Josua 8:20 - Labrador Inuttitut Heritage Bible

²⁰ Angutillo Aiemiut keviarput, takkosarlutiglo uttimut, takkolutiglo iglugasaksuit isserlunganik kôngmuartomik ᴋillangmut, kemâviksakangilello ikkungalonêt tagvungalonêt. Innuillo sunnakajuitomut kemâjut tunnulerput udlatorlugit.

Josua 8:20 Iomraidhean Croise

Genesis 19:28

Sodomab Gomorrablo nunangak takosarpâ, nunablo tamattoma erᴋâ ilûnât. Takosarmallo, sunaubva, isserluksoaᴋ nunamit ᴋangatarpoᴋ, sorlo kiaksautiâlub isserluksoanga.

Hiobe 11:20

Gûdeᴋangitulle ijingit perlilerniarput, sungertuteᴋarningillo nipangerniarpok, nerriungningillo annernetuinauvok.

Imgerut 76:5

Sivurajuitut aksârnigaujungorsimavut, sinnisilerlutiglo sinimingnik; sôngojullo illunatik aggairsivut.

Jesaiase 34:10

Unnuakullõnêt uvlokullõnêt ᴋammitaksaungilaᴋ, issinga ᴋongmuaromârpoᴋ soraijuidlune, kinguvângita kingorlinginut inniksaujungnairomârpoᴋ, attautsemiglõnêt pissuktoᴋaromângilaᴋ tagvûna issoᴋangitomut.

Josua 8:19

Tagva terliarsivingmetut aularsarput innigijamingnit akpangerlutiglo, aggangit issalauᴋârlugit, tikkilutiglo iglugasaksoarnut sâlagilugillo, tuavilaukpullo, ikkilaitalo ikkomamut.

Josua 8:21

Josuale, Israelitillo illunatik takkogamik, terliarsivingmelauktut iglugasaksuit aksarnigaringmattigik, iglugasaksuit isserlunga kongmuarmat, utterivut ullimarlugillo angutit Aiemiut.

Takotitaunermik 18:9

Atanîllo nuname tâpsominga arnarnialauktut ikligudlarvigilugo, ᴋeaniarpât kappiaktoadlarutigivlugolo, ikomangata iserlunga takogamitsuk.

Takotitaunermik 19:3

Aipanganiglo oᴋarivut: Hallêluja! Iserlungallo ᴋongmuatsainarpok sorairane.

Idluarsaijut 20:38

Nallunaikuteᴋartigêlaukpulle Israelib angutingit, terliarsivingmêtullo, saviksoarmut opaklugit, isserluk iglugasaksoarnit ᴋongmuarajarpat.

Idluarsaijut 20:40

Tagva isserluk pikunga ᴋongmualerpok iglugasaksoarnit, Benjaminekullo ᴋeviarput tunnumut; ahâglo, tagva ikkomaub ikkoalaninga ᴋongmuarpok iglugasaksoarnit.

Idluarsaijut 20:41

Israeliblo angutingit sangulaurivut ᴋoaksârtilaitalo Benjaminekut; takolauramik ᴋanoêtub tikkitsomangmagit.