Josua 7:12 - Labrador Inuttitut Heritage Bible

¹² Israelib ᴋittorngangit nangerungnangilet omigijimik sanginne, tunnuleriaᴋarpaille omigijitik; ominautiksaᴋaramik. Mannamit illaginiangilapse, ominautiksak pêjarniangikupsiuk illipsingnit.

Josua 7:12 Iomraidhean Croise

Imgerut 44:10

Utterᴋoᴋovaptigut ômigijipta sânginnit, arktaiᴋovlugit uvaptingnik illulugvigijivut.

Imgerut 60:10

Igvit piniarniangilatit Gûde, ajâktuilauktotit uvaptingnik, aulalungitotillo, Gûde, kattimgajoᴋotivut illagilugit?

Salomob Okâl 28:1

Gûdeᴋangitok ᴋemâvok unangmiklertoᴋanginingane; idluartorle sivôrajuipok, Loeveârsutut.

Jesaiase 59:2

Idluitullinipsele avipâse Gûdipsingnit, idluinipselo kênanga ijerpât illipsingnut, tussartailitillugo.

Jeremia 23:33

Inuillo ukkua, nalautaijûblônêt ajoᴋertuijûblônêt aperikpatit, oᴋarlutik: Sunauvâ Nâlakab inerterijutauᴋojanga? tagva oᴋarvigijaksarivatit: Inerterijutauᴋojanga imaipoᴋ: Allaromavapse, oᴋarpoᴋ Nâlagaᴋ.

Jeremia 6:8

Aᴋilerit, Jerusalem, ômatiga allarᴋonago ilingnit; asserortauᴋonak nunaulerᴋonak inuêrutjausimajomik.

Hosea 9:12

Kitorngatik perorsâraloarpatigiglônêt, sulle ᴋitorngairutilârpakka, inuᴋarungnaiᴋovlugo: ilâ kapianarmêk tâpkoa aularuma tâpkonangat!

Habakûb 1:13

Igvit ijeᴋartotit ivsornaitoᴋsôjûngnik idluitulinermik takonârungnangitûngnik, nelangainermiglo nâmaksarungnangitûngnik, suna pivlugo nelâgôngitulijut tâpkoa takonârᴋigît, nipangerlutillo idluitulijûb idluarᴋejane êngmago,

Numbers 14:39

Mosesiblo oᴋautsit tamakkoa oᴋautigivait Israêlikunut ilûnainut; inuillo angijomik ᴋaᴋialidlarput.

Numbers 14:42

Tâvungarniarase, Nâlegaᴋ akunapsingnêngimat; sâlagijaudlarᴋonase ômigijipsingnut.

Numbers 14:43

Amalekut Kanaanekullo sivunapsingnêngmatta, tâpkoalo saviksoanginut oggotitaulârpose; tunnulaurapse Nâlegaᴋ maligomanago, Nâlekab ilagijomangilâse.

Numbers 14:45

Amalekullo Kanaanekullo nunalit ᴋaᴋᴋame tâpsomane atersârput annaulugillo unangmilugillo Horma tikidlugo.

Deuteronomy 7:26

Maᴋojungnartomik itertitsijuksaungilatit iglungnut, ôminartungorᴋonak tâpsotunak; naggogijaksarivat mamaigilugolo; nungutaksaudlarmat.

Josua 6:18

Kissiane illimasugitse nungutaksanik, nungutaksautiᴋonnasse, nungutaksat illangit tigugupsigik, nungutaksautilugolo Israelib tangmarvinga, pitilugolo ogguarnartomut.

Idluarsaijut 16:20

Tapsomalo oᴋautiva: Filisterit illingnut pivut, Simson! Tuppakamelo issumakalerpok: Annijomavunga, sorlo piᴋatarlaurama nutsugomalungalo; ᴋaujimânnanelo Nâlegak nusimangmat tapsomangat.

Idluarsaijut 2:14

Taimak tagva Nâlekab ningarninga ilûngertudlalaukpok Israelitit pivlugit, tunnivaillo arktainiktut tapkoninga agganginut, aksarniᴋovlugit tapkoninga, niorvgutigivaillo omigijingita avatânetut agganginut. Akkerartorungnarungnailaukpaillo omigijitik;

Idluarsaijut 2:4

Nâlekablo Engelinga taimaitunik oᴋautsinik oᴋarêrlaungmat Israelib ᴋitornganginut ilûnainut, inugasaksuit nippitik kagvarpait ᴋêalutiglo.

I Samuel 14:38

Tagva Saule oᴋarpok: Inuksuit kattimgajungit illunatik tamaunga ᴋailit, tukkisilerluselo, takkolapselo kinamut idluitullinek illingamangat nalliutome tamattomane.