Kolossamiunut 1:16 - Labrador Inuttitut Heritage Bible

¹⁶ Tâpsomûna ilûnaita pingortitaungmatta, ᴋilangmêtullo nunamêtullo, takuksaujullo takuksaungitullo, iksivautaksuillo, nâlegauvîllo ataniotinerillo, pitsartujoᴋsuillo; ilûnamatsiatik pingortitaulaukput tâpsomûna tâpsomungalo.

Kolossamiunut 1:16 Iomraidhean Croise

I Kronika 29:11

Igvit, anginek, pitsartunerlo ânanaunerlo, sâlaᴋarnerlo, ussornarnarnerlo pigivattit. Ilûnaita ᴋilangmêtut nunamêtullo nangminerigangne. Igvit Nalegak nalegaunek pigivat, pôktojovaksôvotit angajoᴋaksoangolutillo ilûnainut.

Nehemia 9:6

Nâlegak igvitôvotit, igvit ᴋilak pingortilaukpat, ᴋilaillo tamaita ᴋilangit, katimgajoksoangit illaliudlugit, nuna tamaitalo tapsomanêtut, immarbiksuit, tamaitalo tapᴋoa ilûanêtut. Igvillo tamaita pairivattit; ᴋilangmiugaseksuillo tuksiarvigivâtit.

Salomob Okâl 16:4

Nâlegak pinniarpok tamainik pijomajane malliklugo, Gûdeᴋangitoktauk uvlormut idluinelingmut ilingatipa.

Jesaiase 43:21

Inuit tâpkoa âᴋiksorpakka uvamnut, nertornadlarnera oᴋautigijaksarivât.

Jesaiase 44:24

Nâlegaᴋ piulijit, pairijit anânavit timinganit oᴋarpoᴋ imâk: Uvanga Nâlegauvunga, tamainik piniartunga; kissima ᴋilak issivipara nunamiglo nerrototitsivunga, ikajorteᴋarnanga.

Johannese 1:10

Silaᴋsoarmêlauᴋtok, silaᴋsoarlo tâpsomunga pingortitauvok; silaᴋsoarmiullo illitaringilât.

Johannese 1:3

Tamaitaᴋsuit tâpsomunga pingortitauvut, tâpsomalo assiagut pingortisimangilat pingortisimajut.

Rômiunut 11:36

Tâpsomangat, tâpsomûnalo tâpsomungalo ilûnamatsiatikingmatta. Tâmna nertortaudlarle issoᴋangitomut. Amen.

Rômiunut 8:38

Kaujimavikama, toᴋublônêt, inôtsiblônêt, Engeliblônêt, nâlegaunîllônêt, pitsartunerillônêt, naliusimajullônêt, naliutsomârtullônêt,

Rômiunut 9:5

Tâpkoa atâtagivait sivorlît, tâpkonangat Kristuse uvinikut tikisimavoᴋ; tâmna tamainut Gûdeovoᴋ, nertortaujoᴋ issoᴋangitomut. Amen.

I Korintemiunut 8:6

Taimaigalloartilugo, atausênarmik Gûdeᴋarpogut, Atâtamik; tâpsomangat ilûnnamatsiatik pivut, uvagullo tâpsomanêpogut; atausênarmiglo Nâlegaᴋarpogut Jêsuse Kristûsemik, tâpsomûna ilûnnamatsiatik pivut uvagullo tâpsomûna.

Efêsusemiunut 1:10

Naliutikpatta uvlut oᴋautigijauᴋovlugo, tamaita ᴋilangmêtullo nunamêtullo atautsemut niaᴋomut katititsomavlugit Kristuseme, tâpsomuna nangmineᴋ;

Efêsusemiunut 6:12

Uviningmullo aungmullo sorsugiaᴋanginapta, ataniviksoarnulle pitsartujoᴋsoarnullo, silaᴋsûb ataninginut, silaᴋsûb mattoma tâᴋtôningane ataniotijunut, anernernut ajortunut ᴋilaub atânêtunut.

Deuteronomy 4:39

Taimaimat nelojungnailerit uvlome, ômamiutarilugolo, Nâlegak tâmnaungmat ᴋilangme pâne, nunamelo atâne Gûdeojok; nelleᴋangilak.

Filippimiunut 2:10

Jêsusib attingane sêrᴋut ilûnatik sêrᴋortortuksaungmatta nâlengnermut, ᴋilangmêtullo nunamêtullo, nunab atanêtullo:

Kolossamiunut 1:15

Tâmna Gûdib takuksaungitub adsiluanga, erniangoᴋârtok pingortitaumajunit ilûnainit.

Kolossamiunut 1:20

Tâpsomûnalo ilûnaita ullapᴋosertauᴋovlugit ingminut nunametullo ᴋilangmêtullo, saningajolingme aunganut, saimarsaijomavlune nangminerminut.

Kolossamiunut 2:10

Ilipselo nâmaksivose tâpsomane, nâlegauvîllo pitsartunerillo ilûnamatsiatik niaᴋorijangane.

Kolossamiunut 2:15

Nâlegauvîllo pitsartujoksuillo sakkuêlaukpait, sakᴋertilugillo ilûnatik takoane, ajugaujotit aulartinamigit nangminermigut.

Ebrêerinut 1:2

Kingorlermik Ernikut oᴋalauᴋpoᴋ uvaptingnut uvlune tamakkonane. Tâmna kingormgujijuksangortilauᴋpâ tamaitaᴋsoarnik, tâpsomûnatauᴋ silaᴋsoaᴋ pingortilauᴋpâ.

Ebrêerinut 2:10

Pijariaᴋalaungmat Gûdemut (tamaitaᴋsuit tâmna pivlugo ingmatta, tâpsomungalo tamaitaᴋsuit pingmatta) âniatitaunermut nâmaksititsomavlugo tâmna ᴋitornganik unuktunik ânanaunivingmut pititsijoᴋ, tâpkoalo piulijigiangat Nâlegaᴋ.

I Pêtrusib 3:22

Tâmna ᴋilaliarame, Gûdib talerpiata tungânêpoᴋ, Engelillo, atanersuillo, pitsartudlartullo naipertorpât.