâpsoma nerᴋiksaᴋ atausênaᴋ pivlugo erniangoᴋârnine niorvgutigigamiuk.

Ebrêerinut 13:4

Nuliarêngneᴋ idluatsainarle tamaine, nuliarêllo innangaviat ivsornaile; assiniartulle nuliarêngnermiglo asseroijut Gûdib erᴋartoromârpait.

Ebrêerinut 13:5

Iliornise pijomatudlarnermik illaᴋarniarane, pigijase tamâne nâmagisigik. Nangmineᴋ oᴋarmat: Kemangniatsangilagit allarniarnaglônêt.

Jâkobusib 4:1

Akkerartôtinek sorsungnerlo akunapsingne nakit pivâ? Ikligunek timipse avatingine ataniotijok pitjutigingilaûk?

I Pêtrusib 2:11

Nagligijaujose ᴋatangutit, takorngartaujose nunagingitapsingnêtoselo inerterpapse: Uviniub ikliguninginik atortailititse, taipkoa tarne akkerartormatsuk;

Takotitaunermik 21:8

Maggogusertulle, okpingitullo, maᴋojungnartullo, inuartullo, assiniartullo, angakôjullo, Gûdeungituniglo kivgartortut, saglojullo ilûnatik, tâpkoa pijaksaunerijomârtangit ᴋôrᴋumêput orᴋsorutelingmik ikomaᴋsoalingme; tamadja toᴋub aipanga.

Takotitaunermik 22:15

Silatânêpulle ᴋingmît tôrngijut, ajortulijullo, inuartullo, gûdingoaniglo kivgartortut, ilûnatiglo saglunermik ivlersijut, saglovlutiglo pijut.