Kolossamiunut 1:6 - Labrador Inuttitut Heritage Bible

⁶ Tamakkoa ilipsingnut tikisimangmatta, sorlotauk silaksoarmiunut tamainut, kibligutivlutiglo, ilupsingnetauk uvlormit taimangat tussaumalaurapse tamakkoninga Gûdiblo saimarsautâ nalâgut illitarivlugo.

Kolossamiunut 1:6 Iomraidhean Croise

Imgerut 110:3

Sâlaᴋarnivît uvloksoangane inuᴋotivit malligomârpâtit ᴋunnutuidlutik, ânanausijaunelijarlutik ivsornaitomik. Inûtsûᴋotitit tikkilerput illingnut mitsuksoaktut ᴋaub aupalungningata sânganit sorlo.

Imgerut 98:3

Saimarveᴋarnine, mikseᴋârninelo erᴋarpak Israelib iglunga pitjutigellugo. Sillaksub issungita tamaita Gûdipta piuliklerninga takᴋovât.

Mattêuse 24:14

Oᴋautsillo tussarnertut nâlegauvingmik oᴋautaujomârput silaksoarme ilûnâne, inuᴋatigêt ilûnatik nalojungnairutiksanganut; tâva silaksûb naggatiksanga naliutijomârpok.

Mattêuse 28:19

Tamanna pivlugo aileritse, inuᴋatigêksuillo tamaita ajoᴋertorsigik, baptilugillo Atâtab, Ernerublo, Anernerublo ajunginerub atinganut;

Markuse 16:15

Oᴋautivaillo: Silaᴋsoarmut ilûnânut ainiaritse, oᴋautsillo tussarnertut oᴋautigisigik inungnut tamainut.

Markuse 4:8

Illangillo katakput nunamut ivjoriktomut, nuilerlutiglo perorlarmiglo perorsiaksaᴋalerput sulugainermingne: illangit 30 nik, illangillo 60 nik, illangillo 100 nik.

Johannese 15:16

Anerilaungilapsinga, anerilauᴋpapsele, isumagivluselo, paungaᴋariartorᴋovluse, paungaᴋarniselo soᴋoserᴋonago; Atâta tuksiarvigigupsiuk atimne, tamattominga tunijerᴋovlugo ilipsingnut.

Johannese 17:19

Tâpkoa pivlugit ivjornailivunga, tâpkoatauk ivjornailerᴋovlugit mikseᴋârnerme.

Johannese 4:23

Neliutsomârporle, neliutijarêrporlo tuksiartut nelâgôrtut Atâtamik tuksiarveᴋarvingat anernerme mikseᴋârnermelo; Atâtalo taimaitunik tuksiartiminik pijomavok.

Apostelit Piniarningit 11:18

Tamanna tusaramitsuk nipangerput, Gûdelo nertorpât, oᴋarlutiglo: Tagva Gûdib nalojuttauk tunitgivigilaukpait isumatârnermik inôtsemut.

Apostelit Piniarningit 12:24

Gûdible oᴋausingit aglivalliavlutiglo siamarterput.

Apostelit Piniarningit 16:14

Arnarlo Gûdemik opigosuktok, Lîdiamik atilik, niuverte aupaluktanik (annorânik), Tiatîramiut iglugasaksoanginit pijok, nâletsiarpok; tâpsoma ômatâ Nâlekab angmarpâ, Paulusib oᴋausingit kamagitsiarlugit.

Apostelit Piniarningit 26:18

Ijingit uititaulerᴋovlugit, taᴋtomit sâgiarᴋovlugit ᴋaumajomut, Sâtanasiblo pitsartuninganit Gûdemut; ajorninginit isumangnarungnaitomik kingormgutijaksamiglo pititauᴋovlugit, ivjornaititaujut ilagivlugit, okpernermut uvamut uvamnut.

Rômiunut 1:13

Naloᴋojomangilapsele ᴋatangutikka, kajusimaᴋattarlunga tikitsomalaurapse issumapkut, ajungitomik pititsijomavlunga ilipsingnetauᴋ, sorlo nalojune assipsingne; agviartauᴋattarlungale mâna tikidlugo.

