Josua 9:17 - Labrador Inuttitut Heritage Bible

¹⁷ Israelible ᴋittorngangit aularamik uvluk pingajuangne tikkiput taipkoa iglugasaksoaᴋotinginut, atteᴋartunut Gibeonemik, Kafiramiglo, Beerotemiglo, Kiriat-Jearimemiglo.

Josua 9:17 Iomraidhean Croise

II Samuel 4:2

Sauliblo erninga anguteᴋalaukpok maggungnik angajoᴋaujungnik sorsuktuksanut; aipanga atteᴋalaukpok Baenamik, aipanga Rechobemik, Rimonib Berothemiub ernigingnik Benjaminib ᴋittornganginit pijub. Beroth Benjaminekunut illingalaungmattauk.

I Kronika 12:4

Jesmaja Gibeonemiok, angutaudlartok 30 git akkorngane, angajoᴋaujorlo 30 ginut. Jeremia, Jahesiel, Johanan, Josabad Gederamiok.

I Kronika 2:50

Tamadsa mânna Kaleb erningit: Hur, erniangoᴋârtok Efratemit; Sobal, Kiriatjearimib atâtanga;

I Kronika 2:52

Sobalelo Kiriatjearimib atâtanga, erneᴋalaukpok: Haroemik, Hazimiglo, Hamenuhotemiglo.

I Kronika 2:53

Kinguvarêllo Kiriatjearimemit pijut tapkoangovut: Jethemiut, Putemiullo, Sumatemiullo, Mizraimiullo. Tapkonangallo pilaukput, Zaregamiut, Esthaholemiullo.

I Kronika 21:29

Nalekable iglunga Mosesib sanalauktanga sunaᴋajuitome, tunnergutiksaliublo ôtaksanik Altaringat nalliutome taipsomane pôktojomêlaukpûk Gibeoneme.

Esra 2:25

Kiriatarimib Kafirablo Beerotiblo ᴋittorngangit 743 git.

Nehemia 7:29

Angutit Kiriatjearimemiut, Kafiramiullo, Beerotemiullo 743 ôlaukput.

Jeremia 26:20

Anguteᴋalauᴋpoᴋtauᴋ nalautaijomik Nâlakab attingane, Uria, Semaiab erninga, Kiriat Jearimioᴋ; tâpsoma iglugasaksuit makkoa nunalo manna nalautaijutigilauᴋpait Jeremiab oᴋauserijangit tamaita maliklugit;

Josua 10:2

Sivoradlalerput (Gibeon iglugasaksoangolaungmatta angijunik, iglugasaksoatitut attaneliktutitut, anginersaulaukporlo Aiemit angutingillo illunatik sorsugungnarlaukput.)

Josua 15:60

Kiriath-Baal, tagva Kiriath-Jearim, Harabba; iglugasaksuit magguit iglugasangillo.

Josua 15:9

Tagvangat pivok ᴋaᴋᴋab tamattoma ᴋânganit Neftoab puailavinganut, ailunelo ᴋaᴋᴋat Efronemik attiggit iglugasaksoanginut, sangulunelo Baala, tagva Kireat-Jearime tikkilugo.

Josua 18:14

Tagvangallo salerpok sangulunelo nuvungmut kangianêtomut ᴋaᴋᴋab Bethhoronib seᴋᴋernganetub seᴋᴋernganut, nâlunelo Kiriath-Baaleme, tagva Kiriath-Jearime, Judab ᴋittorngangita iglugasaksoaᴋotingine; tamadsa nuvua kangiane.

Josua 18:15

Nuvuale seᴋᴋerngane pigiarpok Kiriath-Jearimemit sangmilunelo paunga, pilunelo Nefthoab puailavinganut.

Josua 9:16

Uvlulle pingasut nâlermatta, angerᴋattigêngnermik pilauᴋârlutik, tussarput taipkoa ᴋanidlarmatta akkonermingnelo nunaᴋarniarmatta.

Josua 9:18

Ullimarlaungilaillo, tamanna pivlugo Israelitit angajoᴋangita angervigimarilaungmattigik Nalekame Israelib Gudingane. Illagêktulle illunamasiatik oᴋalokingmatta angajoᴋajanut,

Josua 9:3

Iglugasaksuille Gibeonemik attiggit innungit tussaramik sunamik Josuab pinniarnerilauktanganik Jerichomut Aiemullo issumasivut pingitsertornermik.

Josua 9:9

Tapkoa oᴋarput: Kivgattit nunnanit ᴋanningitoksoarnit tikkiput Nalekab Gudivit attinga pivlugo; tussaumajauninga tussarlauraptigo, tamaitalo pinniarnerilauktangit Egipteneme.

Idluarsaijut 18:12

Takpaungarpullo, tangmarlutiglo Kireat-Jearimeme Judametome. Tamânna pivlugo inne tamânna tailaukpât Danib tangmarvinganik uvlok tamânna tikkilugo, Kireat-Jearimib ungatanêtok.

I Samuel 6:21

Tilliklerpullo kivgartortunik Kiriatjearimemiunut, oᴋautsauᴋovaillo: Filisterit Nalekab iklervinga uttertilaukpât; attersaleritse ailugolo paunga illipsingnut.

I Samuel 7:1

Taimak innuit Kiriatjearimemiut ᴋaivut, ailugolo Nalekab iklervinga takpaunga, âlâllo Abinadab Gibeamêtub iglunganut; erningalo Eleaser ivsornaitipât udsertorᴋovlugo Nalekab iklervinganik.