Josua 8:33 - Labrador Inuttitut Heritage Bible

³³ Israelitillo illuêngarlutik, angajoᴋajatik, aulatsijitiglo idluarsaijitiglo illagilugit nangerput iklerviub sanneragingne tamangne, ajochertuijut Levitillo Nalekab angersimaningata iklervinganik akkigartut sanginne, tujormijat illagijangillo, ketterᴋangit aipaingit ᴋaᴋᴋab Grisimemik attigub sanniane, aipaingillo ᴋaᴋᴋab Ebalemik attiggub sanniane, sorlo Mosese Nalekab kivganga sivorngane perᴋojilaungmat, innugasaksuit Israelitit saimartilugit.

Josua 8:33 Iomraidhean Croise

Exodus 12:49

Maligaksak tâmnatsainak ilingavok inûlersimajomut nuname takorngartamullo ilipsingne nunaᴋartomut.

Leviticus 24:22

Tâpsomingatsainak maligaksaᴋartuksauvose takorngartamut takorngartaungitomullo; Uvangaugama Nâlegak Gûdise.

Numbers 15:15

Ilusiksaᴋ pitjutigivlugo, tâpsominagatsainaᴋ perᴋojaᴋartuksauvoᴋ ilipsingnullo tujormijanullo ilingajomik, perᴋojaᴋ soraijuitoᴋ kinguvângoᴋatigêngnipsingne; sôrlo ilipse pigapse, taimailingajuksaugivoᴋ tujormijaᴋ Nâlekab sângane.

Numbers 15:16

Perkojaᴋ atauseᴋ ilusioᴋojarlo atauseᴋ ilingajuksauvoᴋ ilipsingnut tujormijanullo ilipsingne nunaᴋartunut.

Numbers 15:29

Perᴋojaᴋartuksauvose atausênarmik idluitulijoᴋ pijâringitomik pivlugo, nuname inûlertoᴋ Israêlikut akorngane pivlugo, tujormijarlo akunapsingne nunaᴋartoᴋ pivlugo.

Johannese 4:20

Sivorlivut ᴋakᴋame tamâne tuksialauᴋput (Gudemut); ilipsele oᴋarpose: Jerusaleme kisiane tuksiarveᴋartuksaugapta.

Deuteronomy 11:29

Imaituksauvorlo, Nâlekab Gûdivît tikiutikpatit nunamut aivigijarnut pigijomavlugo, saimartitaunek oᴋâlautigijaksarivat ᴋakᴋane Geresimeme, ôminartungortitaunerlo ᴋakᴋame Ebaleme.

Deuteronomy 31:12

Inuit katimatikit, angutit arnallo sorutsillo, tujormiallo itertarvingnêtut, tusarᴋovlugit, iliniarᴋovlugillo, Nâlegarlo Gûdise sivôragilugo piᴋovlugit, kamatsiarᴋovlugillo perᴋojat makkoa oᴋausertangit ilûnatik piniarlugit;

Deuteronomy 31:25

Mosesib Levikut, akigartut Nâlekab iklervinganik kigligiutjineᴋtalingmik, perᴋovait, oᴋarlune:

Deuteronomy 31:9

Mosesiblo perᴋojat makkoa aglakpait tunilugillo ajuᴋertuijunut Levib erninginut, Nâlekab iklervinganik kigligiutjineᴋtalingmik akigartunut, Israêlekullo angajoᴋânginut tamainut.

Josua 23:2

Israelitit illuêngarlutik, angajoᴋangillo, angajoᴋaunerôjungillo idluarsaijungillo, aulatsijungillo ᴋaiᴋovait oᴋautilugillo: Innutoᴋauvunga manna, uvloᴋarlunga unnuktunik;

Josua 24:1

Josuab Israelib kinguvarêngit illunaita katterᴋovait, ᴋaiᴋolugillo Israelitit angajoᴋangit, angajoᴋaunerôjungillo, idluarsaijungillo, aulatsijungillo. Gudiblo sanganut ablorêrmatta,

Josua 3:14

Tagva manna innugasaksuit annitillugit tuppermingnit, Jordan iᴋâromavlugo ajochortuijullo angersimanerub iklervinganik akkigartillugit innugasaksuit sivornganne,

Josua 3:3

Perᴋolugillo inugasaksuit, oᴋarpullo: Takkoniarupsiuk Nalekab Gudipse angersimaningata iklervinga akkigartautillugo ajochertuijunnut Levitinnit pijunnut, tagva aularitse innigijapsingnit malliklugolo:

Josua 3:6

Ajochertuijunnullo oᴋarpok: Angersimanerub iklervinga akkigarsiuk ailerluselo innugasaksuit sivornganne. Tagva tapkoa angersimanerub iklervinga akkigarlugolo aivut innugasaksuit sivornganne.

Josua 4:10

Ajochertuijut iklervingmik akkigartut nangermatta Jordanib ᴋerᴋâne, tamaita sorartitauᴋârtinnagit Nalekab perᴋolauktangit Josuamut, innungnut oᴋauserilugit; sorlo Mosesib Josua perᴋolaungmago. Innuillo tuavilukarput ailutiglo akkianut.

Josua 4:18

Ajochertuijullo Nalekab angersimaningata iklervinganik akkigartut ᴋakkitillugit Jordanemit, tuttitillugillo allumingnut pannertomut, Jordanib iminga pilaurivok innigivaktaminut, kolunelo sivornganetut siksangangne illunane.

Josua 6:6

Tagva Josuab Nunib erningata ajochertuijut ᴋaiᴋovait oᴋautivlugillo: Angersimanerub iklervinga akkigarsiuk, ajochertuijullo 7 it naksarlit Jarib nertordlernartub tiptulautinginnik 7 nik Nalekab iklervingata sivorngane.