Rômiunut 15:19

Nalunaikutanut pitsartudlartunut tatamnartunullo, Gûdib Anerningata pitsartuninganut. Taimak, Jerusalemit aularlunga, erᴋânelo ilûnâne Illîriamut tikidlunga, Kristusib oᴋausingit tussarnertut oᴋâlatigilauᴋpakka tamainut;

Rômiunut 15:28

Tamanna tagva pinialaurupko, tujôtiksanik âtsivigilauᴋlugit, aijomârnimne Spaniamut apᴋosaromavapse.

Rômiunut 16:26

Mânale nalonairsimavoᴋ, nalautaijullo aglanginut issoᴋangitoᴋsûb Gûdib perᴋojanga maliklugo oᴋautigijaujoᴋ, nalojunut tamainut, okpilerniarᴋovlugit nâlaklutik,)

II Korintemiunut 10:14

Ungasiluadlartomut pinginapta, inorluse perᴋojaujutitut; ilipsingnulletauᴋ tikisimavogut oᴋautsit tussarnertut Kristûsemik oᴋâlatigilugit.

II Korintemiunut 6:1

Uvagulle piniarᴋattaugapta kaiblarpapsetauᴋ Gûdib saimarsautânik sulinase pilerᴋonase.

Efêsusemiunut 3:2

Sorlo tussaumagapse kivgartornermik Gûdib saimarsautânik, tunijaumajomik uvamnut pivluse;

Efêsusemiunut 4:21

Tâpsominga tussarluse tâpsomanelo ajoᴋertortaujomavluse pilaurupse: tagva, sorlo mikseᴋârneᴋ Jêsusemêngmat,

Efêsusemiunut 4:23

Nutângoleritsele issumapse anerningagut;

Efêsusemiunut 5:9

Arvertaritse ᴋaumajub ᴋitorngangititut. Anernerub perortitangit tamadsa: Sunatuinarnik ajungituliniarneᴋ, idluarnerlo, mikseᴋârnerlo.

Filippimiunut 1:11

Idluarnerub perortitanginik ilumertauluse, Jêsuse Kristusikut (ilupsingne) pijunik, Gûde nertortauᴋovlugo nakoridlartauᴋovlugolo.

Filippimiunut 4:17

Tunitsivionasuarlunga pingilanga, peᴋangârviksaᴋarᴋojomavlusele nautsertortauniarvipsingne.

Kolossamiunut 1:10

Idluartomik arvertarᴋovluse Nâlekamut ᴋuviagijauvluse ilûnâne, pivalliarᴋovluselo ajungitulinerne tamaine;

Kolossamiunut 1:23

Okpernerme tunganilivluse sôngolerupse sorairase, aulataililuselo oᴋautsit tussarnertut nerriugijauᴋojangine, tussaumajase, oᴋautigijaujut pingortisimajunut tamainut ᴋilaub atânêtunut; tamakkonunga uvanga Pauluse kivgaliarimajunga.

I Tessalônikamiunut 1:5

Oᴋautsit tusarnertut oᴋautigijapta tikingmase, oᴋausituinarnu-ungitoᴋ, pitsartunermulle Anernermullo ajunginermut, nakimarninangitôvlutiglo angijomik; ilipse ᴋaujimavase, ᴋanoᴋ ilingalaungmangâpta akunapsingne, ilipse pivluse.

I Tessalônikamiunut 2:13

Tamanna pivlugo uvaguttauᴋ sorairata Gûde ᴋujagivavut: Gûdib oᴋausinginik tussartapsingnik uvaptingnut ajoᴋertortaugapse, tamakkoa illaliulaurapsigik inûb oᴋausingititu-ungitoᴋ, Gûdible oᴋausingititut; sorlo mikseᴋârtôngmatta, pitsartujoᴋsôvlutiglo ilupsingne, ilipse okpertose.

II Tessalônikamiunut 2:13

Uvagulle Gûdemik ᴋujalijutigijariaᴋatsainarpapse, Katangutivut, Nâlekab nagligijangit, kiglinganit Gûdib anerilaungmase piulijauᴋovluse, Anernerub ivsornaititsininganut, mikseᴋârnermiglo okpernermut:

I Pêtrusib 5:12

Silvânuse ᴋatangutise nertornartoᴋ (taimainasugijara) ukkuninga neksarniarmat, aglagvigiarsulauᴋpapse kaiblarluse, kigligiutigilugolo, Gûdib saimarsautâ tattigijase okpernartôngmat.