Kolossamiunut 1:5 - Labrador Inuttitut Heritage Bible

⁵ Nerriugijaksak pivlugo, ᴋomergutaumajok ilipsingnut piksauvlune ᴋilangme, sivorngagut tussalauktase oᴋautsitigut tussarnertutigut mikseᴋârtutigut.

Kolossamiunut 1:5 Iomraidhean Croise

Imgerut 31:19

Ila angijoksôvok pitsiarnît, ijertet sivôrajut illingnik, pivlugit saᴋᴋertello tatteᴋartunut illingnik, Inuit ᴋittorngangita takkoane!

Lukase 12:33

Perᴋutise niorvgutigisigik tunergutigivlugillo. Pôksiniaritse pitoᴋauniangitunik, perᴋutitârniardluselo ᴋilangme asserojuitunik, tigliguillo sapertanginik, ᴋaurulillo asserorungnangitanginik.

Apostelit Piniarningit 10:36

Oᴋautsit taipkoa Gûdib tilikliutigilauktangit Israêlib ᴋitornganginut ᴋaujimavase, oᴋautjauᴋongmagit ulapirsaumik Jêsuse Kristusekut, ilûnatik Nâlegangatigut.

Apostelit Piniarningit 13:26

Ilipse angutit ᴋatangutigêt, Abrahab kinguvângita ᴋitorngangit, Gûdemiglo sivôrajut ilipsingne, oᴋautsit piulijaujutiksamik tamattominga tilikliutjauvut ilipsingnut.

Apostelit Piniarningit 23:6

Paulusible ᴋaujimagamigit, ilangit Saduzêeriongmatta, ilangillo Farisêeriongmatta, niplialerpok kiglisiniartut akorngane. Ilipse angutit ᴋatangutigêt, Farisêeriovunga, Farisêeriblo ernerivanga; erᴋartortauvunga nerriukama toᴋungajut makitsomârninginik.

Apostelit Piniarningit 24:15

Gûdelo okperivlugo nerriungneᴋarpunga tâpkoa nangminek nerriugijanganik, pijomârtome makiviksaᴋaromârmat tokungajunut, idluartunullo idluangitunullo.

Rômiunut 10:8

Kanorle oᴋarᴋâ? Oᴋauseᴋ ilingnut ᴋanipoᴋ ᴋanerne ômatingnelo-iname; tamadja oᴋauseᴋ okpernermik oᴋautigijavut.

I Korintemiunut 13:13

Mânale makkoa pingasut: okpernerlo, nerriungnerlo, naglingnerlo sokᴋoserniangilat. Naglingnerlo tamakkonangat anginerpauvok.

I Korintemiunut 15:19

Mâne kisiane inôtiluta Kristûse neriugilauruptigo, inungnit tamainit ajulernerpângovogut.

II Korintemiunut 5:19

Gûdib Kristûsemêdlune silaᴋsûb inungit ulapirsarmagit ingminut, ajorninginit issumagijungnaivigilugit, ulapirsainartomiglo ilumertiluta oᴋâlaᴋovâtigut.

II Korintemiunut 6:7

Mikseᴋârtomik oᴋauseᴋarluta, Gûdemit pitsartuneᴋarluta idluarnerub pingit sakkogivlugit talerpiptigut saumiptigullo;

Galâtsiamiunut 2:14

Takogapkille, oᴋautsit tussarnertut mikseᴋârningat maliklugo idluartomik arvertangimatta, Pêtruse oᴋarvigivara, ilûnatik tussâtilugit: Igvit Jûdeojotit nelojôlauᴋtutitut inôniaravit Jûdetullo iluseᴋanginavit; sôᴋ nelojôlauᴋtut inerterlugit inôniarᴋovigît Jûdit ilusingititût?

Galâtsiamiunut 2:5

Anikitoarsungmiglônêt taipkununga sâlagijaujomanata nâlelaungilavut, oᴋautsit tussarnertut mikseᴋârningit ilipsingnêtsainarᴋovlugit.

Galâtsiamiunut 5:5

Uvagulle Anernerme utaᴋivogut idluarsititauniarnermik okpernermut nerriugijaksaᴋarluta.

