Josua 7:11 - Labrador Inuttitut Heritage Bible

¹¹ Israelitit idluitulilaukput, angersimaneralo perᴋolauktara tapkonunga tappagilaukpât; tigusilauramik nungutaksamik, tiglilaukpullo taimak, missiarlutiglo, illijilutiglo perᴋutigijamik akkornganut.

Josua 7:11 Iomraidhean Croise

II Atannit 18:12

Tamanna pivlugo Nâlekab Gûdimik nippinga nâlelaungimatsuk, angerningalo; tamaitalo Mosesib Nâlekab kivgangata perkolauktangit tappagilaungmattigik, nâlelaungimattigiglo, pinniarlaungimattigiglonêt.

II Atannit 5:24

Ofelemullo tikkiname, tiguvait tapᴋoa agganginit, illivaillo iglomut, angutiglo aularᴋovak.

Jesaiase 24:5

Nunalo ivsornarsivoᴋ inungme attânne, perᴋojat nâlalungimagit, inatsinerit tappagingmagit, angersimanerlo soᴋᴋosijuitoᴋ kamagijungnairlugo.

Jeremia 31:32

Angiᴋatigêngnertut taipsotunaungitoᴋ angerutigilauᴋtaptut angajoᴋânginut, uvlorme taipsomane, aggangit tigulaurapkit aulartilugillo nunamit Egiptenemit; angiᴋatigêngnerale soᴋosijuitilaungilât, Nâlagaulauraloarama tâpkonunga, oᴋarpoᴋ Nâlagaᴋ.

Hosea 6:7

Tâpkoale Adametut angiᴋatigêngneᴋ uniorpât; tagvane nelangaisârvigivânga.

Leviticus 5:15

Inuit naliat tamarlune idluitulikpat Nâlekamut tunijaujut ivsornaitut pitjutigilugit, ᴋaitsijuksauvok tunergutiksaminik pasijaksaungijutiksamik Nâlekamut, angusâlormik ᴋanoêtoᴋangitomik katimgajunit, akkitutigijomik sekelenik silberenik idluarijat maliklugo, ivsornaitoviub sekelinga maliklugo, tunergutiksauᴋovlugo pasijaksaungijutiksamik:

Habakûb 2:6

Tâpkoa ilûnnatik adsiujomik atorniangilât tâmna pivlugo, oᴋausiovaktomiglo mitauteᴋartomik tâmna pivlugo, oᴋarlutik: Kapianarmêk pigingitaminik piᴋangârniartoᴋ! ᴋanoᴋ sivitutigijomîk? Kalerêktitsijorlo satoraksanik ingminut.

Saggaria 5:4

Aulartitsomârpara, oᴋarpok Nâlegak Zebaot, iteromârporlo tigliktûb iglunganut, angiluktûblo atera taivlugo iglunganut: iglungatalo iluanêtuartuksauvok, nungulârpâlo ᴋejuktangit ujaraktangillo ilaliullugit.

Mattêuse 22:21

Kiovât: Ataniviksûb. Tagva oᴋautivait. Taimaimat ataniviksoarmut tunisiuk ataniviksûb pinga, Gûdemullo Gûdib pinga.

Apostelit Piniarningit 5:9

Pêtrusible oᴋautivâ: Sôk adsigêktomik isumaᴋarpitîk Nâlekab Anerninga ôktoromavlugô? Ahâk uingnik iluversijut itigangit upkuab silatânêput, igvittauk aniniarivâtit.

Deuteronomy 17:2

Akunerne itertarvikpît Nâlekab Gûdivît tunijangata ilingnut iliangane, angullônêt arnarlônêt idluitulijok Nâlekab Gûdivît takkoane naipitaukpat, tâpsoma angerutigijanga tapagilugo,

Ebrêerinut 4:13

Pingortitamiglo takuksaungitoᴋangilaᴋ tâpsomunga; ilûnamasiatigle ijersimanatiglo saᴋᴋersimavut ijîkita sângangne; tamanna oᴋautigivavut.

Josua 23:16

Tappagigupsiuk Nalekab Gudipse angerutigijanga, perᴋolauktanga illipsingnut, aigupselo kivgartorluselo Gudib assinginik (Gudingoanik) tuksiarvigigupsigiglo, tagva Nalekab ningausinga illungertorniarpok pivluse, pêjarniarpâselo nunamit ajungitomit tunnilauktaminit illipsingnut.

Josua 7:1

Israelitille tammarlaukput tigusinermut nungutaksamik; Achan Karmib erninga, Sabdib erningata, Serab erningata, Judab kinguvânginnit, tigusilaungmat nungutaksat illanginnik. Tagva Nalekab ningausingata Israelib ᴋittorngangit illungertorutigivait.

Josua 7:10

Tagva Nalegak Josuamut oᴋarpok: Makkitit! sôg taimak pamangavit kenêt pûlugo?

Idluarsaijut 2:20

Tamânna pivlugo Nâlekab ningarninga ilûngertulerlaukpok Israelitit pivlugit, oᴋarᴋovlugo: Inugasaksuit ukkoa angernera tappagilaungmatsuk atâtagijanginut perᴋolauktara, nippigalo Nâlelungimatsuk,

I Samuel 14:38

Tagva Saule oᴋarpok: Inuksuit kattimgajungit illunatik tamaunga ᴋailit, tukkisilerluselo, takkolapselo kinamut idluitullinek illingamangat nalliutome tamattomane.