Kolossamiunut 2:16 - Labrador Inuttitut Heritage Bible

¹⁶ Taimaimat erᴋartortaujariaᴋatsangilase kimut nerᴋiksarlônêt imiksarlônêt pivlugik, uvloksiorvîllônêt, takᴋêlaillônêt, Sabatillônêt pivlugit.

Kolossamiunut 2:16 Iomraidhean Croise

II Atannit 4:23

Tamna oᴋarpok: Sôg aivigijomaviûk? Uvlome takᴋêlaulungimat Sabbateolungilarlonêt. Tamna (arnak) oᴋarpok: Nipportuinarit.

I Kronika 23:31

Tunnergutiksallo ôtaksat ilûnaita tunnilugit Nalekamut Sabbatine, takᴋêlânelo uvloksiorvingnelo, unurningit sorlo pijariaᴋarmatta malliklugit, taimailiutsainarᴋovlugit Nalekab sângane;

II Kronika 31:3

Attanniublo perᴋutime illangit tunniᴋattarpait tunnergutiksanut ôtaksanut uvlaksiutinut, unnuksiutinullo, tunnergutiksanullo ôtaksanut, Sabbatesiutinut, taᴋᴋêlasiutinullo, uvloksiorviksiutinullo; sorlo Nalekab perᴋojangine aglaksimangmat.

Nehemia 10:31

Nunablo inuᴋattigêksoangita Sabbatib uvlungane, ᴋaitsileraikpatta niorvgutiksanik, nerᴋiksaniglo sunatuinarnik niorvgosijomavlutik, tigujomanginaptigik Sabbatine, uvlunelo ivsornaitune; Jârillo 7ingane akkiliaksat sunatuinait akkilertaujungnairᴋojomagaptigik.

Nehemia 10:33

Tagva ᴋakᴋojaksanut takkojaksanut, tunnergutiksanullo nerᴋiksanut uvlunut tamainut ilingajunut, tunnergutiksanullo otaksanut uvlunut tamainut, Sabbatinullo, takkêlanullo uvloksiorvingnullo ilingajunut, ivsornaititaumajunut, tunnergutiksanullo ajortoêrutiksanut, Israelitit ullapᴋosertauᴋovlugit, pinniaraksanullo tamainut Gûdipta iglungine.

Nehemia 8:9

Nehemiablo Hatirsastaôjub (nunab aulatingata) Esrablo ajoᴋertuijub, aglanik ilisimajub, Levitillo, inugasaksoarnik ajoᴋertuijut, inugasaksuit ilûnâmasiatik oᴋautivait: Uvlok tamânna ivsornaitôvok Nâlekamut Gûdipsingnut; kiksarniarase ᴋêaniaraselo. Inugasaksuit ilûnâmasiatik ᴋêagamik perᴋojat oᴋausertangit tussaramigit.

Imgerut 42:4

Tamanna issumagigupko, tagva ômattiga nâvipara illumne; aiᴋattaujomadlarama kattimgajunnut, agvertarᴋattigijomavlugillo Gûdib iglunganut, ᴋuviasudlarlunga ᴋujalidlarlungalo kattimgajut uvloksiortut akkorngane.

Imgerut 81:3

Takkêlame tiptulausijaritse: taᴋᴋiub angmaloriksiningane, uvloksiorvipta uvlungane.

Jesaiase 1:13

Tunergutinik nerᴋiksanik nallâgôngitunik ᴋaitsijungnairitse; tippegiksaut maᴋojugivara; taᴋᴋerub nutaulervingit (uvloᴋsiorutigijase) sabatillo kattimaniksallo pivlugit kamajomangilanga, uvloᴋsiortilluse idluitulligapse.

Hesekiel 4:14

Uvangale oᴋarpunga: Eᴋ, Nâlegaᴋ Nâlegaujotit, takolaurit, tarniga ivsornartitaulauᴋsimangilaᴋ: sorusionimnit mâna tikidlugo ᴋiᴋlovinermik kêsuktublônêt aliktortavininganik nerrilauᴋsimangilanga; nerᴋemiglônêt maᴋojungnartomik oᴋomisilauᴋsimangilanga.

