Kolossamiunut 2:2 - Labrador Inuttitut Heritage Bible

² Omatingit ᴋaiblartauᴋovlugit ᴋelaksortigêrᴋovlugillo naglingnikut, akluilerᴋovlugillo ilisimajutiksanik tamainik nakimarninangitunik, Gûdemik Atâtamiglo Kristûsemiglo nalonartok illitarilerdlugo.

Kolossamiunut 2:2 Iomraidhean Croise

I Atannit 3:28

Idluarsainerlo tamânna, atanniub attorlauktanga tusaumajaulerpok Israelitit ilûnnnamasianginut, atannerlo sivoragivât; takkogamik Gûdib ilisimaninga tapsomanêmat, idluarsainermik attorlune.

Imgerut 133:1

Ahak, ânanaudlarmêk, takkoranidlarmêglo, ᴋattangutigêt issumaᴋarᴋattigêklutik iglomioᴋattigêkpâtta.

Jesaiase 32:17

Idluarnerublo sullijanga tagva ullapirsaut, idluarnerublo saᴋᴋertitanga tagva merngoerserviksaᴋ terlingnartoᴋ, soraingitoᴋ.

Jesaiase 40:1

Manigolersigik, manigolersigik inuᴋotikka, oᴋarpoᴋ Gûdise.

Jesaiase 53:11

Tarnime siorniorninga pivlugo nãmaksititaunerminik takojomârpoᴋ, illitarᴋsinerminullo kivgama tâpsoma idluartotôjub unuktoᴋsuit idluarsititsomârpait, ajorningit pêjaramigit.

Jeremia 9:24

Nertôtijomajuble imaitoᴋ nertûtigiliuk, tukkisigame ilitarᴋsigamelo uvamnik, Nâlagaugamalo piniarneᴋartunga pitsiarnermik, idluarsainermiglo, ajunginermiglo nuname; tamakkoa ᴋuviagigapkit, Nâlagaᴋ oᴋarpoᴋ.

Mattêuse 11:25

Taipsomane Jêsuse oᴋalerpok: Atâtak, ᴋilaublo nunablo nâlegangak, nakorivagit, ilisimajunut silatujunullo tamanna angigutjutigigangne, nutaᴋᴋatitun-itunullo nalojungnaitijutigigangne.

Mattêuse 11:27

Tamaita Atâtab tunilaukpait uvamnut. Ernermiglo ilitarsijokangilak, Atâtab kissime ilitarivâ; Atâtamiglo ilitarsijokanginivok, Ernerub kissime, Ernerublo nalojungnaititsomajangita ilitarivât.

Mattêuse 13:11

Kiovait oᴋautivlugillo: Ilipse Gûdib nâlegauvingata nalonarninganik ᴋaujititauvose; taipkoale tamattominga tunitjiviongilat.

Lukase 1:1

Unuktut aglagasualaungmatta, oᴋautsit unipkausingortilugit pijoᴋalauktut akunaptingne pivlugit;

Johannese 10:30

Uvangalo Atâtalo atausiovoguk.

Johannese 10:38

Piniarnerigupkille, piniarnerit okperisigik, uvanga okperijomangikupsinga, ilitarsilerᴋovluse okpilerluselo, Atâta uvamnêngmat uvangalo tâpsomanênama.

Johannese 16:15

Tamaita Atâtab pigijangit pigivakka. Tamanna pivlugo oᴋautivapse: Pimnit tigusiniarpok oᴋautigilugolo ilipsingnut.

Johannese 17:3

Tamadjauvorle inôgut nungusuitok: ilitarsilune ilingnik, kisivit nelâgut Gûdeogavit tililauktarniglo Jêsuse Kristûsemik.

Johannese 5:17

Jêsusible kiovait: Atâtaga mânamut tikidlune piniarpok uvangalo piniarivunga.

Johannese 5:23

Ernek ilûnainut nâlektauᴋovlugo, sôrlo Atâta nâlengmatsuk. Ernermik nâlengitok Atâtamiktauk nâlenginivok tilijinganik.

Johannese 6:69

Uvagullo okpilauᴋpogut illitarsilerlutalo, Kristûseogavit, Gûdib ômajub Erninga.

