Kolossamiunut 1:10 - Labrador Inuttitut Heritage Bible

¹⁰ Idluartomik arvertarᴋovluse Nâlekamut ᴋuviagijauvluse ilûnâne, pivalliarᴋovluselo ajungitulinerne tamaine;

Kolossamiunut 1:10 Iomraidhean Croise

Salomob Okâl 16:7

Nalliata apᴋotingit Nâlekamut ᴋuviagijaukpatta, tagva omigijingittauk nâmaksartipait tapsominga.

Jesaiase 53:11

Tarnime siorniorninga pivlugo nãmaksititaunerminik takojomârpoᴋ, illitarᴋsinerminullo kivgama tâpsoma idluartotôjub unuktoᴋsuit idluarsititsomârpait, ajorningit pêjaramigit.

Daniel 12:4

Igvilli, Danieli, oᴋautsit matukit, aglaillo naᴋitikit, naggatiksab naliuninga tikidlugo; unuktut aᴋpasugomârput utitaᴋatalutik, ilisimanilo aglivaliajomârpoᴋ.

Migga 4:5

Inôᴋatigêt ilûnatik atunit arvertaromârmatta gudimik attingane, uvagullo arvertatsainaromârpogut Nâlekab Gudipta attingane, soraijuidluta.

Habakûb 2:14

Nunaᴋsoaᴋ tatatsomârmat ilitarᴋsinermik Nâlekab opinartoᴋsôninganik, sôrlo imaᴋsuit imarbik ulingmatsuk.

Johannese 15:16

Anerilaungilapsinga, anerilauᴋpapsele, isumagivluselo, paungaᴋariartorᴋovluse, paungaᴋarniselo soᴋoserᴋonago; Atâta tuksiarvigigupsiuk atimne, tamattominga tunijerᴋovlugo ilipsingnut.

Johannese 15:8

Tamakutigûna Atâtaga nertortauniarpok, paungaᴋarnialerupse unuktunik, ilinniarteolerluselo uvamnut.

Johannese 17:3

Tamadjauvorle inôgut nungusuitok: ilitarsilune ilingnik, kisivit nelâgut Gûdeogavit tililauktarniglo Jêsuse Kristûsemik.

Rômiunut 1:13

Naloᴋojomangilapsele ᴋatangutikka, kajusimaᴋattarlunga tikitsomalaurapse issumapkut, ajungitomik pititsijomavlunga ilipsingnetauᴋ, sorlo nalojune assipsingne; agviartauᴋattarlungale mâna tikidlugo.

Rômiunut 4:12

Kipimajunuttauᴋ atâtaulerᴋovlugo, kipimajunulle kissênu-ungitoᴋ, tâpkonungaletauᴋ, arvertartunut atâtapta Abrahab okperninga, kipijauᴋârane pigijanga, tupjarlugo.

Rômiunut 6:4

Taimaimat ilijartortauᴋatigimavavut baptijutikut toᴋomut, sorlo Kristuse toᴋungajunit tupaktitaungmat Atâtab ânanaunersoanganut, taimaktauᴋ uvagut inôsertâme arvertartuksauvogut.

II Korintemiunut 2:14

Gûdele ᴋujagiviktaule! ajugautitsainarmatigut Kristuseme, tâpsominga illitarsineᴋ tippigiktotut ᴋaujitingmago nunane tamaine, uvagut atorluta.

II Korintemiunut 4:6

Gûdele, ᴋaumajomik nuerᴋojijoᴋ tâᴋtomit, ômatiptingne ᴋaumarsaivoᴋ, uvaptigut nellonarungnaititauᴋovlugo illitarsineᴋ Gûdib pinnarnarninganik Jêsusib Kristûsib sângane.

II Korintemiunut 5:9

Taimaimat najoruptigolônêt avisimaguptigolônêt, ilinganasuarpogut tâpsomunga ᴋuviagijaujomavluta.

II Korintemiunut 9:8

Gûdible tunergutit tamaita unulertitsungnarpait ilipsingnut, tamainik ajoᴋsangitsainarᴋovluse, tunergutiksaᴋarᴋovluselo ajungitulijutaujungnartunik tamainik.

Efêsusemiunut 1:17

Nâlegapta Jêsusib Kristusib Gûdinganut, ânanaunerub Atâtanganut, tunitjivioᴋovluse Anernermik illisimanartomik nalonaititsijomiglo, tâmna (Kristuse) illitaritsiarlugo.

Efêsusemiunut 2:10

Sanamajigigaptigo, pingortitauvluta Kristuse Jêsuseme ajungitulerᴋovluta, Gûdib sivorngagut âᴋiksulaungmatigut, taimailiorᴋovluta.

Efêsusemiunut 4:1

Tagva mâna kaiblarpapse, uvanga ᴋelaksugaujunga Nâlegaᴋ pivlugo, ᴋaiᴋojaumanise malitsiarlugo arvertarᴋovluse, taimak ᴋaiᴋojaugapse,

Efêsusemiunut 4:13

Ilûnata tikitsiariluta okpernermut atautsemut illitarsinermullo Gûdib erninganik, angutemariolerdluta Kristusib aglisimaringninga tikidlugo.

Efêsusemiunut 5:10

Kiglisiniaritselo, suna idluarijaungmangât Nâlekamut.