Hesekiel 45:17

Angajoᴋâᴋsublo tunijaksarivait tunergutiksat ôtaksat, tunergutiksallo nerᴋiksat, tunergutiksallo imiksat uvloᴋsiorvingne, taᴋᴋêlarnelo, sabbatinelo, Israêlib ᴋitorngangita uvloᴋsiorvioᴋojangine tamaine, tâpsoma atuinarutitaksarivait tunergutiksat ajortoêrutiksat, tunergutiksallo nerᴋiksat, tunergutiksallo ôtaksat, tunergutiksallo ulapᴋosertaujutiksat, Israêlib ᴋitorngangita ulapᴋosertaujutiksangat.

Leviticus 16:31

Sabbateovok merngoerserviksak erᴋarnadlartok ilipsingnut, tarniselo nikanarsartitaksarivase; perᴋojak tamanna soᴋosijuituksauvok.

Amos 8:5

Oᴋarluse: ᴋanga takᴋêlak ᴋângersimaniarᴋâ, aulaijungnarᴋovluta sanaugaksanîk? Sabbatelô, saᴋᴋijârtitsijungnarᴋovluta senaugaksanîk? Oktût efa miklilitilugo, kênaujarlo sekele akkitunersautilugo, nalâgôngitomiglo piniarluta kiktitautinut nalautsilungitunut;

Numbers 10:10

Taimaktauᴋ uvlorme ᴋuviasugvigijapsingne, uvloᴋsiorvipsingnelo, taᴋᴋipselo pigiarningine, tiptulausijartuksauvose tunergutiksase pivlugit, tunergutiksaselo ᴋujaliutiksat tunergusertaujut pivlugit; erᴋaititsijutigijaksarivaselo Gûdipse sângane; Uvangauvunga Gûdise.

Mattêuse 15:11

ᴋanikut itertub inuk sujuktingilâ; ᴋanikulle anijub inuk sujuktipâ.

Markuse 7:19

Omatânut pinginamik natjangnulle pivut, iluserivaktamiktullo anititaulerivut, nerᴋititut ilûnaititut.

Apostelit Piniarningit 15:20

Aglagvigilugille Gûdeungitut salumainarninginik perᴋonagit, arnaniarᴋonagillo anguniarᴋonagillônêt; ipimajomiglo aungmiglo nerriᴋonagit.

Rômiunut 14:10

Igville, sôᴋ ᴋatangutit erᴋartorpiûk? Igvillônêt, aipâ, sôᴋ ᴋatangutit nachogiviûk? Ilûnata saᴋᴋertitaujomârpogut Kristusib erᴋartuiviata sângane.

Galâtsiamiunut 4:10

Uvlut, taᴋᴋillo, neliutullo, jârillo uvloᴋsiorutigivase (Jûdititut).

Kolossamiunut 2:20

Tagva Kristûse ilagivlugo silaksûb inungita ilusioᴋojanginit, toᴋolerapse, sôk oᴋumaititaulerpisê ilusioᴋojaujunut, sorlo silaksoarme sulle inônajarupsetût?

Ebrêerinut 13:9

Aulatautailititse ajoᴋertûtsinut sunatuinarnut tussarngartanullo; pivianadlarmat, ômat aulajungnangerpat; tamanna saimarsaumut pivoᴋ, nerᴋinut pinane, atungimatta tamakkoa pinasuartimingnut.

Ebrêerinut 9:10

Taimaitut nerᴋiksarlo, imiksarlo ubvarnerillo sunatuinait, ivjornailijutiksallo uvinikut ilusioᴋojaulauᴋput, âᴋiksortauviat neliutitsiarivlugo.

Jâkobusib 4:11

Terliarᴋatainiarase ilapsingnik, ᴋatangutikka. ᴋatangutiminik terliarᴋataijub, ᴋatangutiminiglo erᴋartuijub, tâpsoma perᴋojat terliarᴋatarivait, perᴋojallo erᴋartorpait. Perᴋojanigle erᴋartuiguvit, perᴋojanik malikteolungilatit, erᴋartuijôvotille.

I Samuel 20:18

Jonathanelo oᴋarpok tapsomunga: Kaupat takᴋêlauvok, tagva apperᴋutigijauniarpotit; kingomajauniaravit iksivavigivaktarne.

I Samuel 20:5

Davide oᴋarpok tapsomunga: Ahâk, ᴋaupat takᴋêlauvok, attannek illagilugo iksivaᴋattaujuksauviga nerrimârvingme; ailanga tagva, natername ijerᴋovlunga uvluk pingajuak unnunga tikkidlugo.