Josua 6:7 - Labrador Inuttitut Heritage Bible

⁷ Inugasaksoarnulle oᴋarpok: Aileritse pissukluselo iglugasaksuit avatâtigut; oppalungersimajullo ailerlit Nalekab iklervingata sivorngane.

Josua 6:7 Iomraidhean Croise

Josua 1:14

Nulliaᴋotisse sorruseᴋotisselo nergjuteᴋotisselo ᴋemmaksigik nunamut Mosesib tunnilauktanganut illipsingnut Jordanib miksâne; illipsele, angutit sorsugungnartut sakkulijarluse ᴋattangutisse sivorlervigijaksarivase ikkajoraksarilugillo,

Josua 4:13

40,000 diokassait oppalungersimavlutik unnatadlarnermut, ailaukput Nalekab sângane sorsungnermut Jerichub naternangane.

Josua 6:3

Angutit sorsuktuksat pissukokit iglugasaksuit avatâtigut attausiarlutik taimailiorlutillo uvlunne 6 inne.

Josua 6:6

Tagva Josuab Nunib erningata ajochertuijut ᴋaiᴋovait oᴋautivlugillo: Angersimanerub iklervinga akkigarsiuk, ajochertuijullo 7 it naksarlit Jarib nertordlernartub tiptulautinginnik 7 nik Nalekab iklervingata sivorngane.

Josua 6:8

Josuab innugasaksuit tamattominga oᴋautijarêrlaungmagit, ajochertuijut 7 it Jarib nertordlernartub tiptulautinginik 7 nik akjarsivut Nalekab iklervingata sivorngane tiptulausijarlutiglo; Nalekablo angersimaningata iklervinga mallikpok tapkoninga.