Apostelit Piniarningit 4:32

Okpertulle unuktoksôjut atautsemik ômateᴋarlarmiglo, atautsemik tarneᴋarput (sorlo); perᴋutimingniglo oᴋartoᴋangilat piminik tailugit, tamaitale adsigêktomik avikpait ingmingnut.

Rômiunut 15:13

Gûdible nerriuktitsijub ilumertilise tamainik ᴋuviasungnermiglo ulapirsaumiglo okpernermut, nerriugijaksaᴋarmarerᴋovluse Anernerub ajunginerub pitsartuninganut.

Rômiunut 16:25

Ilipsingnigle sôngotitsijungnartoᴋ, oᴋautsinut tussarnertunut oᴋautigijamnut Jêsuse Kristusemik, (tamakkutigûna nalonalauᴋtoᴋ nalonairpoᴋ, silaᴋsûb pigiarninganit oᴋautaulaungitoᴋ;

Rômiunut 2:4

Ubvalo akluininga pitsiarnermik ᴋenuersârnermiglo kamangitsertornermiglo nachogiviûk? ᴋaujimangilatît, Gûdib pitsiarningata tassiormatit ᴋaᴋialernermût?

I Korintemiunut 14:31

Ilûnase tukkeᴋartitsiluse oᴋâlatuinariaᴋarpose Nalliᴋârluse, ilûnatik ilinniarᴋovlugit, ilûnaitalo ᴋaiblartauᴋovlugit.

I Korintemiunut 2:12

Uvagulle silaksûb anerninganik pingilagut, Anernermigle Gûdemit pijomik; ᴋaûjijungnarᴋovluta Gûdemit tunergusiaptingnik.

Galâtsiamiunut 3:28

Tagvane Jûdillônêt Grîᴋillônêt, tagvane kivgallônêt kivgaungitullônêt, tagvane angutillônêt arnallônêt adsigêngitoᴋangilat; ilûnase atausiogapse Kristuse Jêsuseme.

Efêsusemiunut 1:7

Tâpsomane piulijauviksaᴋarapta aunganut, tamadja ajornernit issumagijaujungnainermik, saimarsaumik akluiningagut;

Efêsusemiunut 3:16

Tâpsomunga tunitsivioᴋovluse pitsartunermik ânanauningata amigangidlarninga maliklugo, sangijôtitauvluse Anerninganut ilupsigut,

Efêsusemiunut 3:3

Takotitjutikut nalojungnaititaugama nalonalauᴋtomik ipsominga, (sorlo sivorngagut oᴋautsinut ikitunut aglalaurama.

Efêsusemiunut 6:22

Tamanna pivlugo tililauᴋpara ilipsingnut, tussarᴋojomavluse ilinganimnik, tâmnalo ômatipsingnik manigoiᴋovlugo.

Filippimiunut 2:1

Ilipsingne tagva kaiblaijoᴋarpat Kristuseme, manigoijoᴋarpat naglingnerme, illagêktoᴋarpat Anernerme, ômamut naglingniktoᴋarlunelo nâpkiniktoᴋarpat;

Filippimiunut 3:8

Ila angijomik piungilutarivakka tamaita, pijomavlugo idluarᴋejangat, illitarsineᴋ Kristuse Jêsusemik Nâlekamik; tâmna pivlugo tamaita piungilutarilauᴋtakka, aktarlukugivakkalo, Kristuse pijomavlugo.

Kolossamiunut 1:26

Tamadsa nalonartok imna silaksûb pigiarninganit, kinguvângoᴋatigênullo pijoᴋalauktunut angigutjutaulauktok, mânale nalonairtisimavok ivjornaitoᴋotinginut.

Kolossamiunut 1:27

Gûdib nelonaijaivigijomangmagit nelonartub tamattoma inornadlarninganik nelojune, tâgva Kristûsemik ilupsingnêtomik, ânanâvaksônermik nerriugutiksaujomik.

Kolossamiunut 1:9

Tamanna pivlugo uvaguttauk uvlormit taimangat tussaumalaurapta tamattominga, soraijunata tuksiarpogut pivluse, ᴋenuvlutalo, ilumertaukovluse ilitarsinermik pijomajanganik, ilisimavalliavluselo silatuvalliaᴋovluse taimainik anernilingnik.

