Josua 7:26 - Labrador Inuttitut Heritage Bible

²⁶ Ujarᴋat unnuktut perorliutivait ᴋanginnut, tapkoa tagvaneput sulle uvlok tamanna tikkilugo. Tagva Nalegak ningautsime illungertorninganit allarpok. Tamanna pivlugo nuna tamanna taijauvok, Achorib naksanganik uvlok tamannatikkilugo.

Josua 7:26 Iomraidhean Croise

II Samuel 18:17

Absalomelo tiguvât, egilugolo nappartut akkornganut ittersâlungmut, ujarᴋello unnuktut perorliutivait ᴋânganut. Israelitillo illuêngarlutik attunît ᴋemâvut igloᴋotimingnut.

II Samuel 21:14

Illijartorpaillo Saulib tapsomalo erningata Jonathanib sauningit Zelame Benjaminib nunanganêtome, atâtangata Kisib illuvinganut; pinniarlutiglo tamainik, sorlo attannek perᴋojilaungmat. Taimak Gude tamakkoa kingorngane ullapᴋosersimalaurivok nunamut.

II Kronika 29:10

Manna kajusimavunga Nalegak Israelib Gudinga angerᴋattigijomavlugo ningarninga, ᴋaningaumajarningalo allaiᴋovlugik uvaptingnik.

Esra 10:14

Angajoᴋavut illagêktune illunamasiangine perᴋolavut, illunatik takkorngârtunik nullianilauktut iglugasaksoaᴋotiptingne, nalliutune oᴋautigijaujune ᴋaiᴋovlugit, iglugasaksuillo attunit angajoᴋangit, idluarsaijungillo illautilugit, Gudib ningausingat illungertortok pijoᴋartok tamanna pitjutigellugo sangutitauᴋârtinago uvaptingnit.

Imgerut 85:4

Mannigortigut, Gûde, piulijivut, saimarveᴋajuinerlo uvaptingnik ipperaruk.

Exodus 32:12

Sôk Egiptenemiut oᴋauseᴋartuksauvât oᴋarlutiglo: Uivênermut anitipait, toᴋoraromavlugit ᴋakᴋane, nunablo ᴋânganit nungutsomavlugit? ᴋeviarlaurit ningaumajârnernit ilungertortomit, annusingorlaurillo idluituliveᴋaromanermit ômangat piniaromajarnit inuᴋotingnut.

Jesaiase 40:2

Kiblingnartunik oᴋauseᴋaritse Jerusaleme oᴋâlavigivlugo, kippalôninga sorairmat, idluitulliningit issumagijaujungnairmatta, maggôlimmajomik (sugiartaunermik) pingmat Nâlekab agganginit idluitullinine pivlugit.

Jesaiase 65:10

Sâronelo saukkat nerᴋiksarsiorvigijomârpât, naᴋsarlo Aggore tuktuvait aᴋopivigijomârpât, inuᴋotima uvamnik apperᴋuteᴋartut pingita.

Jeremiab Ogguarutigijangit 3:53

Inôsera kipivât iglome itersâlungmêtome, ujaraᴋsoarlo pitilugo ᴋâmnut.

Hosea 2:15

Tagvangallo tunitjivigijomavara vaineliksataliksanganik, Akoriblo naᴋsanganik nerriungnermut iterviksanganik; tagvanelo imgerlârpoᴋ sorlo inôsungnime uvlungine, sorlolo uvlorme majorarvigilauᴋtangane Egiptenemit.

Hosea 2:17

Baalit attingit pêjaromagapkit ᴋaninganit, attingitigut erᴋaumajaujungnairomârmatta.

Joel 2:13

Omatiselo aliksigik annorâse pinagit, sâgiaritselo Nâlekamut Gudipsingnut; tâmna saimarosudlarmat, ilapsugosuktoᴋsôvlunelo, ningarsarailungitoᴋ, nâpkiniktoᴋsôvlunelo, ajortomiglo anusingorsarpoᴋ.

Joel 2:18

Nâlegak tagva ilungertulerpoᴋ nunane pivlugo, inuᴋotinelo naiperᴋutigivait.

Jona 1:15

Jônalo tiguvât egilâllo imânut; tâvalo imarbik iktulijarungnaipoᴋ.

Saggaria 6:8

ᴋaigarsugvigivânga tagva oᴋarvigilungalo, oᴋarporlo: Ahâk, nunamut avanêtomut aijut anernera inilangatipât nuname avanêtome.

Numbers 25:8

Angullo Israêlimioᴋ malikpâ tupinganut, tamarmiglo kapivak, angut Israêlimioᴋ, arnarlo, nângagut. Taimaglo nusilingnartoᴋ sorairpoᴋ Israêlikune.

Deuteronomy 13:17

Nungutaksallo ilanganik sunamiglônêt nipingajokartuksaungilak aggangnut; Nâlegak allaiᴋovlugo ningarnime katsungaininganik, saᴋᴋêvigilutillo nâpkiningnermik, ilapjugilutillo, unuksitilutillo, sorlo atâtagijatit angervigilaungmagit;

Deuteronomy 13:18

Nâlekab Gûdivît nippinga nâlagungne, tâpsomalo perᴋojangit perᴋojijutigijakka ilingnut uvlome maligungne, piniarlutit idluarijaujunik Nâlekab Gûdivît takkoane.

Josua 10:27

Seᴋᴋinerle nippijarêrmat perᴋojivok akᴋartitauᴋovlugit nappartunit egitauᴋovlugillo ᴋairosungmut ijervigilauktanganut, ujarᴋaniglo angijunik illijivut ᴋairosub pângata sanganut. Tapkoa tagvaneput sulle uvlok tamana tikkilugo.

Josua 7:24

Tagva Josuab Israelitillo illunatik Achan Serab erninga tiguvât, Silberelo, ulliglo, oᴋangoarlo Golde, erningillo panningillo, tuktuvaᴋotingillo, siuteᴋoktojoᴋotingillo, saugaᴋotingillo tuppingalo, tamaitalo pigijangit illaliudlugit, tassiorpaillo paunga naksamut Achoremik attelingmut.

Josua 8:29

Aiemiullo attanningat nivingatauᴋova nappartomut unnuk tikkilugo. Seᴋᴋinerle nippijarêrmat, perᴋojivok timinga anernangêrtok akᴋartitauᴋovlugo nappartomik, egipâllo iglugasaksuit itterviksoanganut, ujarᴋallo unuktut perorliutivait ᴋânganut, uvlok tamanna tikkilugo tagvanetut.