Efêsusemiunut 5:15

Tagva mâna kamatsiaritse arvertarnipsingnik, silaitutitut pinase: silatujutitulle pititse.

Efêsusemiunut 5:2

Naglingnermelo arvertaritse, sorlotauᴋ Kristusib nagligilaungmatigut, ingminiglo tunilaungmat pivluta, tunergutiksaujomavlune toᴋotaksamik, Gûdemut tipitsiariksautiksamik.

Filippimiunut 1:11

Idluarnerub perortitanginik ilumertauluse, Jêsuse Kristusikut (ilupsingne) pijunik, Gûde nertortauᴋovlugo nakoridlartauᴋovlugolo.

Filippimiunut 1:27

Arvertaritsele Kristusib oᴋausingit tussarnertut malitsiarlugit; tikigumalônêt takoluse, apsimalungalônêt tussarᴋovlunga, sôngolernipsingnik atautseme anernerme, atautsemik tarneᴋarluse sorsugiaᴋatigilutalo okperneᴋ oᴋautsinut tussarnertutnut pivlugo.

Filippimiunut 4:18

Tamainigle peᴋarpunga, peᴋaluarlunga aglât; ununârviovlunga neksartitaunipsingnik pigama Epafroditusemit, tamadja tipitsiariksautiksaᴋ, tunergut takominartoᴋ, ᴋuvianartorlo Gûdemut.

Kolossamiunut 2:19

Ataviginago niaᴋok; tâpsomangat time iluitok navgoanut nukkingnullo ikajortauvok nukkeᴋarlerdlune, katitaularmelo, aglivalliavlunelo Gûdib aglivalliatitsininganut.

Kolossamiunut 2:6

Tagva sorlo Kristûse Jêsuse ilaliulaurapsiuk, arvertarniaritse tâpsomane.

Kolossamiunut 3:20

Sorutsit ilipse, angajoᴋâse ilûnainik nâleksigik Nâlekab tamanna idluaringmago.

Kolossamiunut 4:5

Silatujomik taipkoa ilagingitase inôᴋatigisigik; atutsiarlugolo neliutok.

I Tessalônikamiunut 2:12

Kigligiutjigaptalo Gûdib nâmagijanganut arvertarᴋovluse, ᴋaiᴋojilauᴋtub ilipsingnik nâlegauvingminullo ânanauvingminullo.

I Tessalônikamiunut 4:1

Ama ᴋatangutivut, inaksorpapse kaiblarluselo Nâlekame Jêsuseme, nâmaksivalliarᴋovluse, sôrlo tussarapse uvaptingnit ᴋanoᴋ inôniariaᴋarnermik, Gûdemut ᴋuviagijauᴋovluse.

II Timôteusemut 2:4

Sorsuktuksat naliat illangiutinasuangilak nunab pinginik, idluarijaujomagame sorsuktuksauᴋojiminut.

Titusemut 3:1

Erᴋaitikit, atanivît atanersuillo atanerilugit nâleᴋovlugit, ᴋunutuidlutik piniarnernut ajungitunut tamainut;

Titusemut 3:14

Okpertoᴋativulle ilinniarlît, ajungitulijungnarᴋovlugit pijarialingnik ikajorlutik, sulingitôlerᴋonagit.

Ebrêerinut 11:5

Okpernermut Enog aularudjauvoᴋ, toᴋo takonago, nenijaunanelo, Gûdib aularutingmago; aularutjauᴋârtinago kigligiutaungmat, Gûdemut ᴋuviagijaungmat.

Ebrêerinut 13:16

Avâgosungneᴋ aitortuinerlo puigorniarasigik; tunergutit taimaitut Gûdib ᴋuviagingmagit.

Ebrêerinut 13:21

Tâpsoma idluarsarlise, ilûnâne ajungitulijungnarᴋovluse perᴋojangit piniarlugit, senalunelo ilupsingne ᴋuviagijaminik, Jêsuse Kristusikut; tâmna nâlengnarsile issoᴋangitomit issoᴋangitomut. Amen.

II Pêtrusib 1:8

Tamakkoa ilipsingnêkunik pigannêrdlutik, erᴋeasuktiniangilâse sulingitiniaraselônêt illitarsinerme Nâlegaptingnik Jêsuse Kristûsemik,

II Pêtrusib 3:18

Nâlegaptale Piulijiptalo Jêsusib Kristûsib saimarsautâne illitarsinermelo tâpsominga aglivalliatitse. Tâmna nertortaule tamattomane issoᴋangitomullo. Amen.

I Johannesib 3:22

Sumiglônêllo tuksiarluta, tunitsivioniarpogut tâpsomangat; piᴋojangit malikaptigik, sânganilo ᴋuviagijanganik piniarluta.

I Johannesib 5:20

Kaujimavogulli, Gûdib Erninga tikisimangmat silatuniᴋartipâtigullo Gûde miksiᴋârtoᴋ illitarivlugo; miksiᴋârtomêpogullo Erningane Jêsuse Kristuseme. Tâmna Gûdiovoᴋ miksiᴋârtoᴋ, inôsiolarmilo naksaungitoᴋ.

III Johannesib 1:6

Tâpkoa naglingnît oᴋautigilauᴋpât illagênut. Idluartomik pivotit, taᴋoaksaᴋartilaurangne, Gûdib nâmagijanga maliklugo.