Kolossamiunut 2:19

Ataviginago niaᴋok; tâpsomangat time iluitok navgoanut nukkingnullo ikajortauvok nukkeᴋarlerdlune, katitaularmelo, aglivalliavlunelo Gûdib aglivalliatitsininganut.

Kolossamiunut 3:14

Tamakkoale tamaita ᴋângitigut atiniarsiuk naglingnek, tagva nâmaksinerub ᴋelaksûtâ.

Kolossamiunut 4:3

Taimaktauk pivluta tuksiarmititse, Gûde upkuamik angmailerᴋovlugo oᴋautsinut, Kristûsib nalonarnersoanga oᴋautigijauᴋovlugo; tamanna pivlugo ᴋelaksugauvungatauk;

Kolossamiunut 4:8

Tamanna pivlugo tâmna tilivara ilipsingnut, nautsertorᴋovlugo, ᴋanok ilingangmangâpse, ômatise nakoksitilugit.

I Tessalônikamiunut 1:5

Oᴋautsit tusarnertut oᴋautigijapta tikingmase, oᴋausituinarnu-ungitoᴋ, pitsartunermulle Anernermullo ajunginermut, nakimarninangitôvlutiglo angijomik; ilipse ᴋaujimavase, ᴋanoᴋ ilingalaungmangâpta akunapsingne, ilipse pivluse.

I Tessalônikamiunut 3:2

Timôteuselo ᴋatangutivut, Gûdib kivganga, uvagullo piniaᴋativut oᴋautsinik tussarnertunik Kristûse pivlugo, tililauᴋpavut nakoᴋsititauᴋovluse kaiblartauᴋovluselo okpernipsingne;

I Tessalônikamiunut 5:14

Kaiblarpapsele, ᴋatangutivut, iluserluktut inertersigik, ômatikitut manigorsigik, sangêtut merngortôtiginiarasigik ᴋenuersâritselo ilûnainut.

I Timôteusemut 3:16

Akkerartortaujungnangitomik angijôvoᴋ Gûdemut okpernerub nalonarninga: Gûde uvingme sakᴋijârsimavok, idluartitauvlune anernermigut, takotilune Engelinut, oᴋautigijauvlune nelojunut, okperijauvlune nuname, ᴋongmuartitauvlune ânanaunivingmut.

Ebrêerinut 10:22

Aivigilavut tagva, ômamut mikselingmut, okpermarikluta, serparsartauvluta ômatiptigut, ᴋelarudjârtauvlutalo issumamit passijaksaujomit, ubvarsimavlutalo timiptigut imermut ivjornaitomut;

Ebrêerinut 6:11

Tamattomingale ataruilerᴋovapse ilûnase atunit, nerriugijaksaᴋ ᴋolarutigijungnairlugo naggatânut.

II Pêtrusib 1:10

Tamanna pivlugo, ᴋatangutikka, ataruililuaritse, ᴋairᴋojaumanise anerimaniselo aulajuitilugit. Taimailiorupse, sumullônêt aporniangilase.

II Pêtrusib 1:3

Tâpsoma Gûdib pitsartuningata tunitsivigingmâtigut tamainik inôtsiarnermut arvertarnermullo Gûdib idluarijanganut ilingajunik, illitarsinermut tâpsominga uvaptingnik ᴋairᴋojijomik ânanaunerminut ajunginerminullo;

II Pêtrusib 3:18

Nâlegaptale Piulijiptalo Jêsusib Kristûsib saimarsautâne illitarsinermelo tâpsominga aglivalliatitse. Tâmna nertortaule tamattomane issoᴋangitomullo. Amen.

I Johannesib 3:19

Tamattomangat nalojungnairpogut miksiᴋârnimênapta, ômativullo manigorungnarpavut tâpsoma sângani.

I Johannesib 5:7

Pingasôngmatta kigligiutsijut (ᴋilangmi: Atâta Oᴋauserlo, Anernerlo ajunginiᴋ; pingasullo tâpkoa atausiovut.