Kolossamiunut 2:3 - Labrador Inuttitut Heritage Bible

³ Perᴋutit ilisimajutiksat ilitarsijutiksallo tamaita tâpsomane ijersimangmatta.

Kolossamiunut 2:3 Iomraidhean Croise

I Atannit 3:28

Idluarsainerlo tamânna, atanniub attorlauktanga tusaumajaulerpok Israelitit ilûnnnamasianginut, atannerlo sivoragivât; takkogamik Gûdib ilisimaninga tapsomanêmat, idluarsainermik attorlune.

Hiobe 28:21

Inôjut tamaita ijinginnit ergusimavok, ijersimavorlotauk tingmitjanit ᴋilaub atânêtunit.

Salomob Okâl 2:4

ᴋenerungne Silberetut, nautsertorungnelo pivianartoksojutitut:

Jesaiase 11:2

Tâmnalo Nâlekab anerningata tupvigijomârpâ: anernerub sillatunartub illisimanartublo, anernerub issumagiktitsijub pitsartutitsijublo, anernerub illitarsititsijub sivoratitsijublo Nâlekamik.

Jesaiase 40:14

Kina appersorᴋaûk, sillatunermik tunnitjiviojomavlune? Kimullo ajoᴋertortauvâ idluarsaijub apᴋutiksanganik, kimullo ajoᴋertortauvâ illisimanermik, kialo ajoᴋertorᴋaûk sillatujub apᴋutiksanganik?

Mattêuse 10:26

Tamanna pivlugo erᴋsiginiarasigik. Sagvangitoᴋangilak sakᴋertitauniangitomik, angigutjuteᴋangilarlo ᴋaujijauniangitomik.

Lukase 11:49

Tamanna pivlugo Gûdib silatuninga oᴋarpok: Nelautaijut Apostelillo tilijomavakka tâpkonunga; taipkoa ilangit toᴋotsomârpait, ilangillo unangmivlugit.

Rômiunut 11:33

Inornarmêk Gûdib akluitoᴋsôningata itininga, tamangnik: silatujoᴋsônermik nalotuitoᴋsônermiglo! Ila tâpsoma kajusimaningit tukkisijaujungnangilat, apᴋotingillo nautsertortaujungnaratik!

I Korintemiunut 1:24

ᴋaiᴋojaumajunulle, Jûdinullo Grîᴋinullo, Kristûse oᴋautigivavut, Gûdib pitsartuninga Gûdiblo silatuninga.

I Korintemiunut 1:30

Tâpsomûnale ilipse Kristûse Jêsusemêpose; tâmna Gûdib illisimajutiksangortipâ uvaptingnut, idluarsijutiksangordlugolo, ivjornaijutiksangordlugolo, piulijaujutiksangordlugolo.

Efêsusemiunut 1:8

Tamattominga angijomik pititaujogut sunatuinarnik illisimatitauvluta silatutitauvlutalo.

Kolossamiunut 1:19

(Atâtab) idluaringmago pitaᴋaloringnek ilûnane tâpsomanêrᴋovlugo.

Kolossamiunut 1:28

Tâmna oᴋautigivavut, inuit tamaita ᴋaiblarlugit, ajoᴋertorlugillo inuit tamaita, silatunivut ilûnât atorlugo; inuit ilûnatik atunit nâmaksitiniaromavlugit Kristûse Jêsuseme.

Kolossamiunut 1:9

Tamanna pivlugo uvaguttauk uvlormit taimangat tussaumalaurapta tamattominga, soraijunata tuksiarpogut pivluse, ᴋenuvlutalo, ilumertaukovluse ilitarsinermik pijomajanganik, ilisimavalliavluselo silatuvalliaᴋovluse taimainik anernilingnik.

Kolossamiunut 3:16

Kristûsib oᴋausingit ineᴋartisigik angijomik ilipsingne, ilisimanartunut tamainut (ilingavluse); ajoᴋertortigêgitse erᴋaititsijigêkluselo imgerutinut nertordlerutiksanut, tuksiarutsinullo anernelingnut, imgerluselo tussarnertunut ômatipsigut tuksiarluse Nâlekamut.

Kolossamiunut 3:3

Toᴋomagapse, inôsiselo Kristûse ilagivlugo ijersimavoᴋ Gûdeme.

II Pêtrusib 1:5

Tagva ajungitapsingnut ataruilileritse, okpernipsingnullo saᴋᴋijârtitsileritse ajungitulinermik, ajungitulinermullo illisimanermik;

Takotitaunermik 2:17

Siutiliub tussarligit Anernerub oᴋausingit illagênut: Sâlaᴋartok nerrititsomavara Mannanik ijersimajunik; tunitjivigijomavaralo ujarᴋamik ᴋaᴋortamik, atermiglo nutâmik ujarᴋamut aglaksimajomik, kimut illitarijaungitomik, inuata kisime (illitarivâ).