Efêsusemiunut 1:13

Tâpsomûna ilipsetauᴋ oᴋauseᴋ mikseᴋârtoᴋ tussaumagapsiuk, tamadja oᴋautsit tussarnertut piulijauviksapsingnik; tâpsomûnatauᴋ okpilerapse, Anernermik ajunginermik angerutaumajomik naᴋititsiviovose.

Efêsusemiunut 4:21

Tâpsominga tussarluse tâpsomanelo ajoᴋertortaujomavluse pilaurupse: tagva, sorlo mikseᴋârneᴋ Jêsusemêngmat,

Kolossamiunut 1:23

Okpernerme tunganilivluse sôngolerupse sorairase, aulataililuselo oᴋautsit tussarnertut nerriugijauᴋojangine, tussaumajase, oᴋautigijaujut pingortisimajunut tamainut ᴋilaub atânêtunut; tamakkonunga uvanga Pauluse kivgaliarimajunga.

Kolossamiunut 1:27

Gûdib nelonaijaivigijomangmagit nelonartub tamattoma inornadlarninganik nelojune, tâgva Kristûsemik ilupsingnêtomik, ânanâvaksônermik nerriugutiksaujomik.

Kolossamiunut 3:16

Kristûsib oᴋausingit ineᴋartisigik angijomik ilipsingne, ilisimanartunut tamainut (ilingavluse); ajoᴋertortigêgitse erᴋaititsijigêkluselo imgerutinut nertordlerutiksanut, tuksiarutsinullo anernelingnut, imgerluselo tussarnertunut ômatipsigut tuksiarluse Nâlekamut.

I Tessalônikamiunut 2:13

Tamanna pivlugo uvaguttauᴋ sorairata Gûde ᴋujagivavut: Gûdib oᴋausinginik tussartapsingnik uvaptingnut ajoᴋertortaugapse, tamakkoa illaliulaurapsigik inûb oᴋausingititu-ungitoᴋ, Gûdible oᴋausingititut; sorlo mikseᴋârtôngmatta, pitsartujoᴋsôvlutiglo ilupsingne, ilipse okpertose.

II Tessalônikamiunut 2:16

Nâlegaptale Jêsusib Kristusib (nangmineᴋ), Gûdiptalo Atâtapta, uvaptingnik nagligosuktub, saimarsainerminullo manigornartomik nâksaungitomik, nerriugijaksamiglo ajungitomik tunitjivigilauramitigut,

I Timôteusemut 1:15

Oᴋausek okpernartoᴋsôjok tamadja, angijomik nâleluariaᴋarnek, Kristûse Jêsuse nunamut tikingmat idluitulijut piulijartorlugit, tâpkonangat uvanga anginerôjunga.

II Timôteusemut 4:8

Ilâ mâna idluarnerub niaᴋôtâ ilimavok piksamnut, Nâlekab idluartomik erᴋartuijub tunijomârtanga uvamnut uvluksame ipsomane; uvamnutuinaungitorle, ilûnainulletauk sakᴋerninganik ᴋuviasûteᴋartunut.

Titusemut 1:2

Nerriugilugo inôsek nâksaungitok, tamanna Gûdib saglotuitub angersimanerilauᴋtanga, silaᴋsoak pigiarᴋârtinago;

Ebrêerinut 7:19

Perᴋojat nâmaksititsijungnangimatta; nerriugutiksamigle ajunginersamik pititauvogut, Gûdemut ᴋaglijutigijungnartaptingnik.

I Pêtrusib 2:2

Kipiniaritselo imungmik silatunilingmik akkusimangitomik, nutaᴋatitut erniangoᴋamertutitut, aglivalliaᴋovluse tamattomunga;

I Pêtrusib 3:15

Nâlegarle nertorsiuk ômatipsingne. Opalungairsimatsainaritsele akiorlugit ilûnaita ᴋaujititaujomajut nerriungnerijapse ilupsingnêtub tungaveᴋarninganik;

II Pêtrusib 1:12

Taimaimat katsunganiangilanga tamakkoninga kaiblatsainarluse, tamakkoa ᴋaujimagalloarapsigik, tunganilimavluselo mikseᴋârnermik mâna saᴋᴋijârtomik.

I Johannesib 3:3

Naliat taimaitomik nirriungniᴋartoᴋ tâpsomunga, tâmna ivsornailiniarpoᴋ, sorlo tâmna ivsornaingmat.